完整藏文原文 · 德格版页 当前仅加载第 76 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་དེ་དག །སོ་སོ་ནས་དམ་བཅས་སོ། །བྱང་ཆུབ་ཡོངས་སུ་བརྒྱན་ཅིང་། སེམས་ཅན་ཐམས་ཅད་ལ་ཕན་ཞིང་། བདེ་བ་དང་། སངས་རྒྱས་ཀྱི་བཀའ་དྲིན་དྲན་ཞིང་། སངས་རྒྱས་ཀྱི་བཀའ་དྲིན་བསབ་པའི་ཕྱིར།
D353.076.0197b01.01སྟན་ལས་ལངས་ནས། ཐལ་མོ་སྦྱར་བ་བཏུད་དེ། སངས་རྒྱས་ཀྱི་མདོ་སྡེ་འདི། བདག་ཅག་ལ་གཏད་དུ་གསོལ། ཞེས་གསོལ་ཏོ། །དེའི་ཚེ་ཚེ་དང་ལྡན་པ་ཀུན་དགའ་བོས། འདི་སྐད་ཅེས་གསོལ་ཏོ། །བཅོམ་ལྡན་འདས་མདོ་སྡེ་འདིའི་
D353.076.0197b02.01མཚན་ཅི་ཞེས་བགྱི། །ཇི་ལྟར་ཡོངས་སུ་གཟུང་། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། མདོ་སྡེ་འདིའི་མིང་། དགེ་བའི་དངོས་པོ་ཀུན་བསྡུ་བ་ཞེས་ཀྱང་བྱ། ཐབས་མཁས་པ་ཆེན་པོ་ཞེས་ཀྱང་བྱ། དགོངས་
D353.076.0197b03.01པ་དམ་པའི་སྤྱོད་པ་ཞེས་ཀྱང་བྱ། སངས་རྒྱས་དྲིན་ལན་བསབ་པ་ཞེས་ཀྱང་བྱའོ། །བཅོམ་ལྡན་འདས་ཀྱིས། ཀུན་དགའ་བོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ཁྱེད་རྣམས་
D353.076.0197b04.01ཇི་ལྟར་བསྟན་པ་བཞིན་དུ། ནན་ཏན་དུ་སྤྱོད་ཅིག །སངས་རྒྱས་ཀྱིས་ཡོངས་སུ་གདམས་པའི་ལེའུ་འདི་བསྟན་པའི་ཚེ། ཉན་ཐོས་བདུན་ཁྲི་ཉིས་སྟོང་གིས། བླ་ན་མེད་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །གཞན་ཡང་། ལྷ་
D353.076.0197b05.01དང་། ཀླུ་དང་། གནོད་སྦྱིན་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དང་། དེ་ལ་སོགས་པ་ཐམས་ཅད་སངས་རྒྱས་ཀྱིས་གསུངས་པ་ལ་རྗེས་སུ་ཡི་རང་བར་གྱུར་ཏོ། །ཐབས་མཁས་
D353.076.0197b06.01པ་ཆེན་པོ་སངས་རྒྱས་དྲིན་ལན་བསབ་པའི་མདོ་ལས། ཉེ་བར་བསྙེན་པའི་ལེའུ་ཞེས་བྱ་སྟེ་དགུ་པའོ།། །།ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་པ་ཞེས་བྱ་བའི་མདོ་རྫོགས་སོ།། །།
D353.076.0197b07.01