完整藏文原文 · 德格版页 当前仅加载第 76 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
པ། དེ་ལྟར་མ་ཡིན་ཏེ་ཕྱུག་བཞིན་དུ་ཤི་ཡང་སླའི་དབུལ་བཞིན་དུ་མི་གསོན་ནོ། །དེར་ཅི་མངོན་ཞེ་ན། བདག་དུར་ཁྲོད་ཅིག་ན་འདུག་པར་ཕྱིན་པ་ན། དུར་ཁྲོད་དེ་ན་ཡོད་པའི་རོ་དག་དེ་སྐད་ཅེས་ཟེར་བ་ཐོས་སོ། །རྒྱལ་བུ་དགེ་དོན་རང་བཞིན་གྱིས་དྲང་བས་ནུ་བོ་ལ་ཁྱོད་རིན་པོ་ཆེ་
D353.076.0140b01.01མེད་ཀྱང་ཚོད་ཡོད་ཀྱིས། བདག་ལ་ཀླུའི་རྒྱལ་པོའི་ཡིད་བཞིན་གྱི་ནོར་བུ་རིན་པོ་ཆེ་ཡོད་དོ། །ནུ་བོས་ནོར་བུ་ག་རེ་ཞེས་དྲིས་ན། ཕུ་བོས་སྨྲས་པ། ཡིད་བཞིན་གྱི་ནོར་བུ་རིན་པོ་ཆེ་བདག་གི་དོ་ཀེར་གྱི་ནང་ན་ཡོད་དོ་ཞེས་སྨྲས་སོ། །ནུ་བོས་དེ་སྐད་ཅེས་སྨྲས་པ་ཐོས་ནས་ཕྲག་དོག་གི་
D353.076.0140b02.01སེམས་ཀྱིས་ལྷག་པར་འཁྲུག་ཅིང་ཞེ་སྡང་གི་སེམས་སྐྱེས་ཏེ། འདི་སྙམ་དུ་ཡབ་རྒྱལ་པོ་དང་ཡུམ་བདག་ལ་ལྷག་པར་སྡང་བའི་སྟེང་དུ་ད་ཕུ་བོས་ནི་ཡིད་བཞིན་གྱི་ནོར་བུ་རིན་པོ་ཆེ་རྙེད་པས། ད་ནི་ལྷག་པར་བདག་ལ་སྡང་ཞིང་ས་རྡོ་དང་འདྲ་བར་བེན་པར་འགྱུར་རོ་སྙམ་བསམས་ནས་ཕུ་
D353.076.0140b03.01བོ་དགེ་དོན་ལ་འདི་སྐད་ཅེས་སྨྲས་སོ། །ཤིན་ཏུ་ལེགས་སོ། །ནོར་བུ་རིན་པོ་ཆེ་ཐོབ་པ་ཤིན་ཏུ་ལེགས་ཀྱིས་ད་འཇིགས་པ་འདིར་ལེགས་པར་བསྲུང་དགོས་སོ། །དེ་ནས་རྒྱལ་བུ་དགེ་དོན་གྱིས་དོ་ཀེར་བཀྲོལ་ཏེ་ནོར་བུ་ནི་ནུ་བོ་ངན་དོན་གྱི་ལག་ཏུ་བྱིན་ཏེ། ཁྱོད་ངལ་ཞིང་ཆད་དེ་ཉལ་
D353.076.0140b04.01བའི་ཚེ་ཁོ་བོས་བཙའ་ཞིང་བསྲུང་ངོ་། །ཁོ་བོ་ངལ་ཏེ་ཉལ་བའི་ཚེ་ན་ཁྱོད་ཀྱིས་བཙའ་ཞིང་སྲུངས་ཤིག །དེའི་ཚེ་ངན་དོན་ནོར་བུ་སྲུང་རེས་ལ་བབ་ནས་ཕུ་བོ་དགེ་དོན་དེ་གཉིད་ལོག་ཅིང་འདུག་པ་ལས། ངན་དོན་གྱིས་སྨྱིག་མ་སྐམ་པོའི་ཚལ་པ་གཉིས་ཀྱིས་དགེ་དོན་གྱི་མིག་གཉིས་ཀྱི་
D353.076.0140b05.01ནང་དུ་བཙུགས་ནས་ནོར་བུ་རིན་པོ་ཆེ་ཁྱེར་ཏེ་བྲོས་སོ། །དེ་ནས་རྒྱལ་བུ་དགེ་དོན་གྱིས་ནུ་བོ་ངན་དོན་ཞེས་བོས་ཏེ། ངའི་མིག་གཉིས་སུ་རྐུན་པོས་ཤིང་ཚལ་བཙུགས་ཀྱིས་ནོར་བུ་རིན་པོ་ཆེ་ཐོགས་ལ་བྲོས་ཤིག་ཅེས་བོས་ནས་ཅང་མི་གྲག་པས། ད་ནི་བདག་གི་ནུ་བོ་ངན་དོན་ཡང་
D353.076.0140b06.01དགྲས་བསད་པ་ལྟའི་ཅང་མི་གྲག་གོ་ཞེས་སྐད་ཆེན་པོས་ལྷ་རྣམས་ཐོས་པ་ཙམ་དུ་བོས་ཀྱང་རིང་ཞིག་གི་བར་དུ་ཅང་མི་གྲག་གོ། །དེ་ནས་ཤིང་ལྗོན་པའི་ལྷ་ཞིག་འདི་སྐད་ཅེས་སྨྲའོ། །ཁྱོད་ཀྱི་ནུ་བོ་ངན་དོན་ཉིད་དགྲ་ཡིན་ཏེ། ཁྱོད་ཀྱི་མིག་གཉིས་ཕྱུང་ནས་ནོར་བུ་རིན་པོ་ཆེ་ཁྱེར་ཏེ་ཕྱིར་བྲོས་
D353.076.0140b07.01