完整藏文原文 · 德格版页 当前仅加载第 76 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་བན་གླང་ལ་ཞོན་ནས་ཕྱིར་བདག་གི་ཡུལ་དུ་ཕྱིན་པ་དང་། རྒྱལ་བུ་དེའི་བསོད་ནམས་ཀྱི་མཐུས་བདག་གི་ཡུལ་ཡང་ཕྱིར་ཐོབ་ནས་རྒྱལ་བུ་དོན་གྲུབ་རྒྱལ་པོར་དབང་བསྐུར་ཏེ་རྒྱལ་པོར་བཅུག་གོ། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་
D353.076.0102a01.01དུས་ན་ཡབ་རྒྱལ་པོར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་སེམས་ན་དེ་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན་ཡབ་རྒྱལ་པོ་དེ་ནི་ད་ལྟར་ངའི་ཡབ་ཟས་གཙང་མ་ཞེས་བྱ་བར་གྱུར་ཏོ། །དེའི་ཚེ་དེའི་དུས་ན་ཡུམ་དུ་གྱུར་པ་དེ་ནི་གཞན་ཞིག་ཡིན་སྙམ་དུ་ཁྱོད་སེམས་
D353.076.0102a02.01ན་དེ་དེ་ལྟར་མི་བལྟ་སྟེ། དེ་ནི་ད་ལྟར་ངའི་ཡུམ་ལྷ་མཛེས་ཞེས་བྱ་བ་ཡིན་ནོ། །དེའི་ཚེ་དེའི་དུས་ན་རྒྱལ་བུ་དོན་གྲུབ་ཅེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་སེམས་ན་དེ་དེ་ལྟར་མི་བལྟའོ། །དེའི་ཚེ་དེའི་དུས་ན་རྒྱལ་བུ་དེ་ནི་ད་ལྟར་ཤཱཀྱ་ཐུབ་པ་ཞེས་བྱ་བ་ང་ཡིན་ནོ། །དེའི་ཚེ་དེའི་
D353.076.0102a03.01དུས་ན་བརྒྱ་བྱིན་ལྷའི་དབང་པོར་གྱུར་པ་དེ་ནི་ད་ལྟར་ཀུན་ཤེས་ཀཽ་ཌི་ནྱ་ཞེས་བྱ་བ་ཡིན་ནོ། །བཅོམ་ལྡན་འདས་ཀྱིས་ཕ་མ་ལ་སྲི་ཞུ་བྱེད་པའི་ལེའུ་འདི་བསྟན་པའི་ཚེ་འཁོར་གྱི་དཀྱིལ་འཁོར་དེ་ན་བྱང་ཆུབ་སེམས་དཔའ་ཁྲི་ཕྲག་ཉི་ཤུ་སྙེད་ཀྱིས་འགྲོ་བ་ཐམས་ཅད་ལ་ཕན་པ་དང་བདེ་བའི་དོན་ལ་
D353.076.0102a04.01མཁས་པའི་ཚིག་གི་སྤོབས་པ་ཐོབ་པར་གྱུར་ཏོ། །བྱང་ཆུབ་སེམས་དཔའ་ཁྲི་ཕྲག་བཅུ་གཉིས་ཀྱིས་མི་སྐྱེ་བའི་ཆོས་ལ་ཆོས་ཀྱི་བཟོད་པ་ཐོབ་བོ། །གཞན་ཡང་ཕྱོགས་བཅུ་ནས་འདུས་པའི་ཉན་ཐོས་དང་། རང་སངས་རྒྱས་རྡུལ་ཕྲ་རབ་སྙེད་ཀྱིས་ཐེག་པ་གཉིས་ཀྱི་སེམས་སྤངས་
D353.076.0102a05.01ཏེ་ཐེག་པ་གཅིག་གིས་མཐར་ཕྱིན་པར་གྱུར་ཏོ། །དགེ་བསྙེན་དང་། དགེ་བསྙེན་མ་རྡུལ་ཕྲ་རབ་སྙེད་ཀྱིས་འབྲས་བུ་དང་པོ་ནས་ཐེག་པ་གཉིས་ཀྱི་འབྲས་བུའི་བར་དུ་ཐོབ་པར་གྱུར་ཏོ། །ལྷ་དང་མི་བརྒྱ་སྟོང་སྙེད་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །
D353.076.0102a06.01དེ་མ་ཡིན་པ་ལྷ་དང་། ཀླུ་དང་། {ཡི་དགས་,ཡི་དྭགས་}དང་། ལྷ་མ་ཡིན་དང་། དྲི་ཟ་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ལགས་པ་ལ་སོགས་པའི་ཚོགས་མང་པོ་རྣམས་ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས་ཉན་
D353.076.0102a07.01