完整藏文原文 · 德格版页 当前仅加载第 86 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་ནམ་མཁའི་མཛོད། །པདྨའི་རྒྱལ་པོ་རབ་ཏུ་བཞུགས། །ཟླ་བའི་མདོག་ཅན་གཟི་བརྗིད་ཆེ། །སྣ་ཚོགས་མཚོན་ཆ་འཛིན་པའི་མཆོག །གཞོན་ནུ་རབ་ཏུ་བརྗིད་པའི་ཞལ། །ནམ་མཁའི་མཛོད་ཅེས་རབ་ཏུ་གྲགས། །སངས་རྒྱས་ཕྲེང་བ་སོགས་པས་སྤྲས། །
D490.086.0065b01.01རྡོ་རྗེ་དཀྱིལ་འཁོར་བརྒྱན་པར་མཛད། །འདི་ཡི་གསང་སྔགས་གཟི་བརྗིད་ཆེ། །དབྱངས་དགུ་པ་ལ་ཐིག་ལེ་དང་། །ནཱ་ད་ཡིས་ནི་རྣམ་པར་བརྒྱན། །སྡེ་ཚན་དང་པོའི་གསུམ་པ་ལ། །ཐིག་ལེ་ནཱ་དས་རྣམ་པར་བརྒྱན། །དེ་ཡང་གཙོ་བོའི་གསང་སྔགས་འགྱུར། །ནམ་མཁའི་མཛོད་
D490.086.0065b02.01ནི་རབ་བསྐོར་མཛད། །དེ་ལྟའི་དཀྱིལ་འཁོར་བྲིས་ནས་ནི། །སྔགས་ཀྱི་ཕྲེང་བ་མཆོག་ལྡན་པ། །མ་ལུས་པ་ཡི་ས་རྣམས་ཀུན། །ཐམས་ཅད་ནས་ནི་ནམ་མཁའི་ཚུལ། །ཏོག་ནི་ཕྱག་རྒྱར་གྱུར་པ་དེའི། །དེ་བཞིན་དུ་ནི་ངེས་པར་བཅིང་། །དེ་ལྟའི་དཀྱིལ་འཁོར་བྲིས་ནས་ནི། །ནམ་
D490.086.0065b03.01མཁའ་ཡི་ནི་མཛོད་དེ་ལ། །གལ་ཏེ་བདག་ནི་གྲུབ་འདོད་ན། །མཆོད་པ་ཀུན་གྱིས་རྣམ་པར་མཆོད། །ནམ་མཁའི་མཛོད་ཀྱི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །དཀྱིལ་འཁོར་སྔ་མའི་སྦྱོར་བ་ཡིས། །དཀྱིལ་འཁོར་
D490.086.0065b04.01ཐམས་ཅད་ཐིག་གདབ་བོ། །དཀྱིལ་འཁོར་དེ་ཡི་དབུས་སུ་ནི། །ཁྲོ་བོའི་དཀྱིལ་འཁོར་གྲུ་བཞི་པ། །དེར་ཡང་རྡོ་རྗེ་མེ་ཡི་མཆོག །དཀྱིལ་འཁོར་གྱི་ནི་མཆོག་ཏུ་འདོད། །དེ་ཡི་དབུས་སུ་གཟི་བརྗིད་ཆེ། །རྡོ་རྗེ་གནོད་སྦྱིན་བླ་ན་མེད། །ཕྱག་བཞི་པ་ལ་ཞལ་བཞི་པ། །
D490.086.0065b05.01པདྨའི་རྒྱལ་པོ་ལ་རབ་གནས། །རྒྱན་རྣམས་ཀུན་གྱིས་བརྒྱན་པའི་ལུས། །བདུད་རྣམས་ཐམས་ཅད་རབ་འཇོམས་མཛད། །དེ་སྔགས་ཡི་གེར་གྱུར་པ་ནི། །ཤ་ཥའི་སྡེ་ཚན་མཐར་དགེ་བ། །རྒྱུ་ཡི་དོན་དུ་ལེགས་གསལ་བྱ། །ཁྲོ་བོའི་དཀྱིལ་འཁོར་ཆེན་པོ་བསྐོར། །སྔགས་ཀྱི་
D490.086.0065b06.01ཡི་གེ་ཕྲེང་བ་ཆེ། །འབད་པ་ཡིས་ནི་བྲི་བར་བྱ། །དེ་ལྟའི་དཀྱིལ་འཁོར་བྲིས་ནས་ནི། །རྡོ་རྗེ་གནོད་སྦྱིན་དེ་ཡིས་ནི། །གལ་ཏེ་དངོས་གྲུབ་མཆོག་འདོད་ན། །སྒྱུ་མ་ཐམས་ཅད་གཞོམ་པར་བྱ། །རྡོ་རྗེ་གནོད་སྦྱིན་གྱི་དཀྱིལ་འཁོར་ཆེན་པོའོ།། །།དེ་ནས་དཀྱིལ་འཁོར་ཆེན་
D490.086.0065b07.01