完整藏文原文 · 德格版页 当前仅加载第 76 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། དེ་ཡང་ཐོག་མ་ཚུལ་ཁྲིམས་ནོད་པའི་ཚེ་སྲོག་ཆགས་ཐམས་ཅད་ཀྱི་སྲོག་མི་གཅོད་པ་དང་། ཐམས་ཅད་མ་བྱིན་པར་མི་ལེན་པ་དང་། ཐམས་ཅད་ལ་མི་ཚངས་པར་མི་སྤྱོད་པ་དང་། {བརྫུན་,རྫུན་}ཐམས་ཅད་མི་སྨྲའོ་ཞེས་བྱ་བའི་མཐའ་དང་ཚད་གཟུང་དུ་མེད་པས་དེ་བས་ན་
D353.076.0174a01.01སེམས་ཅན་ཐམས་ཅད་ལས་ཚུལ་ཁྲིམས་མི་ཐོབ་པར་འགྱུར་བ་མེད་དོ། །ཚུལ་ཁྲིམས་འབོགས་པ་ཆོ་ག་བཞིན་དུ་བྱས་ན་སྔར་ཁོང་དུ་ཆུད་ཅིང་ཡིད་ཆེས་པར་བྱ་བའི་ཕྱིར་ཆོས་བཤད་ལ་སེམས་ཅན་ཐམས་ཅད་ལ་བྱམས་པ་དང་སྙིང་རྗེའི་སེམས་བསྐྱེད་དུ་གཞུག་གོ། །དེ་ལྟར་ལྷག་པར་
D353.076.0174a02.01མོས་པའི་སེམས་སྐྱེས་ན་ལྷག་པའི་ཚུལ་ཁྲིམས་ཐོབ་པར་འགྱུར་རོ། །ཡང་ཚུལ་ཁྲིམས་ཐོབ་པ་ནི་སེམས་ཅན་ཐམས་ཅད་ལས་སོ་སོ་ནས་ཚུལ་ཁྲིམས་བཞི་ཐོབ་པར་འགྱུར་ཏེ། ཚུལ་ཁྲིམས་བཞི་སོ་སོར་དབྱེ་ན་ཚུལ་ཁྲིམས་བཅུ་གཉིས་སུ་འགྱུར་རོ། །སེམས་ཅན་ལས་སྲོག་
D353.076.0174a03.01མི་གཅོད་པ་དང་། མ་བྱིན་པར་མི་ལེན་པ་དང་། མི་ཚངས་པར་མི་སྤྱོད་པ་དང་། {བརྫུན་,རྫུན་}མི་སྨྲ་བས་བཟློག་པའི་ཉེས་པ་བཞི་སྐྱེ་བ་ཡང་རྒྱུ་དང་རྐྱེན་གསུམ་གྱི་ཕྱིར་ཏེ། དེ་ཡང་འདོད་ཆགས་ལས་སྐྱེ་བ་དང་། ཞེ་སྡང་ལས་སྐྱེ་བ་དང་། གཏི་མུག་ལས་སྐྱེ་བའོ། །སེམས་ཅན་ཐམས་
D353.076.0174a04.01ཅད་ལ་མི་དགེ་བ་བཅུ་གཉིས་པོ་འདི་ཡོད་དེ། མི་དགེ་བ་འདི་ལས་བཟློག་ན་དགེ་བའི་ཚུལ་ཁྲིམས་ཀྱི་རྣམ་པར་རིག་བྱེད་ཀྱི་གཟུགས་བཅུ་གཉིས་ཐོབ་པར་འགྱུར་རོ། །དཔག་ཏུ་མེད་པའི་སེམས་ཅན་ཐམས་ཅད་ལས་ཐོབ་པ་ཡང་དེ་དང་འདྲའོ། །གལ་ཏེ་དགྲ་བཅོམ་པ་ཁྲི་ཕྲག་བརྒྱའམ།
D353.076.0174a05.01འབུམ་ཕྲག་བརྒྱ་མྱ་ངན་ལས་འདས་ཀྱང་། ཐོག་མར་དགྲ་བཅོམ་པ་དེ་དག་ལས་ཚུལ་ཁྲིམས་ཐོབ་ན་དགྲ་བཅོམ་པ་མྱ་ངན་ལས་འདས་ཀྱང་ཚུལ་ཁྲིམས་ཉམས་པར་འགྱུར་བ་མ་ཡིན་ནོ། །ཆང་མི་འཐུང་བའི་ཁྲིམས་ནི་ལུས་འདི་ཐོག་མ་ནས་ཐ་མའི་བར་དུ་སྟོང་གསུམ་གྱི་སྟོང་ཆེན་
D353.076.0174a06.01པོའི་འཇིག་རྟེན་གྱི་ཁམས་ཇི་ཙམ་ཚང་དུ་གཏོགས་པ་ཐམས་ཅད་ལ་རྔུབ་རེ་ཞིང་ཁྲིམས་ཀྱི་རྣམ་པར་རིག་བྱེད་ཀྱི་གཟུགས་འཐོབ་སྟེ། ཐོག་མ་ཁྲིམས་ནོད་པའི་ཚེ་ཆང་ཐམས་ཅད་མི་འཐུང་ངོ་ཞེས་བྱས་པས་གལ་ཏེ་ཆང་ཐམས་ཅད་ཟད་ཀྱང་ཚུལ་ཁྲིམས་ནི་རྟག་ཏུ་ཡོད་པས་མི་ཉམས་སོ། །གསོལ་པ།
D353.076.0174a07.01