完整藏文原文 · 德格版页 当前仅加载第 86 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
ཕན་དོན་དུ། །འབྱུང་བ་ཁྱོད་ལ་ཕྱག་འཚལ་འདུད། །རྡོ་རྗེ་སྙིང་པོ་རྒྱན་ལས་དཀྱིལ་འཁོར་ཆེན་པོ་ཡོངས་སུ་རྫོགས་{སྷོ,སོ}།། །།དེ་ནས་བཅོམ་ལྡན་འདས་དེ་བཞིན་གཤེགས་པ་རྣམས་སླར་ཡང་འདུས་པར་གྱུར་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀར་ཞུགས་
D490.086.0024b01.01ཏེ། བཅོམ་ལྡན་འདས་རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་སྙིང་པོ་རྒྱན་གྱི་དཀྱིལ་འཁོར་ཆེན་པོའི་ཕྱག་རྒྱའི་དོན་ཆེད་དུ་བརྗོད་པ། དེ་ནས་ཡང་དག་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་སྙིང་པོ་ཞེས་གྲགས་པ། །སངས་རྒྱས་ཀུན་གྱི་སྐྱོབ་པའོ། །གྲུ་
D490.086.0024b02.01བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་མཛེས། །སྒོ་ཁྱུད་རྡོ་རྗེའི་གཟུགས་བརྙན་དང་། །ཕྱག་རྒྱ་དང་ལྡན་རབ་ཏུ་མཛེས། །དཀྱིལ་འཁོར་དེ་ཡི་དབུས་སུ་ནི། །འཁོར་ལོ་གཉིས་ནི་རབ་ཏུ་གནས། །རྩིབས་བརྒྱད་པ་དང་བཅུ་དྲུག་རྩིབས། །རྣམ་པར་དབྱེ་
D490.086.0024b03.01བ་ལེགས་པར་བརྟག །དབུས་ཀྱི་དཀྱིལ་འཁོར་ནང་གི་ནི། །ལྟེ་བའི་གནས་སུ་ལེགས་བརྟགས་པ། །པདྨ་ཆེན་པོ་འདབ་བརྒྱད་པ། །གེ་སར་གཏམས་པས་རབ་ཏུ་མཛེས། །དེ་ཡི་ལྟེ་བའི་དབུས་སུ་ནི། །ཁྱབ་བདག་རྣལ་འབྱོར་དབང་ཕྱུག་ཆེ། །རྣམ་པར་སྣང་
D490.086.0024b04.01མཛད་བརྩོན་ཆེན་པོ། །སེམས་ཅན་ཀུན་ལ་རྗེས་བརྩེ་བས། །དེ་ཡི་ཉེ་འཁོར་ཀུན་དུ་ནི། །དེ་བཞིན་གཤེགས་པ་བརྒྱད་རྣམས་དགོད། །ཤར་དུ་དགོད་བྱ་འཁོར་ལོ་ཅན། །གཙུག་ཏོར་དཀར་པོ་ནུབ་ཏུ་གནས། །གཟི་བརྗིད་ཕུང་པོ་ལྷོ་རུའོ། །རྣམ་པར་རྒྱལ་བ་བྱང་དུ་
D490.086.0024b05.01གནས། །དབང་ལྡན་རྣམ་པར་གསལ་བར་བྲི། །མེར་ནི་སྟེང་འགྲོ་དགོད་པར་བྱ། །སྟེང་འགྲོ་ཆེན་པོ་བདེན་བྲལ་དུ། །རླུང་དུ་རྒྱལ་བ་ཆེན་པོ་གནས། །སངས་རྒྱས་གཟུགས་བརྙན་འཛིན་པའི་མཆོག། རྣལ་འབྱོར་ལྡན་པས་འདི་དག་བྲི། །མི་བསྐྱོད་པ་ནི་ཤར་དུ་དགོད། །
D490.086.0024b06.01ལྷོ་རུ་རིན་ཆེན་འབྱུང་ལྡན་ནོ། །ནུབ་ཏུ་འོད་དཔག་མེད་པར་འགྱུར། །བྱང་དུ་དོན་ཡོད་གྲུབ་པའི་མིང་། །ཟླ་བའི་དཀྱིལ་འཁོར་ལ་བརྟེན་པའོ། །དབང་ལྡན་ཕྱོགས་ནས་བརྩམས་ནས་ནི། །རྡོ་རྗེ་སེམས་དཔའ་ལ་སོགས་བྲི། །ཐམས་ཅད་ཟླ་བའི་དཀྱིལ་འཁོར་གནས། །
D490.086.0024b07.01