完整藏文原文 · 德格版页 当前仅加载第 76 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བྱའོ། །དཔེར་ན་ཤེན་པ་ལུག་གསོད་པ་ནི་རྟག་ཏུ་གསོད་པའི་སེམས་དང་ཆས་ཏེ་ལུག་གསོད་པ་འབའ་ཞིག་ཡིད་ལ་བྱེད་པས་དེའི་ཚད་གཟུང་དུ་མེད་དོ། །ཇི་སྟེ་ལྷ་དང་མིར་སྐྱེས་ན་འཕྲལ་དུ་གསོད་པའི་ལས་མི་བྱེད་ཀྱང་སྐྱེ་བ་གཅིག་ནས་གཅིག་ཏུ་འཁོར་བས་ཕྱིར་ལུག་ཏུ་སྐྱེ་
D353.076.0182b01.01བའི་ཆོས་ཡོད་དོ། །དེ་བས་ན་སེམས་ཅན་ཐམས་ཅད་ལས་སྡོམ་པ་མ་ཡིན་པའི་ཁྲིམས་ཐོབ་པར་འགྱུར་ཏེ། སྡོམ་པ་མ་ཡིན་པའི་ཁྲིམས་བཅུ་གཉིས་ཀྱང་དེ་དང་འདྲའོ། །སྡོམ་པ་མ་ཡིན་པའི་ཁྲིམས་བཅུ་གཉིས་ཞེས་བྱ་བ་ནི་འདི་ལྟ་སྟེ། ཤེན་པ་དང་། གཤེད་མ་དང་།
D353.076.0182b02.01ཕག་གསོ་བ་དང་། བྱ་གསོ་བ་དང་། ཉ་ཤོར་བ་དང་། རྔོན་པ་དང་། བྱ་ཤོར་བ་དང་། སྦྲུལ་ཤོར་བ་དང་། ཀླུ་ལ་སྔགས་འདེབས་པ་དང་། བཙོན་རྫི་བྱེད་པ་དང་། རྐུན་པོ་བྱེད་པ་དང་། རྐུན་པོ་འཛིན་པ་དང་བཅུ་གཉིས་སོ། །དར་གྱི་སྲིན་བུ་གསོ་བ་ཡང་སྡོམ་པ་མ་ཡིན་པའི་ཁྲིམས་ཀྱི་ནང་དུ་
D353.076.0182b03.01འདུས་སོ། །སྡོམ་པ་མ་ཡིན་པའི་ཁྲིམས་ཉམས་པའི་དུས་གསུམ་ཡོད་དེ། ཤི་བའི་དུས་དང་ཆགས་ཤིང་ཞེན་པ་ཟད་པའི་དུས་དང་། སྡོམ་པའི་ཚུལ་ཁྲིམས་མནོད་པའི་དུས་སོ། །དཔེར་ན་སྐྱབས་སུ་འགྲོ་བ་གསུམ་མནོད་པའི་ཚེ་ཐོག་མའི་ཚིག་དང་པོ་གཅིག་སྨྲས་པས་སྡོམ་པ་
D353.076.0182b04.01མ་ཡིན་པའི་ཁྲིམས་ཉམས་སོ། །དེའི་འོག་ཏུ་ཚིག་གཉིས་པ་དང་གསུམ་པ་སྨྲས་པའི་ཚེ་ན་དགེ་བའི་ཚུལ་ཁྲིམས་ཐོབ་པར་འགྱུར་རོ། །གསོལ་པ་གང་ཟག་གིས་སྡོམ་པ་མ་ཡིན་པའི་ལས་བྱེད་པ་ན་དུས་ཚོད་གང་གི་ཚེ་དགེ་བའི་ཚུལ་ཁྲིམས་ཉམས་ཤིང་མི་དགེ་བའི་ཁྲིམས་ཐོབ་
D353.076.0182b05.01པར་འགྱུར། བཀའ་སྩལ་པ། ཤེན་པའོ་ཞེས་ཚིག་གཅིག་དང་པོར་སྨྲ་བའི་ཚེ་དགེ་བའི་ཁྲིམས་ཉམས་པར་འགྱུར་ལ་ཤན་པའོ་ཞེས་ལན་གཉིས་ལན་གསུམ་སྨྲས་པས་མི་དགེ་བའི་ཁྲིམས་ཐོབ་པར་འགྱུར་རོ། །ཡང་གཞན་དུ་ན་གང་གི་ཚེ་དགེ་བའི་ཁྲིམས་བཏང་བ་དེ་ཉིད་ཀྱི་ཚེ་
D353.076.0182b06.01མི་དགེ་བའི་ཁྲིམས་ཐོབ་བོ། །ཇི་སྟེ་དགེ་བའི་ཁྲིམས་སྲུང་བའི་གང་ཟག་ཅིག་བདག་ཤེན་པའོ་ཞེས་དམ་ནི་མ་བཅས། ཁེ་དང་རྙེད་པ་ཙམ་ལ་ཆགས་ཏེ་ཕག་ཕྲུག་གསོ་ཞིང་གསོད་པའི་ལས་བྱེད་ན་དེའི་ཚེ་དགེ་བའི་ཁྲིམས་ཉམས་པ་ཞེས་བྱ་སྟེ། དེ་ནི་དགེ་བའི་ཁྲིམས་གཏང་
D353.076.0182b07.01