完整藏文原文 · 德格版页 当前仅加载第 86 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པ་དང་། པདྨའི་ཕ་རོལ་ཏུ་ཕྱིན་པ་དང་། ལས་ཀྱི་ཕ་རོལ་ཏུ་ཕྱིན་པ་དང་། ཆོས་ཐམས་ཅད་མཉམ་པ་ཉིད་ཀྱི་ཕ་རོལ་ཏུ་ཕྱིན་པ་སྟེ། བསྟན་པའི་རྗེས་སུ་རྟོགས་པའི་སྦྱོར་བས་སོ། །ཨོཾ་སརྦྦ་པཱ་ར་མི་ཏ་ཨརྠ་པ་རི་པཱུ་ར་ཎི། ཨོཾ་པྲཱྃ་ཧཱུྃ་ཏྃ། ཐམས་ཅད་ཀྱི་ཕ་
D490.086.0075a01.01རོལ་ཏུ་ཕྱིན་པ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་ས་བཅུ་པོ་གང་ཞེ་ན། རབ་ཏུ་དགའ་བ་ཞེས་བྱ་བའི་ས་དང་། དྲི་མ་མེད་པ་ཞེས་བྱ་བ་དང་། འོད་བྱེད་པ་ཞེས་བྱ་བ་དང་། འོད་འཕྲོ་བ་ཞེས་བྱ་བ་དང་། སྦྱང་དཀའ་བ་ཞེས་བྱ་བ་དང་། མངོན་དུ་གྱུར་པ་ཞེས་བྱ་བ་དང་།
D490.086.0075a02.01རིང་དུ་སོང་བ་ཞེས་བྱ་བ་དང་། མི་གཡོ་བ་ཞེས་བྱ་བ་དང་། ལེགས་པའི་བློ་གྲོས་ཞེས་བྱ་བ་དང་། ཆོས་ཀྱི་སྤྲིན་ཞེས་བྱ་བ་དང་། ས་ཐམས་ཅད་དོན་གཅིག་སྟེ། འདི་ལྟར་ཡེ་ཤེས་ཀྱི་དོན་ཏོ། །ཡེ་ཤེས་ཀྱང་ཅི་ཡང་མེད་པ། ཉོན་མོངས་པ་མེད་པ། ཡི་གེ་མེད་པ། དོན་ཡོད་
D490.086.0075a03.01པ། གདོད་མ་ནས་དག་པ། དྲི་མ་མེད་པ། འོད་གསལ་བ། བརྗོད་པ་དང་བྲལ་བ་ཞེས་བྱ་བའི་དོན་ཏོ། །ཨོཾ་བྷཱུ་མི་བི་ཤོ་དྷ་ནི་སརྦྦརྠ་པ་རི་པཱུ་ར་ཎི་བྃ་བྷྲུྃ། ས་ཡོངས་སུ་སྦྱོང་བ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའི་གནས་པ་བཅུ་གང་ཞེ་ན། བྱང་
D490.086.0075a04.01ཆུབ་སེམས་དཔའ་སེམས་དང་པོ་བསྐྱེད་པ་དང་། གཞོན་ནུར་གྱུར་པ་དང་། ལས་དང་པོ་པ་དང་། རྣལ་འབྱོར་སྤྱོད་པ་དང་། སྐྱེ་བ་ནས་སྐྱེ་བར་སྦྱོར་བ་དང་ལྡན་པ་དང་། བསམ་པ་དང་ལྡན་པ་དང་། ཕྱིར་མི་ལྡོག་པ་དང་། དབང་བསྐུར་བ་ཐོབ་པ་དང་། སྐྱེ་བ་གཅིག་གིས་ཐོགས་
D490.086.0075a05.01པ་དང་། བྱང་ཆུབ་སེམས་དཔའ་རྣམས་ཀྱི་རྣམ་པར་གནས་པ་དང་། མི་གནས་པ་དོར་བ་སྟེ། དོན་དམ་པར་གནས་པ་གཅིག་ཡིན་པའི་ཕྱིར་ཏེ། འདི་ལྟར་གནས་པ་མེད་པའོ། །ཨོཾ་སརྦྦ་བྱ་བ་སྠཱ་ན་བི་ག་ཏེ་ཧཱུྃ། རྣམ་པར་གནས་པ་མེད་པ་ཞེས་བྱ་བའི་ཤེས་རབ་ཀྱི་ཕ་རོལ་ཏུ་
D490.086.0075a06.01ཕྱིན་པའོ། །བྱང་ཆུབ་སེམས་དཔའ་རྣམས་ཀྱི་དབང་བཅུ་གང་ཞེ་ན། ཚེ་ལ་དབང་བ་དང་། ལས་ལ་དབང་བ་དང་། ཡོ་བྱད་ལ་དབང་བ་དང་། མོས་པ་ལ་དབང་བ་དང་། སྨོན་ལམ་ལ་དབང་བ་དང་། རྫུ་འཕྲུལ་ལ་དབང་བ་དང་། སྐྱེ་བ་ལ་དབང་བ་དང་། ཡེ་ཤེས་ལ་དབང་བ་
D490.086.0075a07.01