完整藏文原文 · 德格版页 当前仅加载第 76 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
གདུག་པ་རྐོ་ཞེས་འགྱོད་ནས་ཆུང་མ་དང་། བུ་ལ་བསྒོ་བ། སྦྲུལ་གདུག་པ་གསུམ་གྱི་ཁྲོན་པ་མྱུར་དུ་ཚོངས་ཤིག །སྦྲུལ་གདུག་པ་གསུམ་ཡང་ཁོ་བོ་བདག་གིས་བསྲེག་གོ་ཞེས་བསྒོ་བ་དང་། ལས་བྱེད་པའི་མི་རྣམས་ཀྱིས་དེ་མ་ཐག་ཏུ་ཁྲོན་པ་དེ་ཡང་བསུབས་
D353.076.0110b01.01ནས་མེད་པར་བྱས་སོ། །དེ་ནས་སྦྱིན་བདག་དེས་སྦྲུལ་གདུག་པའི་ཁྲོན་པ་དེ་མེད་པར་བྱས་ནས་ཕྱི་རོལ་དུ་འཆག་ཏུ་སོང་སོང་བ་ལས་སྦྱིན་བདག་གི་ཁ་ཟས་དུག་ཅན་གྱི་ཤི་བར་གྱུར་པ་ལས་ཐམས་ཅད་ཚིག་འཐུན་པར་སྦྱིན་བདག་འདིས་བདག་ཅག་ལ་ཁ་ཟས་དུག་ཅན་བྱིན་ནས་
D353.076.0110b02.01བདག་ཅག་སྔར་ཤི་བར་གྱུར་པ་ཡིན་ནོ། །བདག་ཅག་གིས་དེ་ལྟར་ཤེས་ན་དེར་མ་སོང་ཡང་རུང་ཞེས་འགྱོད་པ་སྐྱེས་སོ། །དེ་བཞིན་དུ་འཁོར་ལོས་སྒྱུར་བའི་རྒྱལ་པོ་དེ་ཡང་དགེ་བ་བཅུས་སེམས་ཅན་བཏུལ་ཏེ། སེམས་ཅན་དག་ལྷ་དང་མིའི་མཐོ་རིས་སུ་སྐྱེ་ཞིང་འདོད་པ་ལྔ་ལ་འདོད་
D353.076.0110b03.01དགུར་ལོངས་སྤྱོད་མོད་ཀྱི་སྐྱེ་བ་དང་། རྒ་བ་དང་། ན་བ་དང་། འཆི་བ་ལས་མི་ཐར་བ་ཡང་དེ་དང་འདྲའོ། །དེ་ནས་འཁོར་ལོས་སྒྱུར་བའི་རྒྱལ་པོ་དེ་དེའི་མོད་ལ་བདག་བླ་ན་མེད་པའི་སངས་རྒྱས་ཀྱི་ཆོས་དང་། འཇིག་རྟེན་ལས་འདས་པའི་ཆོས་བསྒྲུབས་ཏེ། སེམས་ཅན་རྣམས་
D353.076.0110b04.01ཀྱང་དེ་ལ་ཀློག་པ་དང་། འདོན་པ་དང་། འདྲི་བ་དང་། གོམས་པར་བྱ་སྟེ། སྐྱེ་ཤིའི་འཁོར་བ་ཡོངས་སུ་སྤང་ཞིང་མྱ་ངན་ལས་འདས་པ་འཐོབ་པར་བྱའོ་ཞེས་དམ་བཅས་སོ། །དེའི་ཚེ་ན་འཁོར་ལོས་སྒྱུར་བའི་རྒྱལ་པོ་སངས་རྒྱས་ཀྱི་ཆོས་ཚོལ་བའི་ཕྱིར། འཛམ་བུའི་གླིང་ན།
D353.076.0110b05.01སངས་རྒྱས་ཀྱི་ཆོས་སུས་ཤེས་ཞེས་གནས་ཀུན་ཏུ་བཀར་བཏགས་སོ། །འཁོར་ལོས་སྒྱུར་བའི་རྒྱལ་པོ་ཆོས་འདོད་པའི་ཕྱིར་གནས་ཀུན་ཏུ་བཀར་བཏགས་ཀྱང་ཤེས་པ་མ་བྱུང་ངོ་། །མཐའ་འཁོབ་ཀྱི་ཡུལ་ཆུང་ངུ་ཅིག་ཏུ་ཕྱིན་པ་དང་། དེ་ན་བྲམ་ཟེ་གཅིག་ཅིག་སངས་རྒྱས་ཀྱི་ཆོས་
D353.076.0110b06.01ཤེས་སོ་ཞེས་ཟེར་རོ། །དེ་ནས་བྲམ་ཟེ་དེའི་སྟེང་དུ་ཕོ་ཉ་བཏང་ནས་ཕོ་ཉ་དེས་བྲམ་ཟེ་ག་ལ་བ་དེར་ཕྱིན་ནས་བཙུན་པ་སངས་རྒྱས་ཀྱི་ཆོས་ཤེས་སམ་ཞེས་དྲིས་ན་ཤེས་སོ་ཞེས་ཟེར་རོ། །དེ་ནས་ཕོ་ཉས་བྲམ་ཟེའི་རྐང་པ་ལ་མགོ་བོས་ཕྱག་བྱས་ནས་བཙུན་པ་འཁོར་ལོས་སྒྱུར་བའི་
D353.076.0110b07.01