完整藏文原文 · 德格版页 当前仅加载第 76 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་གི་སྲོག་ལུས་སྦྱིན་པ་བྱས་ཀྱང་མི་ཕངས་ན་བང་མཛོད་དང་། ནོར་རྫས་དང་། ཁ་ཟས་ལྟ་སྨོས་ཀྱང་ཅི་དགོས། དེ་ནས་སྦྱིན་བདག་ཀྱང་རབ་ཏུ་དགའ་རངས་ནས་ཁྱེད་རྣམས་ནི་ཡང་དག་པར་ཁོ་བོའི་བླ་ན་མེད་པའི་བྱང་ཆུབ་ཐོབ་པར་བྱ་བའི་གྲོགས་ཡིན་པ་ལྟ་དགེའོ་ལེགས་སོ། །
D353.076.0109b01.01ཁྱེད་རྣམས་ཀྱང་སོ་སོ་ནས་ཅི་དང་ཅི་བྱ་བ་རྣམས་ཅི་དང་ཅི་བསྒྲུབ་པ་སྐོལ་བྱ་བའི་རིགས་པ་ཡང་མོད་ལ་བྱ། བསྒྲུབ་པའི་རིགས་པ་ཡང་མྱུར་དུ་བསྒྲུབ་སྟེ། ད་སྟེ་ཞག་བདུན་ན་ངེས་པར་འབྱོར་བར་བྱའོ། །དེའི་ཚེ་སྦྱིན་བདག་དེས་སོ་སོར་བསྒོ་ནས་ཁྱིམ་གྱི་ཕྱི་རོལ་དུ་བྱུང་སྟེ། གང་
D353.076.0109b02.01ན་ས་མཉམ་ཞིང་ཡངས་ལ་བདེ་བའི་གནས་ཞིག་བལྟས་ནས་མོད་ལ་ས་གཞི་དག་པར་ཉལ་ཉིལ་དང་ས་རྡོ་མེད་པར་བྱས་ཕྱགས་ཏེ་ཁྲི་སྟན་བཤམས་སོ། །དེ་ལྟར་མང་པོ་འདུ་བའི་གནས་སྦྱིན་པ་སྦྱིན་པའི་ས་གཞི་བཤམས་ནས་བན་གླང་ལྔ་བརྒྱ་ལ་ཁ་ཟས་བཀལ་ཏེ་སྦྱིན་པའི་
D353.076.0109b03.01སར་བསྐྱལ་ནས། ཁ་ཟས་ནི་རི་བཞིན་དུ་སྤུངས། ཞོ་ཆུ་ནི་མཚོ་བཞིན་བསྐྱིལ། མར་དང་། འབྲུ་མར་དང་། ཁུར་བ་ལ་སོགས་པ་ཁ་ཟས་རོ་བརྒྱ་དང་ལྡན་པ་ཆོ་མ་ཆོ་དགུ་སྦྱར་ཏེ། དེ་མ་ཡིན་པ་གཞན་ཡང་གོས་དང་། གདུ་བུ་དང་། ཕྲེང་བ་དང་། ལུས་ཀྱི་རྒྱན་སྣ་
D353.076.0109b04.01ཚོགས་དང་། བན་གླང་དང་། རྟ་དང་། རིན་པོ་ཆེ་སྣ་བདུན་ལ་སོགས་ཏེ། ཐམས་ཅད་ཕུན་སུམ་ཚོགས་པར་སྦྱར་ནས་ཞག་བདུན་ལོན་པའི་སྐྱ་རེངས་ཤར་ནས་ཞག་བདུན་གྱི་ཉི་མ་ལ་དྲིལ་རྔ་བརྡུངས། དུང་བུས་ཏེ། སྐད་ཆེན་པོས་ཐམས་ཅད་སྦྱིན་པའི་གནས་འདིར་འདུས་ཤིང་
D353.076.0109b05.01ཤོག་ཤིག་ཅེས་བོས་སོ། །དེའི་ཚེ་ན་ཐམས་ཅད་ཀྱིས་བོས་པའི་སྐད་ཐོས་ནས་འཕགས་པས་བྱིན་གྱིས་བརླབས་པ་ཙམ་དུ་རབ་ཏུ་དགའ་བའི་སེམས་སྐྱེས་ཏེ། ཐམས་ཅད་སྦྱིན་པ་གཏོང་བའི་གནས་སུ་ལྷགས་ཏེ། ཡིད་བཞིན་དུ་གོས་དང་། མལ་ཆ་དང་། ཟས་སྐོམ་དང་།
D353.076.0109b06.01ལུས་ཀྱི་རྒྱན་སྣ་ཚོགས་པ་དང་། ནད་ཀྱི་རྩི་སྨན་མང་པོ་དང་། བན་གླང་དང་། རྟ་དང་། རིན་པོ་ཆེ་སྣ་བདུན་ལ་སོགས་པ་ཅི་དང་ཅི་འདོད་པ་ཡིད་བཞིན་དུ་དྲངས་ནས་སྦྱིན་པའི་རྫས་ཅི་ཡོད་པ་ཐམས་ཅད་ཀྱིས་མ་ལུས་པར་ཁྱེར་རོ། །དེ་ནས་སྦྱིན་བདག་དེ་དགའ་ནས་ཕྱིར་ཁྱིམ་དུ་
D353.076.0109b07.01