完整藏文原文 · 德格版页 当前仅加载第 86 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དང་མི་རྣམས་ཀྱིས་མངོན་པར་བྱང་ཆུབ་པས་བཅོམ་ལྡན་འདས་མངོན་པར་བྱང་ཆུབ་པ་ཞེས་སྒྲ་བསྒྲགས་སོ། །དེ་ནས་ཚངས་པས་གསོལ་བ་བཏབ་སྟེ། ཆོས་ཀྱི་འཁོར་ལོ་རབ་ཏུ་བསྐོར་ནས་དེ་དང་དེས་འདུལ་བའི་སྐྱེ་བོ་བཏུལ་ཏེ་གང་གིས་སླར་ལྡོག་པ་མེད་པ་ཉིད་དུ་གྱུར་
D490.086.0030b01.01ཏོ། །འདི་རྣམས་ནི་སངས་རྒྱས་ཀྱི་བྱང་ཆུབ་བསྒོམ་པའི་རིམ་པའོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཏིང་ངེ་འཛིན་དེ་ལས་བཞེངས་ནས་སངས་རྒྱས་ཀྱི་བྱང་ཆུབ་བསྟན་ཏེ་སེམས་ཅན་ཐམས་ཅད་ཀྱི་དོན་མཛད་པ་ཉེ་བར་བསྒྲུབས་ནས་དེའི་ཐུགས་ཀ་ལས་རྡོ་རྗེ་ཕྱུང་སྟེ།
D490.086.0030b02.01ཉིད་ཀྱི་ཕྱག་ཏུ་གཞག་པར་གྱུར་ཏེ། དེ་ནས་འོད་ཟེར་རྣམ་པར་ཕྱུང་སྟེ། འཇིག་རྟེན་གྱི་ཁམས་ཐམས་ཅད་སྣང་བར་མཛད་ནས་སླར་ལོག་སྟེ། བཅོམ་ལྡན་འདས་ཀྱི་ཐུགས་ཀར་ཞུགས་ནས་བྱང་ཆུབ་སེམས་དཔའ་ཆེན་པོ་ཀུན་དུ་བཟང་པོའི་སྐུར་བྱིན་གྱིས་བརླབས་ཏེ་མཚན་ཉིད་
D490.086.0030b03.01ཐམས་ཅད་ཡོངས་སུ་རྫོགས་པར་རྒྱན་ཐམས་ཅད་ཀྱིས་བརྒྱན་པ། དར་དང་ཕྲེང་བས་དབང་བསྐུར་བ། ཟླ་བའི་ཁ་དོག་ལྟ་བུའི་འོད་ཟེར་ཅན་དུ་བྱིན་གྱིས་བརླབས་ཏེ་རྣམ་པར་གནས་སོ། །དེ་ནས་ཐུགས་ཀ་ནས་ཕྱུང་བའི་ཟླ་བའི་དཀྱིལ་འཁོར་ལ་བརྟེན་ཏེ། དེ་
D490.086.0030b04.01བཞིན་གཤེགས་པ་ཐམས་ཅད་ཀྱི་སྤྱན་སྔ་དང་། རྒྱབ་དང་དྲུང་དུ་རྡོ་རྗེ་སེམས་དཔའ་དང་། རྡོ་རྗེ་ཆོས་དང་། རྡོ་རྗེ་རིན་ཆེན་དང་། རྡོ་རྗེ་ལས་ལ་སོགས་པ་བྱང་ཆུབ་སེམས་དཔའ་ཆེན་པོའི་ཕྲེང་བར་རྣམ་པར་གནས་སོ། །དེ་བཞིན་དུ་སྒེག་མོ་ལ་སོགས་པ་རྣམས་
D490.086.0030b05.01དང་བདུག་པ་ལ་སོགས་པའི་ལྷ་ཁྱད་པར་དུ་ངེས་པར་བསྐྱེད་ཅིང་གཟུགས་ལ་སོགས་པ་རྣམས་དང་ལྕགས་ཀྱུ་ལ་སོགས་པའི་ལྷ་རྣམས་བསྐྱེད་དེ་འདི་དག་གི་དཀྱིལ་འཁོར་བཀའ་སྩལ་པ། དེ་ནས་ཡང་དག་བཤད་བྱ་བ། །དཀྱིལ་འཁོར་ཆེན་པོ་མཆོག་གྱུར་པ། །
D490.086.0030b06.01སངས་རྒྱས་དཔའ་བོ་ཐམས་ཅད་ཀྱིས། །རྡོ་རྗེ་སྙིང་པོ་ཞེས་སུ་གསུངས། །གྲུ་བཞི་པ་ལ་སྒོ་བཞི་པ། །དར་དང་མེ་ཏོག་ཕྲེང་བས་བརྒྱན། །སྒོ་ཁྱུད་དང་ནི་ཁ་ཁྱེར་དང་། །རྟ་བབས་ཀྱིས་ནི་སོ་སོར་སྤྲས། །དེ་ཡི་དབུས་སུ་ཁྲི་ཆེན་པོ། །ཀུན་ནས་ཡོངས་སུ་གྲུ་བཞི་
D490.086.0030b07.01