完整藏文原文 · 德格版页 当前仅加载第 86 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་རིན་པོ་ཆེའི་དབང་བསྐུར་བ་ཆེན་པོའི་དམ་ཚིག་ནམ་མཁའི་ཁམས་ཐམས་ཅད་དུ་སྤྲོས་པས་དེ་བཞིན་གཤེགས་པའི་མངོན་པར་ཤེས་པ་མངོན་པར་བྱང་ཆུབ་པར་གྱུར་བ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཀྱི་ངོ་བོ་རྣམ་པར་དག་པ་དེ་ཡིས་ཆོས་
D490.086.0003a01.01ཐམས་ཅད་རང་བཞིན་གྱིས་དག་པ་ནམ་མཁའ་ཐམས་ཅད་ལ་ཁྱབ་པ་པོ། གཟུགས་ཐམས་ཅད་ཡོངས་སུ་མཐོང་བའི་ཡེ་ཤེས་ཀྱིས་མ་ལུས་ཤིང་ལུས་པ་མེད་པའི་སེམས་ཅན་འདུལ་བའི་སྤྱོད་པ་མཆོག་དང་ལྡན་པ། དེ་བཞིན་གཤེགས་པ་ཐམས་ཅད་དོན་ཡོད་པའི་བཀའ་
D490.086.0003a02.01ལུང་མཛད་པས་སེམས་ཅན་ཐམས་ཅད་མཉམ་པ་ཉིད་བླ་ན་མེད་པའི་ལས་སྣ་ཚོགས་པ་ཅན། རྣམ་སྣང་མི་འགྱུར་མི་བསྐྱོད་པ། །རིན་ཆེན་ཏོག་སྟེ་འོད་བྱེད་པ། །འོད་དཔག་མེད་པ་རྒྱལ་བའི་མགོན། །དོན་ཡོད་པ་ནི་ལས་ཀུན་བྱེད། །དེ་བཞིན་གཤེགས་པ་ཐམས་ཅད་
D490.086.0003a03.01ཀྱི་མེ་ལོང་ལྟ་བུའི་ཡེ་ཤེས་ཀྱི་དཀྱིལ་འཁོར། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་ལ་རབ་ཏུ་གནས་པ། དེ་བཞིན་གཤེགས་པ་ཐམས་ཅད་ཀྱི་སོ་སོར་རྟོག་པའི་ཡེ་ཤེས་གཉིས་སུ་མེད་པ་བརྙེས་པ་དེ་བཞིན་གཤེགས་པ་ཐམས་ཅད་ཀྱི་བྱ་
D490.086.0003a04.01བ་གྲུབ་པའི་ཡེ་ཤེས་ཡང་དག་པར་རྗེས་སུ་ཐོབ་པ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དབྱིངས་རྣམ་པར་དག་བ། ཆོས་ཐམས་ཅད་མཉམ་པ་ཉིད་ཀྱི་ཡེ་ཤེས་ཀྱི་སྤྱོད་ཡུལ། དེ་བཞིན་གཤེགས་པ་ཐམས་ཅད་ཀྱི་གཉིས་སུ་མེད་ཅིང་མཉམ་པ་ཉིད་
D490.086.0003a05.01དམིགས་པའི་ཡེ་ཤེས་ཡོངས་སུ་དག་པ་མཐར་ཕྱིན་པ། སྟོང་པ་ཉིད་དང་། དེ་བཞིན་ཉིད་དང་། ཡང་དག་པའི་མཐའ་དང་། མཚན་མ་མེད་པ་དང་། སྨོན་པ་མེད་པ་དང་། ཚངས་པའི་གནས་པ་བཞི་པོ་དག་གིས་སངས་རྒྱས་ཀྱི་ཡེ་ཤེས་ཀྱི་ཡུལ་དུ་གྱུར་པ།
D490.086.0003a06.01སངས་རྒྱས་ཀྱི་ཡུལ་མཉམ་པ་ཉིད་ལ་དམིགས་པ། དེ་བཞིན་གཤེགས་པ་ཐམས་ཅད་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོ་ཉིད་ལ་བྱིན་གྱིས་བརླབས་ནས། ཕྱོགས་དང་མཚམས་རྣམས་སུ་ཀུན་ཏུ་གནས་སོ། །དེ་ནས་ཡང་བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་
D490.086.0003a07.01