完整藏文原文 · 德格版页 当前仅加载第 76 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་བཤད་པ་ཞེས་བྱ་བ་ནི་མདོ་སྡེ་བཅུ་གཉིས་ནས་ཚིག་གཅིག་གམ། ཚིགས་སུ་བཅད་པ་གཅིག་གམ། ཚིགས་སུ་བཅད་པ་ཕྱེད་ཀྱི་བར་དུ་བཤད་པ་སྟེ། དེ་ཡང་ཚིག་གི་སྒྲ་དང་། དོན་དང་། ཆོས་སུ་ལྡན་ལ། ཆོས་དང་དོན་བསྟན་པ་ཡང་སྤྲོ་བ་དང་།
D353.076.0190b01.01གཟེངས་བསྟོད་པ་དང་། དགའ་བར་བྱ་བའི་ཕྱིར་དུས་སུ་བསྟན་པ་དང་། དུས་ཁ་ཅིག་ཏུ་གཤེ་ཞིང་སྤྱོ་བ་དང་། དུས་ཁ་ཅིག་ཏུ་དྲང་པོར་ཐད་ཀར་བསྟན་པ་དང་། དུས་ཁ་ཅིག་ཏུ་དཔེ་རྣམས་བསྟན་ཏེ་ཅི་དང་འཕྲོད་པ་བཞིན་དུ་བསྟན་པ་དང་། དུས་ཁ་ཅིག་ཏུ་དེ་བས་ཉེ་ཞིང་སླ་བར་
D353.076.0190b02.01བསྟན་པ་དང་། དུས་ཁ་ཅིག་ཏུ་ཇི་ལྟར་མོས་པ་བཞིན་དུ་འཇུག་སླ་བ་བསྟན་པ་ནི་བྱང་ཆུབ་སེམས་དཔའི་དྲིན་ཤེས་པ་དང་། དྲིན་བསབ་པ་ལ་མཁས་པའི་མཆོག་ཆོས་རིམ་གྱིས་བཤད་པ་ཞེས་བྱའོ། །གཞན་ཡང་ཡོངས་སུ་དག་པར་བཤད་པ་ཞེས་བྱ་བ་ནི། བྱང་ཆུབ་སེམས་
D353.076.0190b03.01དཔའ་སེམས་དཔའ་ཆེན་པོ་དགྲ་སྡང་བ་ལ་བྱམས་པའི་སེམས་སྒོམ་སྟེ། བྱམས་པའི་སེམས་ཀྱིས་སེམས་ཅན་སྡིག་པ་དང་བཅས་པ་དང་། གང་ཟག་བག་མེད་པ་དང་། ལེ་ལོ་ཅན་དག་ལ་ཐབས་རྣམ་པ་མང་པོ་ནས་ཆོས་བསྟན་ནས་རྒྱགས་ཤིང་དྲེགས་པ་དང་།
D353.076.0190b04.01གང་ཟག་དབུལ་ཕོངས་པའི་བར་དུ་ཐབས་རྣམ་པ་མང་པོས་ཆོས་སྟོན་པར་བྱེད་ཀྱི་བདག་སྟོད་པའམ། གཞན་སྨོད་པའམ། བཟའ་བ་དང་། བཏུང་བ་དང་། རྙེད་པ་དང་། གྲགས་པའི་ཕྱིར་མ་ཡིན་པ་ནི་བྱང་ཆུབ་སེམས་དཔའ་དྲིན་ཤེས་ཤིང་དྲིན་བསབ་པ་ལ་མཁས་
D353.076.0190b05.01པའི་ཆོས་ཡོངས་སུ་དག་པ་བཤད་པ་ཞེས་བྱའོ། །དེ་ལ་ཇི་ལྟར་ན་ཆོས་བཞིན་དུ་གནས་པ་ཡིན་ཞེ་ན། ལུས་དང་། ངག་དང་། ཡིད་ཀྱི་ལས་དགེ་བའི་ཆོས་སྒོམ་ཞིང་ཡོངས་སུ་དག་པ་དང་ལྡན་ཏེ། དྲིན་ཤེས་པ་དང་། དྲིན་བསབ་པ་ཡང་བླ་ན་མེད་པ་ཡང་དག་
D353.076.0190b06.01པར་རྫོགས་པའི་བྱང་ཆུབ་ཡོངས་སུ་བསྟན་པའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དྲིན་ཤེས་ཤིང་དྲིན་བསབ་པ་ནི་དོན་ཡིད་ལ་བྱེད་དེ། མང་དུ་ཐོས་པས་གཟུངས་ཐོབ་པར་བྱེད་ཅིང་ཆོས་ཀྱི་སྒྲོན་མ་འབར་བར་བྱ་བའི་ཕྱིར། སེམས་ཅན་
D353.076.0190b07.01