完整藏文原文 · 德格版页 当前仅加载第 76 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་བང་མཛོད་སུམ་ཆ་ཞིག་ཟད་ནས། བློན་པོ་རྣམས་ཀྱིས་རྒྱལ་པོ་ལ་དཀོར་མཛོད་སུམ་ཆ་གཅིག་བས་ཏེ། རྒྱལ་བུས་མ་མཆིས་པར་བགྱིས་ཀྱིས་རྒྱལ་པོ་དགོངས་ཤིག་ཅེས་གསོལ་པ་དང་། རྒྱལ་པོས་ང་ནི་རྒྱལ་བུའི་ཡིད་དང་འགལ་བར་བྱེད་
D353.076.0136a01.01མི་ནུས་སོ་ཞེས་བཀའ་སྩལ་ཏོ། །ད་ནི་རྒྱལ་པོའི་བང་མཛོད་སུམ་ཆ་གཉིས་བས་ཀྱི་རྒྱལ་པོ་དགོངས་ཤིག་བཀའ་སྩལ་པ། ང་ནི་རྒྱལ་བུའི་ཡིད་དང་འགལ་བར་བྱེད་མི་ནུས་སོ། །ཁྱོད་ཀྱིས་ཐབས་ཅི་ལེགས་སུ་ཅུང་ཟད་བཀག་སྟེ་ཡིད་དང་མི་འགལ་བར་གྱིས་
D353.076.0136a02.01ཤིག་པར་བཀའ་སྩལ་ཏོ། །དེ་ནས་ཡང་རྒྱལ་བུ་དགེ་དོན་བང་མཛོད་འབྱེད་དུ་སོང་བ་ལས། བང་མཛོད་ལ་དབང་བའི་བློན་པོ་དོན་གཉེར་དུ་སོང་ནས་རིང་ཞིག་མ་ཁུགས་ཏེ་འཕྱིས་པར་གྱུར་པས་རྒྱལ་བུ་དགེ་དོན་འདི་སྐད་དུ། བང་མཛོད་བསྲུང་བའི་བློན་པོ་ཆུང་ངུ་ན་
D353.076.0136a03.01བདག་གི་ཡིད་དང་འགལ་བར་བྱེད་པའི་ཐུགས་མི་ཐུབ་སྟེ། འདི་ནི་རྒྱལ་པོ་ཡབ་ཀྱི་བཀའ་ཡིན་དུ་ངེས་པས་བུ་སྲི་ཞུ་ཅན་ཞེས་བྱ་བ་ཕའི་བང་མཛོད་སྟོངས་པར་བྱ་བར་མི་རིགས་ཀྱིས་ད་བདག་ཉིད་ཀྱིས་ནོར་དང་རིན་པོ་ཆེ་བཙལ་ལ་སེམས་ཅན་ཐམས་ཅད་ཚིམ་པར་
D353.076.0136a04.01བྱའོ། །གལ་ཏེ་བདག་གིས་སེམས་ཅན་ཐམས་ཅད་ལ་བགོ་བ་དང་། བཟའ་བ་དང་། བཏུང་བ་ཡིད་བཞིན་དུ་ཆོག་པར་སྦྱིན་མི་ནུས་ན་རྒྱལ་པོ་ཆེན་པོའི་སྲས་སུ་ཇི་སྐད་གདགས་ཞེས་སྨྲས་ནས་བློན་པོ་ཆེན་པོ་དང་། བློན་པོ་ཕྲ་མོ་ཡན་ཆད་བསྡུས་ཏེ། ནོར་དང་། ཁེ་
D353.076.0136a05.01སྤོགས་ཚོལ་བ་དག་ཅིའི་སྒོ་ནས་བསྒྲུབས་ན་མཆོག་ཏུ་འགྱུར་ཞེས་བགྲོས་སོ། །དེ་ལ་བློན་པོ་ཆེན་པོ་གཅིག་གིས་སྨྲས་པ། དེ་ལྟར་སྤོགས་ཤིག་བྱ་ན་ཞིང་རྨོ་བ་ལས་འདའ་བ་མེད་དེ་གཅིག་ལ་ཁྲིར་འགྱུར་རོ། །ཡང་བློན་པོ་ཆེན་པོ་གཅིག་གིས་སྨྲས་པ། འཇིག་རྟེན་ན་ཁེ་
D353.076.0136a06.01སྤོགས་བྱ་བའི་ནང་ན་རྐང་འགྲོས་ལས་ཁྱུ་བཙུགས་ལ་འབྲོག་བཟང་པོར་བཞག་ན་མང་དུ་འཕེལ་ཏེ་སྤོགས་དེ་ལས་ཆེ་བ་མེད་དོ། །ཡང་བློན་པོ་གཅིག་གིས་སྨྲས་པ། འཇིག་རྟེན་ན་ཁེ་སྤོགས་ཤིག་བྱ་ན་རྒྱ་མཚོར་ཞུགས་ལ་ནོར་བུ་རིན་པོ་ཆེ་བཙལ་བ་ལས་འདའ་བ་མེད་དོ། །
D353.076.0136a07.01