完整藏文原文 · 德格版页 当前仅加载第 86 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་དབུས་སུ་སྤྱོད་པ་གཞག །ཐ་མར་སྣ་ཚོགས་ཞེས་བྱ་སྦྱར། །སྐུ་གསུམ་དུ་ནི་རྣམ་པར་བསྒོམ། །ཐ་མའི་སྡེ་ཚན་གསུམ་པ་ནི། །གང་ཡིན་ཀུན་ཏུ་བཟང་པོར་བཤད། །སྡེ་ཚན་དང་པོའི་གསུམ་པ་ནི། །སངས་རྒྱས་སྤྱན་ཞེས་བྱ་བའོ། །དེ་ཉིད་བཅོམ་ལྡན་མགོན་
D490.086.0040b01.01པོ་ནི། །ནམ་མཁའི་མཛོད་ཅེས་རབ་ཏུ་གྲགས། །རྡོ་རྗེ་ཁྲོ་བོ་སྟོབས་པོ་ཆེ། །དེ་ཉིད་རབ་ཏུ་གྲགས་པའོ། །འདི་ཀུན་ཐམས་ཅད་སྟོང་པ་སྟེ། །རྒྱུ་ནི་རབ་ཏུ་སྤངས་པའོ། །དབྱངས་ལྔ་དང་ནི་ཡང་དག་ལྡན། །རྡོ་རྗེ་ཧཱུྃ་མཛད་ཧཱུྃ་མཛད་དོ། །གང་ཞིག་བཞི་པའི་སྡེ་དང་
D490.086.0040b02.01པོ། །མེ་ཡིས་རབ་ཏུ་གསལ་བར་བྱས། །བཞི་པའི་དབྱངས་དང་ཡང་དག་ལྡན། །གཟི་བརྗིད་ཕུང་པོ་སྟོབས་པོ་ཆེ། །དེ་ཉིད་གང་དང་མ་སྦྱར་བ། །སྒྲོལ་མ་ཞེས་སུ་རབ་ཏུ་གྲགས། །བཞི་པ་ཡི་ནི་གཉིས་པ་གང་། །ཤེས་རབ་ཕ་རོལ་ཕྱིན་པར་ངེས། །ཐིག་
D490.086.0040b03.01ལེ་ལྷན་ཅིག་ཡང་དག་ལྡན། །སྒྲ་དང་ལྡན་པའི་མཆོག་ཏུ་གྱུར། །སྡེ་ཚན་གཉིས་པའི་གསུམ་པ་གང་། །མེ་ཉིད་དང་ནི་ཡང་དག་ལྡན། །བཞི་པའི་དབྱངས་ཀྱིས་ཡང་དག་མནན། །ཁམས་གསུམ་རྣམ་པར་རྒྱལ་པའི་མཆོག །དེ་ཉིད་བཅོམ་ལྡན་ཤེས་བྱ་བ། །སྤྱོད་པའི་
D490.086.0040b04.01གར་མཁན་ཞེས་བྱའི་མཚན། །དེ་ཡི་རྗེས་ཉིད་ལ་ནི་མེ། །དགུ་པའི་དབྱངས་དང་ཡང་དག་ལྡན། །མེ་དང་དབང་ཆེན་དུ་བརྗོད་བྱ། །གསུམ་པའི་དབྱངས་ཀྱིས་མནན་པ་ཡི། །སྡེ་ཚན་དང་པོའི་དང་པོའི་ཡིག །དེ་ཉིད་བཅོམ་ལྡན་མགོན་པོ་ནི། །འཇིག་རྟེན་མགོན་
D490.086.0040b05.01པོ་ཐུབ་པ་ཆེ། །ཡེ་ཤེས་རྒྱ་ཆེ་བསྒྲུབ་པར་བྱ། །སངས་རྒྱས་བྱང་ཆུབ་རབ་གསོལ་བྱེད། །སྡེ་ཚན་ལྔ་པ་རིན་ཆེན་མཆོག །བཞི་པའི་ས་བོན་དམ་པ་དེ། །འོག་ཏུ་མེ་ཡི་ཡན་ལག་འབར། །ཁྲོ་གཉེར་ཅན་ཞེས་རབ་ཏུ་གྲགས། །དབང་ཆེན་ཡི་གེ་དག་པ་ལ། །ཐིག་
D490.086.0040b06.01ལེ་སྒྲ་ཡིས་རྣམ་པར་བརྒྱན། །སངས་རྒྱས་སྤྱན་ཞེས་རྣམ་གྲགས་པ། །སྡིག་པ་ཐམས་ཅད་འཕྲོག་པར་བྱེད། །སྡེ་ཚན་དང་པོའི་གསུམ་པ་ནི། །ནམ་མཁའི་སྤྱན་ཞེས་བརྗོད་པའོ། །སྒྱུ་མའི་ཆོས་ལ་རབ་གནས་ནས། །གསོད་པའི་དོན་དུ་རབ་གསོལ་བྱེད། །མཱ་
D490.086.0040b07.01