完整藏文原文 · 德格版页 当前仅加载第 76 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱུར་ཏེ། ཟླ་བ་བཅུ་ཚང་ནས་སྲས་བུ་གཅིག་བལྟམ་མོ། །སྲས་བུ་དེ་ཡང་སྡུག་ཅིང་མཛེས་ལ་མཚན་ཕུན་སུམ་ཚོགས་པ་གཅིག་བཙས་མ་ཐག་ཏུ་བློན་པོ་ཆེན་པོ་རྣམས་དང་། མཐའི་རྒྱལ་པོ་རྒྱལ་ཕྲན་ཀུན་བསྡུས་ཏེ་རྒྱལ་བུའི་མཚན་བལྟས་ནས་རྒྱལ་བུ་རང་བཞིན་
D353.076.0122a01.01གྱིས་ཁྲོ་མི་ཤེས་ཤིང་དགེ་བ་ཞིག་སྟེ། མཚན་ཡང་རྒྱལ་བུ་བཟོད་པ་ཞེས་བཏགས་སོ། །རྒྱལ་བུ་བཟོད་པ་དེ་ཆེར་སྐྱེས་ནས་སྦྱིན་པ་སྦྱིན་པ་ལ་དགའ་ཞིང་མཁས་པའི་བློ་དང་ལྡན་ཏེ། སེམས་ཅན་མང་པོ་ལ་སྙིང་རྗེའི་སེམས་ཆེར་སྐྱེས་སོ། །དེའི་ཚེ་ན་རྒྱལ་པོ་ཆེན་པོ་དེ་ལ་བློན་པོ་
D353.076.0122a02.01ཆེན་པོ་རང་བཞིན་གྱིས་ཁྲོ་བ། གཡོ་དང་སྒྱུས་འཚོ་བ། ཉེས་པ་མེད་པར་སྟབས་ལས་གཅོད་པ་ཀུན་གྱིས་མི་འདོད་ཅིང་སྙིང་དུ་མི་སྡུག་པ་དྲུག་ཞིག་ཡོད་དོ། །བློན་པོ་ཆེན་པོ་དྲུག་པོ་དེ་དག་བདག་གི་ལུས་ལ་སྐྱོན་ཡོད་པར་ཤེས་ནས་རྟག་ཏུ་ཕྲག་དོག་བྱེད་དོ། །རྒྱལ་བུ་དེ་
D353.076.0122a03.01ལ་མི་དགའོ། །དེའི་ཚེ་རྒྱལ་པོ་ཆེན་པོ་ནད་ཚབས་ཆེན་པོས་བཏབ་ནས་ནད་ཀྱིས་གཟིར་ཏེ། ཉམ་ཆུང་ཞིང་རིད་པར་གྱུར་པས་སྲོག་ལ་བབ་ཏུ་ཉེ་བ་དང་། རྒྱལ་བུ་བཟོད་པས་བློན་པོ་རྣམས་ལ་ཡབ་རྒྱལ་པོ་སྙུན་ཚབས་ཆེའམ། སྐུ་ཚེའི་བར་ཆད་དུ་མི་འགྱུར་རམ་ཞེས་དྲིས་ན།
D353.076.0122a04.01བློན་པོ་རྣམས་ཁྲོས་ཏེ་རྒྱལ་བུ་ལ་རྒྱལ་པོའི་སྐུ་ཚེ་རིང་པོ་མི་ཐོགས་སོ་ཞེས་སྨྲས་སོ། །དེ་ཅིའི་ཕྱིར་ཞེ་ན། སྨན་བཟང་པོ་མི་རྙེད་པས་དེ་བས་ན་སྐུ་ཚེ་ཡང་རིང་པོ་མི་ཐོགས་སོ། །རྒྱལ་བུས་དེ་སྐད་ཅེས་སྨྲས་པ་ཐོས་ནས་རབ་ཏུ་མི་དགའ་བའི་སེམས་སུ་གྱུར་ཏེ། འཁམས་
D353.076.0122a05.01ནས་ས་ལ་འགྱེལ་བ་དང་། བློན་པོ་ཆེན་པོ་དྲུག་པོ་གནས་དབེན་པར་སོང་ནས་འདི་སྐད་ཅེས་བགྲོས་སོ། །རྒྱལ་བུ་བཟོད་པ་འདི་མེད་པར་མ་བྱས་ན་བདག་ཅག་ནམ་དུ་ཡང་བདེ་བར་མི་འགྱུར་རོ་སྙམ་བསམས་ཤིང་བགྲོས་པ་ལས། བློན་པོ་གཅིག་གིས་སྨྲས་པ། རྒྱལ་བུ་འདི་ལ་ཉེས་
D353.076.0122a06.01པ་ཡེ་མེད་ན་ཇི་ལྟར་མེད་པར་བྱ། བློན་པོ་གཅིག་གིས་སྨྲས་པ། བདག་ལ་རྒྱལ་བུ་མེད་པར་བྱ་བའི་ཐབས་ཡོད་དོ་ཞེས་སྨྲས་ནས་རྒྱལ་བུ་གང་ན་བ་དེར་སོང་ནས་རྒྱལ་བུ་ལ་འདི་སྐད་ཅེས་སྨྲས་སོ། །བདག་ཅག་གིས་མཐའི་རྒྱལ་ཕྲན་དྲུག་ཅུའི་ཡུལ་དང་། གྲོང་ཁྱེར་བརྒྱད་
D353.076.0122a07.01