完整藏文原文 · 德格版页 当前仅加载第 86 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
ཨོྃ་སརྦྦ་ཏ་ཐཱ་ག་ཏ་བཛྲ་ས་མཱ་ཛཿཨཱ་ཀརྵ་ཡ་སརྦྦ་ཏ་ཐཱ་ག་ཏཱ་ན་ཧཱུཾ། དེ་ནས་དེ་བཞིན་གཤེགས་པ་ཐམས་ཅད་འཁོར་དང་བཅས་པའི་དཀྱིལ་འཁོར་ཆེན་པོ་རྣམས་ལེགས་པར་བྱོན་ཏེ། ཆོས་ཀྱི་དབྱིངས་སུ་སྤྲོས་ནས་ཕྱོགས་བཅུ་མུ་མེད་པའི་འཇིག་རྟེན་གྱི་ཁམས་ཐམས་ཅད་རབ་འབྱམ་
D490.086.0029b01.01རྒྱ་མཚོའི་སྤྲིན་རྣམས་ཁྱབ་སྟེ། ནམ་མཁའི་ཁམས་ན་གནས་པ་ཐམས་ཅད་ཏིལ་གྱི་གང་བུ་ལྟར་འཛམ་བུའི་གླིང་དུ་འཁོད་པར་གྱུར་ཏོ། །དེ་ནས་བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་ཕྱུག་གིས་བཀུག་ཅིང་བཅུག་སྟེ། བཅིངས་ནས་དབང་དུ་མཛད་དེ། དེ་ཉིད་ཀྱི་
D490.086.0029b02.01ཐུགས་ཀར་རབ་ཏུ་གཞག་པར་གྱུར་ཏོ། །དེ་ནས་བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོས་གཉིས་སུ་མེད་པའི་སྦྱོར་བས་བྱིན་གྱིས་བརླབས་ཏེ། སྔགས་འདིས་རང་གི་སེམས་སོ་སོར་རྟོགས་པ་མཛད་དོ། །ཨོྃ་ཙིཏྟ་པྲ་ཏི་བེ་དྷཾ་ཀ་རོ་མི། དེའི་རྗེས་ཐོགས་
D490.086.0029b03.01ཉིད་ལ་སངས་རྒྱས་ཐམས་ཅད་ཀྱིས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་ལོངས་སྤྱོད་རྫོགས་པ་དང་། སྤྲུལ་པའི་སྐུ་ལས་ཆོས་ཀྱི་སྐུ་རང་བཞིན་གྱིས་འོད་གསལ་བ་སེམས་རིན་པོ་ཆེ་ངེས་པར་བྱུང་སྟེ། སྤྲོས་པར་མཛད་དོ། །དེ་ཉིད་སེམས་འོད་
D490.086.0029b04.01གསལ་བ། ཐུགས་རྗེ་ཆེན་པོས་ཁྱབ་པ། དེ་བཞིན་གཤེགས་པ་ཐམས་ཅད་མཉམ་པ་ཉིད་ཀྱི་མཚན་ཉིད། གཟུང་བ་དང་འཛིན་པའི་རྙོག་པ་སྤངས་པ་ནམ་མཁའ་ལྟར་གདོད་ནས་ཞི་བ། དེ་ལས་ཐུགས་རྗེ་ཆེན་པོ་ལ་མངོན་པར་ཕྱོགས་པར་བྱས་ནས་སེམས་ཅན་གྱི་ཁམས་
D490.086.0029b05.01ཐམས་ཅད་ལ་རྣམ་པར་གཟིགས་ཏེ། མི་ཤེས་པས་རྒ་བ་དང་། འཆི་བས་རྣམ་པར་ཁྱབ་པའི་འཇིག་རྟེན་ལ་གཟིགས་ནས་སླར་ཡང་སྔགས་འདིས་བྱང་ཆུབ་ཀྱི་སེམས་བསྐྱེད་པ་ཉེ་བར་བསྟན་པ། ཨོཾ་བོ་དྷི་ཙི་ཏྟ་ཨུཏྤཱ་ད་ཡཱ་མི། བྱང་ཆུབ་ཀྱི་སེམས་བསྐྱེད་པའི་རྗེས་ཐོགས་
D490.086.0029b06.01ཉིད་ལ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀར་སེམས་འོད་གསལ་བ་དེ་ཡོངས་སུ་རྫོགས་པའི་ཟླ་བའི་དཀྱིལ་འཁོར་ལྟར་བྱིན་གྱིས་བརླབས་ཏེ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀར་རྣམ་པར་གཞག་གོ། །ལེགས་པར་རྣམ་པར་དག་པའི་ནམ་
D490.086.0029b07.01