完整藏文原文 · 德格版页 当前仅加载第 86 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱངས་ཀྱི་བཅུ་གཉིས་གསང་སྔགས་ནི། །ཐུགས་ཀ་རུ་ནི་ཡང་དག་གནས། །ཕྱི་རོལ་ཉིད་ནི་གྲུ་བཞི་མཛེས། །ཐིག་བཞི་དང་ནི་ཡང་དག་ལྡན། །རྟ་བབས་བཞི་དང་མཉམ་པར་སྦྱོར། །སྒོ་བཞི་ཡིས་ནི་ཤིན་ཏུ་མཛེས། །ཤེས་རབ་ཕ་རོལ་ཕྱིན་པ་ཉིད། །དེ་ལ་དཀྱིལ་
D490.086.0065a01.01འཁོར་དབུས་སུ་ནི། །གལ་ཏེ་དངོས་གྲུབ་མཆོག་འདོད་ན། །འབད་པ་ཡིས་ནི་བྲི་བར་བྱ། །སྔོན་དུ་བཤད་པའི་ཆོ་ག་ཡིས། །མཆོད་སོགས་ཆོ་ག་རྒྱས་པ་ཉིད། །གཞུག་པའི་ཆོ་ག་དེ་བཞིན་དུ། །ཇི་ལྟར་དཀྱིལ་འཁོར་འདིར་མཐོང་བཞིན། །ཤེས་རབ་ཡེ་ཤེས་ཀྱི་དཀྱིལ་འཁོར་
D490.086.0065a02.01རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱས། །ཐིག་བཞི་དང་ནི་ཡང་དག་ལྡན། །ཕྱི་ཡི་དཀྱིལ་འཁོར་བྲི་བར་བྱ། །དེ་ཡི་ནང་དུ་བྲི་བྱ་བ། །ཆོས་ཀྱི་འཁོར་ལོ་བླ་ན་མེད། །
D490.086.0065a03.01རྟེན་ཅིང་འབྲེལ་འབྱུང་ཕྲེང་བ་ནི། །འབད་པ་ཡིས་ནི་བྲི་བར་བྱ། །འཁོར་ལོའི་དབུས་སུ་བརྩོན་ཆེན་པོ། །རྡོ་རྗེའི་རྒྱུ་ནི་སྟོབས་པོ་ཆེ། །ཕྱག་བཞི་པ་ལ་ཞལ་བཞི་པ། །རྒྱན་རྣམས་ཀུན་གྱིས་བརྒྱན་པ་པོ། །ཁ་དོག་ནག་པོ་གཟི་བརྗིད་ཆེ། །ཆོས་ཀྱི་འཁོར་ལོ་རབ་བསྐོར་མཛད། །
D490.086.0065a04.01དེ་ཡི་སྔགས་གྱུར་མཛེས་པ་ནི། །རྒྱུ་ཡི་དོན་དུ་སོ་སོར་བསྐྱེད། །དབྱངས་དྲུག་དང་ནི་ཡང་དག་ལྡན། །ཐིག་ལེ་ཕྱི་མོས་རྣམ་པར་བརྒྱན། །རང་གི་ཡི་གེའི་ཕྲེང་བ་ཆེ། །འཁོར་ལོ་གཉིས་ཀྱིས་རྣམ་པར་བརྒྱན། །དེ་ཡི་མདུན་དུ་དུང་ཡིན་ལ། །རྒྱབ་ཏུ་ཞགས་པར་བརྗོད་པར་བྱ། །རྡོ་རྗེའི་
D490.086.0065a05.01ཐལ་མོ་ཕྱག་རྒྱ་ཆེ། །འཁོར་ལོ་བཞིན་དུ་རབ་ཏུ་གནས། །མཆོད་པ་ཐམས་ཅད་རབ་ཏུ་བརྟག །ཇི་ལྟར་དཀྱིལ་འཁོར་སྔ་མ་བཞིན། །དེ་ལྟའི་དཀྱིལ་འཁོར་བྲིས་ནས་ནི། །ཆོས་ཀྱི་འཁོར་ལོ་བླ་ན་མེད། །ཐོག་མར་ཆོས་ཀྱི་འཁོར་ལོ་བསྐོར། །དངོས་གྲུབ་ཐམས་ཅད་ཡང་དག་འབར། །
D490.086.0065a06.01ཆོས་ཀྱི་འཁོར་ལོའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །ཐོག་མའི་དཀྱིལ་འཁོར་སྦྱོར་བ་ཡིས། །དཀྱིལ་འཁོར་ཀུན་གྱི་ཐིག་གདབ་བོ། །དེ་ཡི་དཀྱིལ་དུ་སྣང་བ་ཆེ། །མཁའ་བཞིན་ཤིན་ཏུ་འོད་གསལ་བ། །སེམས་
D490.086.0065a07.01