完整藏文原文 · 德格版页 当前仅加载第 76 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་རྒྱལ་པོ་ལི་ཤི་བར་གྱི་ཡུལ་དུ་ཕྱིན་པ་དང་། རྒྱང་མ་ནས་རྒྱལ་བུ་དགེ་དོན་རྒྱལ་པོའི་ཕོ་བྲང་ན་འདུག་པ་མཐོང་ངོ་། །དེ་ནས་ངང་པ་དེ་དེ་ཉིད་དུ་བབས་ཏེ་རྒྱལ་བུ་གང་ན་བར་འོངས་ཏེ། སྙིང་རྗེ་རྗེ་སྐད་ཕྱུང་སྟེ་རབ་ཏུ་དགའ་བས་རྒྱལ་བུ་ལ་བལྟའོ། །དེ་ནས་རྒྱལ་བུས་ངང་པའི་
D353.076.0144a01.01མགུལ་ནས་ཡི་གེ་བླངས་ནས་མགོ་བོས་གུས་པར་ཕྱག་འཚལ་ཏོ། །དེ་ནས་ཡི་གེ་ཕྱེ་ནས་བཀླགས་སོ། །བཀླགས་ནས་རྒྱལ་པོ་ཡབ་ཡུམ་གཉིས་ཉིན་མཚན་དུ་རྒྱལ་བུ་དྲན་པས་རྟག་ཏུ་ངུ་བས་མིག་གཉིས་ལྡོངས་པར་རྟོགས་སོ། །དེ་ནས་རྒྱལ་བུ་དགེ་དོན་གྱིས་ཇི་ལྟར་གྱུར་པ་ཞིབ་
D353.076.0144a02.01ཏུ་ཡི་གེར་བྲིས་ཏེ། ཕྱིར་ཡང་ངང་པའི་མགུལ་དུ་བཏགས་ནས་ཕྱིར་བཏང་ངོ་། །དེ་ནས་ངང་པ་རབ་ཏུ་དགའ་ཞིང་ཕྱིར་ཡུལ་བཱ་རཱ་ཎ་སཱིར་ཡབ་རྒྱལ་པོ་དང་ཡུམ་བཙུན་མོའི་དེར་འོངས་སོ། །རྒྱལ་པོས་ཡི་གེ་འོངས་པ་མཐོང་ནས་རབ་ཏུ་དགའ་མགུ་རངས་ཏེ། སྤྲོ་བ་ཚད་མེད་པར་གྱུར། རྒྱལ་
D353.076.0144a03.01བུ་དགེ་དོན་ཡང་ངན་དོན་གྱིས་རྐུ་བྱས་ཏེ། རིན་པོ་ཆེ་ཡང་ཕྲོགས་པས་སྡུག་བསྔལ་མང་པོ་མྱོང་བར་རྟོགས་སོ། །དེ་ནས་ཡབ་རྒྱལ་པོས་དེ་མ་ཐག་ཏུ་ངན་དོན་བཟུང་ནས་ལག་པ་དང་རྐང་པ་ཁོང་སྒྲིལ་དུ་བཅུག །གཉའ་བ་ཡང་ལྕགས་ཐག་གིས་བཏགས་ནས་ཁྲི་མོན་དུ་བོར་རོ། །དེ་
D353.076.0144a04.01ནས་རྒྱལ་པོ་ལི་ཤི་བར་གྱི་སྟེང་དུ་ཕོ་ཉ་བཏང་ནས་ཅིའི་ཕྱིར་རྒྱལ་བུ་བཀག་སྟེ་བདག་ཅག་མྱ་ངན་གྱིས་གདུངས་པར་བྱས་ཞེས་སྤྲིངས་སོ། །དེ་ནས་རྒྱལ་པོ་ལི་ཤི་བར་སྐྲག་ནས་རྒྱལ་བུ་དགེ་དོན་གོས་དང་རྒྱན་གྱིས་བརྒྱན་ཏེ་ས་མཚམས་སུ་བཞག་སྟེ། ཕོ་ཉ་ལ་སྤྲིང་བ་ལྟར་བྱས་ནས་རྒྱལ་
D353.076.0144a05.01བུ་དགེ་དོན་རྒྱ་མཚོ་ནས་སླར་འཁོར་ཏེ་ད་འདིར་གཤེགས་སོ་ཞེས་ཕོ་ཉ་འོངས་པ་ལྟར་བྱས་སོ། །དེའི་ཚེ་རྒྱལ་པོ་ལི་ཤི་བར་གྱིས་གང་ནས་འོངས་པའི་ས་ཕྱོགས་དེ་ཀུན་ཕྱག་དར་བྱས། ཆག་ཆག་བཏབ་ནས་རྒྱལ་མཚན་དང་། བ་དན་དང་། གདུགས་བྲེས་ཏེ། དྲིལ་བུ་དང་། རྔ་
D353.076.0144a06.01བརྡུངས་ནས་རོལ་མོ་སྣ་ཚོགས་བྱས་ཏེ། རྒྱང་མ་ནས་རྒྱལ་པོ་ཉིད་འཁོར་དང་བཅས་པས་རྒྱལ་བུ་ཕོ་བྲང་གི་ནང་ནས་བསུ་ནས་བུ་མོ་ཆུང་མར་བྱིན་ཏེ་ཡུལ་བཱ་རཱ་ཎ་སཱིར་སྐྱེལ་དུ་བཏང་ངོ་། །བཱ་རཱ་ཎ་སཱིའི་རྒྱལ་པོ་དང་། བཙུན་མོས་རྒྱལ་བུ་འོངས་ཞེས་ཐོས་ནས་རབ་ཏུ་དགའ་མགུ་རངས་
D353.076.0144a07.01