完整藏文原文 · 德格版页 当前仅加载第 86 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱའོ། །ཨོྃ་ཡོྃ། དེ་ཁོ་ན་ཉིད་ནི་སྤྲོས་པ་ཐམས་ཅད་རྣམ་པར་སྤང་བའི་ཕྱིར་ཆོས་ཐམས་ཅད་ཀྱི་སྒོར་རྣམ་པར་གཞག་གོ། །ཨོྃ་ཏྃ། མ་སྐྱེས་པའི་ཆོས་རྣམ་པར་གྲོལ་བའི་མཚན་ཉིད་ཀྱི་དོན་ཡིན་པའི་ཕྱིར་ཆོས་ཐམས་ཅད་ཀྱི་སྒོར་བཤད་དོ། །ཨོྃ་ཧུྃ།
D490.086.0017a01.01ཡོངས་སུ་གཟུང་བ་མེད་པ་ནི་འཐབ་པ་དང་རྩོད་པ་སྤངས་པའི་ཆོས་ཉིད་ཡིན་པའི་ཕྱིར་ཆོས་ཐམས་ཅད་ཀྱི་སྒོར་བལྟ་བར་བྱའོ། །ཨོྃ་ཧྲཱོཾ། ཀུན་ནས་ཉོན་མོངས་པ་མེད་པ་ནི་མཚན་ཉིད་རྣམ་པར་དག་པའི་ཕྱིར་ཆོས་ཐམས་ཅད་ཀྱི་སྒོར་བལྟ་བར་བྱའོ། །ཨོྃ་ཀ་ཁ་ག་གྷ་ང་། རང་
D490.086.0017a02.01བཞིན་གྱིས་འོད་གསལ་བའི་མཚན་ཉིད་གཟུང་བའི་ཕྱིར་ཆོས་ཐམས་ཅད་ཀྱི་སྒོར་གནས་སོ། །ཨོྃ་ཙ་ཚ་ཛ་ཛྷ་ཉ། སྣང་བ་ནི་གསལ་ཞིང་འབར་བའི་ཕྱིར་ཆོས་ཐམས་ཅད་ཀྱི་སྒོའོ། །ཨོྃ་ཊ་ཋ་ཌ་ཌྷ་ཎ། བསྒོམ་པ་ནི་ཆོས་ཐམས་ཅད་ཀུན་ཏུ་སྦྱོར་བ་དང་བྲལ་བ་ཡང་དག་པར་སྡུད་
D490.086.0017a03.01པའི་ཕྱིར་ཆོས་ཐམས་ཅད་ཀྱི་སྒོའོ། །ཨོྃ་ཏ་ཐ་ད་དྷ་ན། གཞི་མེད་པ་ནི་ཆོས་ཐམས་ཅད་མ་འདྲེས་པའི་ཕྱིར་ཆོས་ཐམས་ཅད་ཀྱི་སྒོར་རྣམ་པར་གཞག་གོ། །ཨོྃ་པ་ཕ་བ་བྷ་མ། བྱང་ཆུབ་ནི་ཆོས་ཐམས་ཅད་དྲི་མ་མེད་པའི་ཕྱིར་ཆོས་ཐམས་ཅད་ཀྱི་སྒོར་བལྟ་བར་བྱའོ། །ཨོྃ་ཡ་
D490.086.0017a04.01ར་ལ་ཝ། མྱ་ངན་ལས་འདས་པ་ནི་བློ་བུར་བ་ཐམས་ཅད་ངེས་པར་དོར་བའི་མཚན་ཉིད་དང་ཆོས་ཀྱི་དབྱིངས་སོ་སོར་ཐོབ་ཅིང་མངོན་པར་ཤེས་པ་ལྔ་དང་ཡེ་ཤེས་མཁྱེན་པས་སངས་རྒྱས་ཀྱིས་ཡོངས་སུ་ཐོབ་པའི་ཕྱིར་ཆོས་ཐམས་ཅད་ཀྱི་སྒོར་བལྟ་བར་བྱའོ། །ཨོྃ་ཤ་ཥ་ས་ཧ། རྣམ་པ་
D490.086.0017a05.01ཐམས་ཅད་ཀྱི་མཆོག་དང་ལྡན་པ་ཐམས་ཅད་མཁྱེན་པའི་ཡེ་ཤེས་རྣམ་པར་དག་པ་རྣམ་པར་འབྱེད་པར་བྱེད་པའོ་ཞེས་སོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྒོ་རྣམ་པར་ངེས་པའོ། །དེ་ནས་རིགས་ཐམས་ཅད་ཀྱི་གསང་བའི་ཆོ་ག་རྒྱས་པར་གྱུར་པ་ནི། སྔོན་
D490.086.0017a06.01བཞིན་ངེས་པར་བྱས་ནས་ནི། །ཕྱོགས་ཀུན་མཉམ་པ་ཉིད་བསྒོམས་ནས། །རི་རབ་ཆེན་པོ་གྲུ་བཞི་པ། །རིན་ཆེན་ཀུན་གྱིས་རྣམ་པར་བརྒྱན། །དེ་ཡི་སྟེང་དུ་རྡོ་རྗེ་ཆེ། །དེ་ཡི་སྟེང་དུ་པདྨ་གཞག །འདབ་མ་བརྒྱད་པ་ཆེས་བཀྲ་བ། །རྣལ་འབྱོར་གནས་ཞེས་རྣམ་པར་བཤད། །
D490.086.0017a07.01