完整藏文原文 · 德格版页 当前仅加载第 76 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
ཡན་ལག་བརྒྱད་པའི་ཁྲིམས་མནོས་པའི་ཆོས་ཀྱིས་ནི་ཉིན་ཞག་གཅིག་གི་བར་དུ་སྲོག་མི་གཅོད་དོ་ཞེས་ཚིག་དེ་སྐད་ཆད་པས་ན་ཁྲིམས་གཞན་ནམ་འཚོའི་བར་དུ་མནོས་པ་དང་བསྲེར་ཡང་མི་རུང་ངོ་། །གསོལ་པ། ཡན་ལག་བརྒྱད་ཀྱི་ཁྲིམས་མནོད་པ་ཉིན་
D353.076.0179a01.01ཞག་གཉིས་སམ། གསུམ་མམ། བཅུའི་བར་དུ་ཅིག་ཅར་མནོད་དུ་རུང་ངམ། བཀའ་སྩལ་པ། ཐོག་མ་སངས་རྒྱས་ཀྱིས་ཉིན་ཞག་གཅིག་གི་ཁྲིམས་སུ་བཅས་པས་དེ་ལས་འདར་མི་རུང་ངོ་། །གལ་ཏེ་ཉམས་ཀྱིས་མནོད་ནུས་ན་ཉིན་ཞག་གཅིག་ཅིང་ལན་རེ་མནོད་དགོས་
D353.076.0179a02.01ཏེ། ཉིན་ཞག་དུ་མནོས་ཀྱང་རུང་ངོ་། །ཉིན་ཞག་གཅིག་གི་ཡན་ལག་བརྒྱད་ཀྱི་ཁྲིམས་མནོད་པའི་ཐབས་ནི་ཕ་རོལ་པོ་གཞན་ལས་མནོད་དགོས་ཏེ། དེ་ཡང་གང་ལས་མནོད་ཅེ་ན། འཁོར་ལྔ་པོ་གང་ཡང་རུང་བ་ལས་མནོད་དགོས་སོ། །ཡན་ལག་བརྒྱད་ཀྱི་ཁྲིམས་མནོས་
D353.076.0179a03.01པའི་འོག་ཏུ་གལ་ཏེ་སེམས་ཅན་ལ་བརྡེག་བཙོག་བྱས་ན་ཚུལ་ཁྲིམས་རྣམ་པར་དག་པ་མ་ཡིན་ནོ། །ཁྲིམས་མནོས་པའི་ཉིན་པར་བརྡེག་བཙོག་མ་བྱས་ལ་ཕྱི་དེ་ཉིན་བརྡེག་བཙོག་བྱ་བར་དམ་བཅས་ན་ཡང་ཚུལ་ཁྲིམས་རྣམ་པར་དག་པ་མ་ཡིན་ཏེ། མདོར་ན་ལུས་དང་ངག་གིས་
D353.076.0179a04.01ཇི་ཙམ་དུ་ཚུལ་བཞིན་མ་ཡིན་པའི་ལས་བྱས་ན་ཁྲིམས་མ་ཉམས་མོད་ཀྱི་རྣམ་པར་དག་པ་མ་ཡིན་ནོ། །གལ་ཏེ་ལུས་དང་ངག་རྣམ་པར་དག་ཀྱང་སེམས་ཀྱིས་འདོད་ཆགས་ཀྱི་རྣམ་པར་རྟོག་པ་བསྐྱེད་དམ། ཞེ་སྡང་གིས་འཚེ་བའི་རྣམ་པར་རྟོག་པ་བསྐྱེད་ན་ཡང་རྣམ་པར་དག་པ་
D353.076.0179a05.01མ་ཡིན་ནོ། །གལ་ཏེ་ལུས་དང་ངག་དང་ཡིད་ཀྱི་ལས་གསུམ་རྣམ་པར་དག་ཀྱང་རྗེས་སུ་དྲན་པ་དྲུག་ཡིད་ལ་མ་བྱས་ན་དེ་ཡང་ཚུལ་ཁྲིམས་རྣམ་པར་དག་ཅེས་མི་བྱའོ། །ཡན་ལག་བརྒྱད་ཀྱི་ཁྲིམས་མནོས་པའི་འོག་ཏུ་རྗེས་སུ་དྲན་པ་དྲུག་ཡིད་ལ་བྱས་ན་ཚུལ་ཁྲིམས་རྣམ་པར་དག་
D353.076.0179a06.01ཅེས་བྱའོ། །མདོ་སྡེ་དག་ལས་འཛམ་བུའི་གླིང་གི་རྒྱལ་པོ་འཛམ་བུའི་གླིང་གི་ཁམས་སུ་གཏོགས་པའི་མི་ཐམས་ཅད་དང་། དེའི་ནང་ན་ཡོད་པའི་གསེར་དང་། དངུལ་དང་། ནོར་དབྱིག་ཐམས་ཅད་ལ་དབང་བའི་བསོད་ནམས་ཀྱིས་ཡན་ལག་བརྒྱད་པའི་ཚུལ་ཁྲིམས་རྣམ་པར་དག་
D353.076.0179a07.01