完整藏文原文 · 德格版页 当前仅加载第 76 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲིབས་པ་མང་ཞིང་གཏོང་མི་ཕོད་པ་ཆགས་ཤིང་ཞེན་པ་དང་། ཀུན་ནས་ཉོན་མོངས་པའི་ལས་གྲངས་མེད་པས་གླགས་པ་དང་། ཤེས་པ་ཆུང་ཞིང་ཞེན་པ་དང་། ལེ་ལོ་བྱེད་ཅིང་ང་རྒྱལ་ཆེ་བ་དང་། ལུས་འདི་ཉིད་ཀྱིས་བྱང་ཆུབ་ཀྱི་རྒྱུར་མི་འགྱུར་ཞིང་མཚན་སུམ་ཅུ་རྩ་གཉིས་ཐོབ་པར་མི་རུང་བ་དང་། འཁོར་
D353.076.0160b01.01བར་འཁོར་བ་ན་འཁོར་ལོས་སྒྱུར་བའི་རྒྱལ་པོའི་འབྲས་བུའི་མཆོག་དགེ་བ་བཅུའི་ཆོས་ཀྱིས་འགྲོ་བ་མང་པོ་སྡུད་མི་ནུས་པ་དང་། ཚངས་པའི་རྒྱལ་པོའི་ཐབས་བླ་ན་མེད་པ་མི་འཐོབ་ཅིང་སེམས་ཅན་ཐམས་ཅད་ལ་ཕན་པ་དང་བདེ་བའི་དོན་དུ་དམ་པའི་ཆོས་ཀྱི་འཁོར་ལོ་བསྐོར་བར་བསྐུལ་མི་ནུས་པའི་
D353.076.0160b02.01ཕྱིར་དེ་བས་ན་དེ་བཞིན་གཤེགས་པས་བུད་མེད་རྣམས་ཆོས་ལ་འཇུག་པའི་སློབ་མར་མ་གནང་ངོ་། །ལྷའི་བདུད་དམ་ངན་པར་ལྟ་བ་དང་། མུ་སྟེགས་ཅན་ཐམས་ཅད་རྟག་ཏུ་ངན་པར་ལྟ་བ་ལ་ཆགས་ཤིང་ཞེན་ཏེ་དམ་པའི་ཆོས་མེད་པར་བྱ་བ་དང་། སངས་རྒྱས་དང་། ཆོས་དང་། དགེ་འདུན་བཤིག་
D353.076.0160b03.01པར་འདོད་པ་དང་འདྲ་བར་དེ་བཞིན་གཤེགས་པས་བུད་མེད་རྣམས་སངས་རྒྱས་ཀྱི་ཆོས་ལ་མོས་ཀྱང་འཇུག་ཏུ་མ་གནང་སྟེ། ཁོ་མོས་བུད་མེད་ཐམས་ཅད་ཀྱི་ཕྱིར་དེ་བཞིན་གཤེགས་པ་ལ་ཡང་དང་ཡང་ལན་གསུམ་གྱི་བར་དུ་སངས་རྒྱས་ཀྱི་ཆོས་ལ་འཇུག་པར་གསོལ་ན་མ་གནང་ངོ་། །དེ་ལྟར་ལན་གསུམ་
D353.076.0160b04.01གྱི་བར་དུ་གསོལ་ཀྱང་མ་གནང་ནས་བསམས་པ་བཞིན་མ་གྱུར་ནས་ཁོ་མོ་མི་དགའ་བའི་མྱ་ངན་གྱིས་ནོན་ཏེ། མིག་མཆི་མས་གང་སྟེ་ཕྱིར་བྱུང་སྟེ་སོང་སོང་བ་ལས་ལམ་དུ་ཀུན་དགའ་བོ་དང་ཕྲད་ནས་ཀུན་དགའ་བོས་ཁོ་མོ་ལ་ཡུམ་ཅིའི་ཕྱིར་འདི་ལྟར་མི་དགའ་ཞིང་མྱ་ངན་བྱེད་ཅེས་དྲིས་སོ། །ཁོ་མོས་དེའི་ཚེ་ན་
D353.076.0160b05.01ཀུན་དགའ་བོ་ལ་འདི་སྐད་ཅེས་སྨྲས་སོ། །བདག་སངས་རྒྱས་ཀྱི་ཆོས་ལ་དད་ཅིང་མོས་ཏེ་ལན་གསུམ་གྱི་བར་དུ་དེ་བཞིན་གཤེགས་པ་ལ་གསོལ་བ་ལས་མ་གནང་བས་དེའི་ཕྱིར་བདག་མི་དགའ་ཞིང་མྱ་ངན་བྱེད་དོ་ཞེས་སྨྲས་པ་དང་། དེའི་ཚེ་ཀུན་དགའ་བོས་བདག་ལ་འདི་སྐད་ཅེས་སྨྲས་སོ། །ཡུམ་མི་དགའ་བ་
D353.076.0160b06.01མ་བྱེད་ཅིག །བདག་གིས་དེ་བཞིན་གཤེགས་པ་ལ་གསོལ་ཏེ་ཡུམ་སངས་རྒྱས་ཀྱི་བསྟན་པ་ལ་འཇུག་པར་བྱའོ་ཞེས་སྨྲས་སོ། །དེ་ནས་བདག་མོད་ལ་དགའ་བར་གྱུར་ཏོ། །དེ་ནས་ཀུན་དགའ་བོས་སངས་རྒྱས་གང་ན་བ་དེར་སོང་ནས་ཕྱིན་པ་དང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཞུ་ཞིང་
D353.076.0160b07.01