完整藏文原文 · 德格版页 当前仅加载第 76 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པ་གཏི་མུག་ཅན་གྱི་སྦྱིན་བདག་དང་འདྲའོ། །དེའི་ཚེ་དུས་གཞན་ཞིག་ན་ལོ་བདུན་གྱི་བར་དུ་ཆར་མ་བབ་པས་ཐན་པ་ཆེན་པོ་བྱུང་སྟེ། རྩི་ཤིང་ཡང་སྐམས། འབྲུ་ཡང་རབ་ཏུ་དཀོན་པར་གྱུར་ནས་མུ་གེ་ཆེན་པོ་བྱུང་སྟེ། གཅིག་ལ་གཅིག་འཆའ་ཞིང་ཟ་བར་གྱུར།
D353.076.0108b01.01གཅིག་གི་ཤ་ཁྲག་ལ་གཅིག་ཟ་སྟེ། ལ་ལ་ནི་བུའི་ཤ་ཁྲག་ལ་ཕ་མ་ཟ། ལ་ལ་ནི་ཕ་མའི་ཤ་ལ་བུ་ཟ་ཞིང་། ཕ་མ་དང་། ཕུ་ནུ་དང་། ཁྱོ་ཤུག་དང་། བུ་ཕོ་དང་། བུ་མོ་ཡང་གཅིག་གི་ཤ་ལ་གཅིག་ཟ་བར་གྱུར་ཏོ། །དེའི་ཚེ་ན་སྦྱིན་བདག་ཆེན་པོ་དེ་འཆག་ཅིང་འཕྱན་དུ་སོང་
D353.076.0108b02.01སོང་བ་ལས་སེམས་ཅན་མང་པོ་དག་ལྟོགས་ནས་ད་རོད་ཉམས་དེ་རིད་ཅིང་སྐམས་ལ་ཉམ་ཆུང་ལ་མདོག་ངན་པ་དང་། སྐྲ་ཡང་འཛིངས་ནས་ལུས་གནག་ལ་རྐེ་བ་དག་ཕྲག་པ་ལ་མི་རོ་ཁུར་དུ་ཁྱེར་ཏེ། ཁ་ཅིག་ནི་མིའི་མགོ་དང་། ལག་པ་དང་། རྐང་པ་དང་། ལྷུ་ཚིགས་དང་། ལག་
D353.076.0108b03.01ངར་དང་། ཕྲག་པ་དང་། ཚིགས་པ་དང་། རྒལ་པ་དང་། བརླ་དང་། རྗེ་ངར་དང་། ཡན་ལག་དང་། ཉིང་ལག་གི་བར་དུ་ཁྱེར། ཁ་ཅིག་ནི་ནང་ཁྲོལ་མཆིན་པ་དང་། མཆེར་པ་དང་། གློ་བ་དང་། རྒྱུ་མ་དང་། གཞང་རྣམས་ཁྱེར་བ་མཐོང་ངོ་། །དེ་ལྟ་བུ་དག་མཐོང་ནས་སྦྱིན་
D353.076.0108b04.01བདག་དེས་དེ་དག་མཐོང་ནས། ཁྱེད་ཁུར་དུ་ཁྱེར་བ་འདི་དག་ཅི་ཡིན་ཞེས་དྲིས་སོ། །དེ་དག་གིས་སྨྲས་པ། བདག་ཅག་གི་ཁུར་དུ་ཁྱེར་བ་འདི་དག་ནི་མི་རོ་སྟེ། མིའི་མགོ་དང་། རྐང་ལག་དང་། བརླ་དང་། རྗེ་ངར་དང་། ཡན་ལག་དང་། ཉིང་ལག་གི་བར་དུའོ། །ཁྱེད་མིའི་
D353.076.0108b05.01མགོ་དང་། ཡན་ལག་དང་། ཉིང་ལག་གི་བར་དུ་ཁྱེར་བ་འདི་ཅི་དགོས་ཅི་ཞིག་བྱ་ཞེས་དྲིས་པ་དང་། དེ་དག་གིས་སྨྲས་པ། ཁྱོད་མི་ཤེས་སམ། མུ་གེ་ཆེན་པོ་བྱུང་ནས་འབྲུ་རབ་ཏུ་དཀོན་པར་གྱུར་ཏེ། མི་ཀུན་ལྟོགས་ནས་ད་ལྟར་གཅིག་ལ་གཅིག་ཟ་བས། བདག་ཅག་གི་
D353.076.0108b06.01ཁུར་བུ་ཁྱེར་བ་འདི་ནི་བདག་ཅག་གི་ཟས་ཡིན་ནོ། །དེའི་ཚེ་སྦྱིན་བདག་ཆེན་པོ་དེས་དེ་སྐད་ཅེས་སྨྲས་པ་དེ་ཐོས་ནས་དངངས་ཏེ། སྤུ་ཟིང་ཞེས་བྱེད་ནས་འཁམས་ཏེ་ས་ལ་འགྱེལ་བ་ལས་ཆུ་གྲང་མོས་གདོང་དུ་གཏོར་ནས་རིང་ཞིག་ལོན་པ་དང་། སེམས་སོར་ཆུད་ནས་འོ་ན་ཁྱོད་ཀྱི་
D353.076.0108b07.01