完整藏文原文 · 德格版页 当前仅加载第 86 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་སེམས་དཔའ་དེ་བཞིན་གཤེགས། །པདྨ་གར་གྱི་དབང་ཕྱུག་གྱུར། །རྟ་མགྲིན་ཞེས་སུ་བཤད་པ་ཡིན། །རྟག་ཏུ་འཆར་ཀའི་མདོག་འདྲ་བ། །རྒྱ་སྐྱེགས་མདོག་ལྟར་འབར་བ་བོ། །ཆུ་དང་གཟི་བརྗིད་ཅན་རེག་པ། །མེ་ཡི་དཀྱིལ་འཁོར་དག་དང་ལྡན། །འདོད་ལྡན་
D490.086.0052b01.01རྣམས་ལ་འདོད་པ་འབྱུང་། །གདུག་པ་ཅན་རྣམས་གདུག་པ་འབྱུང་། །ཞི་བ་ལ་ཡང་ཞི་བ་འབྱུང་། །སྟོབས་ལྡན་རྣམས་ལ་སྟོབས་ཀྱིས་སྦྱོར། །ཞལ་བཞི་པ་ལ་ཞབས་བཞི་པ། །བསམ་གཏན་བཞི་དང་མཉམ་པར་ལྡན། །ཕྱག་བཞི་པ་ལ་བརྩོན་འགྲུས་ཆེ། །སེང་གེ་
D490.086.0052b02.01ལྟར་གནས་མཆེ་བ་བཞི། །རྟ་མགྲིན་རྒྱལ་པོ་ཆེན་པོ་ནི། །དམ་པའི་དབང་ཕྱུག་བསྒྲུབ་པར་བྱ། །སྐད་ཅིག་ཉིད་ལ་བསླང་ནས་ནི། །ཐམས་ཅད་སློང་བ་བསྒྲུབ་པར་བྱ། །སྔགས་ནི། ཨོཾ་ཨ་མྲྀ་ཏོདྦྷ་བོདྦྷ་པེ་ཧཱུྃ་ཕཊ། ཨོཾ་ཨ་མྲྀ་ཏོང་བྷ་བ་ཧཱུྃ་ཕཊ། གཡས་དང་གཡོན་གྱི་སྦྱོར་
D490.086.0052b03.01བ་ཡིས། །གཡོན་བརྐྱང་བ་ནི་རབ་ཏུ་སྦྱར། །ཁྲོ་བོའི་སྐྱིལ་ཀྲུང་བྱས་ནས་ནི། །འཇིག་རྟེན་ཐམས་ཅད་རབ་ཉེད་བྱ། །པདྨའི་དབང་ཕྱུག་རྒྱལ་པོ་འདི། །ཀུན་མཆོག་ས་ཡི་དབང་ཕྱུག་སྟེ། །རྟ་ཡི་མགྲིན་པ་སྟོབས་པོ་ཆེ། །སྟོབས་ཀྱི་སྦྱོར་བས་བསྒྲུབ་པར་བྱ། །དབང་ཕྱུག་
D490.086.0052b04.01ཆེན་པོ་ལ་སོགས་ལྷ། །ཚོགས་ཀྱི་བདག་པོ་གཞན་དག་དང་། །མི་དང་གདུག་པའི་བསམ་པ་ཅན། །ས་རྣམས་ཐམས་ཅད་དགུག་པར་བྱ། །རྟ་མགྲིན་སྒྲུབ་པའི་ཐབས་སོ།། །།དེ་ཉིད་བཅོམ་ལྡན་རྣལ་འབྱོར་དེ། །གཅིག་པུ་ཉིད་ནི་ལྷག་པའི་ལྷ། །ཤེས་རབ་ཐབས་
D490.086.0052b05.01ཀྱི་བདག་ཉིད་གྱུར། །ཁྲོ་བོ་མཆོག་ཏུ་མི་འགྱུར་བ། །ཀུན་སྦྱོར་བདག་གི་རྣལ་འབྱོར་གྱིས། །ཐུགས་རྗེས་ཁྲོ་བའི་དབང་དུ་སོང་། །དེ་ནས་སངས་རྒྱས་ཐམས་ཅད་ཀྱི། །སྣ་ཡི་རྩེ་མོར་ཡིད་ཀྱིས་ནི། །གཡོ་བ་མེད་པར་བསམ་པར་བྱ། །སློབ་དཔོན་མི་གཡོ་ཁྲོ་བོ་ཆེ། །དེ་
D490.086.0052b06.01བཞིན་གཤེགས་པ་ཐམས་ཅད་བརྟན། །རལ་གྲི་ཞགས་པ་འཛིན་པ་གསང་། །ཐོག་མ་ཐ་མ་མེད་པའི་མཆོག །པྲི་ཡང་ཀུ་ལྟར་ལྗང་བའི་གཟུགས། །འཁྲིགས་ཤིང་བྱིས་པ་ལྟ་བུར་གནས། །མ་ལུས་པ་ཡི་ས་རྣམས་ཀུན། །ཆོས་དབྱིངས་མཉམ་དང་མི་མཉམ་
D490.086.0052b07.01