完整藏文原文 · 德格版页 当前仅加载第 76 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚེ་སེམས་ཅན་ཐམས་ཅད་ལ་ཕན་པ་དང་བདེ་བའི་དོན་དུ་སེམས་ཅན་ཐམས་ཅད་མྱ་ངན་ལས་འདས་པ་ཆེན་པོ་ལ་ངེས་པར་དགོད་པར་དམ་བཅའོ། །གཞན་ཡང་སེམས་ཅན་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བར་དམ་བཅའ་བར་བྱའོ། །
D353.076.0115b01.01དེ་ནི་བདག་གི་དོན་དང་གཞན་གྱི་དོན་བྱེད་པ་ཞེས་བྱ་སྟེ། དེ་བས་ན་ཐོག་མ་བྱང་ཆུབ་ཏུ་སེམས་བསྐྱེད་ནས་བྱང་ཆུབ་ཀྱི་རྒྱུ་དང་ལྡན་པ་ཞེས་བྱ། །སེམས་ཅན་གྱི་རྒྱུ་དང་ལྡན་པ་ཞེས་བྱ། ཡང་དག་པའི་དོན་གྱི་རྒྱུ་དང་ལྡན་པ་ཞེས་བྱ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་ཆོས་
D353.076.0115b02.01དང་ལྡན་པ་ཞེས་བྱ། དགེ་བའི་ཆོས་ཐམས་ཅད་སྡུད་པའི་གཞི་ཞེས་བྱ། དེ་བས་ན་བྱང་ཆུབ་སེམས་དཔའ་ནི་དགེ་བ་ཞེས་བྱ། དགེ་བ་ཆེན་པོ་ཞེས་བྱ་སེམས་ཅན་ཐམས་ཅད་ཀྱི་དགེ་བའི་རྩ་བ་ཞེས་ཀྱང་བྱ། སེམས་ཅན་ཐམས་ཅད་ཀྱི་ལུས་དང་། ངག་དང་། ཡིད་ཀྱི་ལས་སྦྱོང་
D353.076.0115b03.01བ་ཞེས་བྱ་སྟེ། ལས་ངན་པ་གསུམ་སྦྱངས་པས་འཇིག་རྟེན་ན་སྨོན་ལམ་གང་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ལས་འདའ་བ་མེད་དེ་སྨོན་ལམ་མཆོག་དམ་པ་བླ་ན་མེད་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཐོག་མ་བྱང་ཆུབ་
D353.076.0115b04.01ཏུ་སེམས་བསྐྱེད་པའི་ཚེ་དངོས་པོ་ལྔ་དང་ལྡན་པར་བྱའོ། །ལྔ་གང་ཞེ་ན། རང་བཞིན་དང་། སྤྱོད་པ་དང་། སྤྱོད་ཡུལ་དང་། ཡོན་ཏན་དང་། བསྐྱེད་པའོ། །བྱང་ཆུབ་སེམས་དཔའ་དེ་ལྟར་བྱང་ཆུབ་ཏུ་སེམས་བསྐྱེད་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱ་སྟེ། གདོན་
D353.076.0115b05.01མི་ཟ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་ཅིང་ཐེག་པ་ཆེན་པོ་སྤྱོད་པར་འགྱུར་རོ། །དེ་བས་ན་ཐོག་མ་བྱང་ཆུབ་ཏུ་སེམས་བསྐྱེད་པས་དགེ་བའི་ཆོས་ཐམས་ཅད་སྡུད་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཏུ་སེམས་བསྐྱེད་ནས་ཇི་
D353.076.0115b06.01ལྟར་སྤྱོད་པ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། །གལ་ཏེ་བྱང་ཆུབ་ཏུ་སེམས་མ་བསྐྱེད་ན་ནམ་དུ་ཡང་བྱང་ཆུབ་ཐོབ་པར་མི་འགྱུར་ཏེ། དེ་བས་ན་བྱང་ཆུབ་ཏུ་སེམས་བསྐྱེད་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་གཞི་ཐོབ་པར་
D353.076.0115b07.01