完整藏文原文 · 德格版页 当前仅加载第 86 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་པོ་གཉིས་ནི་སྙོམས་འཇུག་པ། །ཡོངས་སུ་རྫོགས་པར་བདག་ཉིད་ཀྱིས། །སངས་རྒྱས་ཐམས་ཅད་ཉིད་བསྒོམས་ན། །དེ་ནས་བསྐལ་པའི་མཐར་ཐུག་གནས། །སངས་རྒྱས་ཀུན་གྱི་ཕྱག་རྒྱ་ཆེ། །འོད་ཟེར་གསལ་བའི་དཀྱིལ་འཁོར་ཅན། །རྣལ་འབྱོར་ཐམས་
D490.086.0017b01.01ཅད་བསྒོམ་པར་བྱ། །མཉམ་མེད་སངས་རྒྱས་ཀུན་དང་མཚུངས། །བྷ་ག་ཆེན་པོ་རྣལ་འབྱོར་ཆེ། །རྣལ་འབྱོར་པ་གནས་མི་ཟད་པ། །སངས་རྒྱས་ཀུན་བདག་བསྒོམས་ནས་ནི། །སངས་རྒྱས་ཀུན་དང་མཚུངས་པར་འགྱུར། །ཁམས་གསུམ་པ་ཡི་རྒྱལ་སྲིད་ཆེ། །
D490.086.0017b02.01སེམས་ཅན་ཀུན་ལ་ཐམས་ཅད་དུ། །གང་ཚེ་རྣལ་འབྱོར་པས་བསྒོམས་ན། །དེ་ཚེ་དངོས་གྲུབ་ལག་ན་གནས། །རང་བཞིན་གྱིས་ནི་འོད་གསལ་ཆོས། །གདོད་ནས་དག་ཅིང་མ་འདྲེས་པ། །གང་ཚེ་ཡེ་ཤེས་མཐོང་བ་ནི། །དེ་ཡི་ཚེ་ན་དག་པར་འགྱུར། །སངས་རྒྱས་
D490.086.0017b03.01ཐམས་ཅད་མདོར་བསྡུས་པ། །སྣ་ཚོགས་ལས་ཀྱི་སྦྱོར་བ་ཡིས། །གང་ཚེ་རྣལ་འབྱོར་པས་བསྒོམས་ན། །སྣ་ཚོགས་ལས་ནི་བྱེད་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཆེན་པོའི་ཡེ་ཤེས་སོ།། །།འཁོར་ལོས་སྒྱུར་བ་རྒྱལ་པོ་ཆེ། །ཀུན་
D490.086.0017b04.01མཆོག་ས་ཡི་དབང་ཕྱུག་ནི། །རྡོ་རྗེ་སྦྱོར་བས་བསྒོམས་ན་ནི། །མཉམ་མེད་འཁོར་ལོས་སྒྱུར་བ་མཚུངས། །གཟི་བརྗིད་ཕུང་པོ་ཕྱག་རྒྱ་ཆེ། །ལེགས་པར་མཉམ་པར་གཞག་པ་བསྒོམ། །འབར་བའི་ཕྲེང་བས་འཁྲུགས་ཤིང་མཛེས། །པདྨ་རཱ་ག་མཚུངས་པའི་འོད། །
D490.086.0017b05.01རྡོ་རྗེའི་སྦྱོར་བས་བསྒོམས་ནས་ནི། །རང་ཉིད་གཟི་བརྗིད་ཕུང་པོར་འགྱུར། །གདུགས་དཀར་རྒྱལ་བའི་གཙུག་ཏོར་གྱི། །ཕྱག་རྒྱ་ཆེན་པོ་བསྒོམས་ན་ནི། །འོད་ཟེར་གསལ་བའི་སྦྱོར་བ་ཡིས། །སེམས་ཅན་དག་པ་ཉིད་དུ་འགྱུར། །རྣམ་པར་གསལ་བའི་གཙུག་ཏོར་
D490.086.0017b06.01རྒྱ། །རལ་གྲི་འབར་བའི་འོད་ཀྱིས་འཁྲུགས། །ཟག་པ་མེད་པའི་སྦྱོར་བ་ཡིས། །མཉམ་མེད་གསལ་བའི་གཙུག་ཏོར་མཚུངས། །རྒྱལ་བའི་གཙུག་ཏོར་ཕྱག་རྒྱ་ཆེ། །ལེགས་པར་མཉམ་པར་གཞག་པས་བསྒོམ། །རྒྱལ་བའི་གཙུག་ཏོར་སྦྱོར་བ་ཡིས། །
D490.086.0017b07.01