完整藏文原文 · 德格版页 当前仅加载第 86 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པྲི་ཡང་ཀུ་ལྟར་ལྗང་། །ཕྱག་བཞི་པར་དེ་བསམ་པར་བྱ། །རྒྱན་རྣམས་ཀུན་གྱིས་རྣམ་པར་བརྒྱན། །རྣལ་འབྱོར་མ་རྣམས་ཆེར་ཞི་བ། །དངོས་གྲུབ་ཐམས་ཅད་རབ་སྩོལ་མ། །སྔགས་ཀྱི་ཡི་གེ་ཕྲེང་བ་ཆེ། །རྡོ་རྗེའི་དབུས་སོང་རབ་ཏུ་གནས། །ཁྲོ་བོ་ཧཱུྃ་མཛད་གང་བའི་
D490.086.0055b01.01མཐའ། །དཔའ་བའི་ཉམས་ལ་སོགས་པར་ལྡན། །ལྷ་མོ་འཇིག་རྟེན་གསུམ་རྨོངས་བྱེད། །དངོས་གྲུབ་ཆེན་པོ་རབ་སྩོལ་མ། །སྐད་ཅིག་ཙམ་གྱིས་འགྲོ་བ་ཀུན། །ངེས་པར་དབང་དུ་བྱེད་པར་འགྱུར། །རྡོ་རྗེ་རླུང་གི་ཕྲེང་བ་ཆེ། །རྡོ་རྗེའི་འཁོར་ལོ་རབ་ཏུ་གནས། །འཇིག་པ་
D490.086.0055b02.01ཆེན་པོའི་མེ་ལྟར་དྲག །སྣང་བ་ཆེན་མ་སྟོབས་མོ་ཆེ། །པདྨ་རཱ་གའི་རྣམ་པ་འདྲ། །རྡོ་རྗེ་འབར་བས་རྣམ་པར་བརྒྱན། །མཚན་ནི་མཱ་མ་ཀཱི་ཞེས་བྱ། །ལྷ་མོ་འཇིག་རྟེན་གསུམ་གྱིས་མཆོད། །སྔགས་ནི། ཨོཾ་ཀུ་ལ་དྷཱ་ཏྲཱི་ཡེ་ན་མཿ། ཤྃ་ཀ་རེ། ཤཱནྟིཾ་ཀ་རེ། གྷུཊྚ་གྷུཊྚ་གྷུཊྚི་ནི།
D490.086.0055b03.01གྷཱ་ཏ་ལ་གྷུ་ཊི་ནི་སྭཱ་ཧཱ། ཨོཾ་ཀུ་ལན་དྷཱ་རི་བན་དྷ་བན་དྷ་ཧཱུྃ་ཕཊ། གསང་སྔགས་འདི་ནི་དོན་གྱི་མཆོག །སངས་རྒྱས་ཀུན་གྱིས་གསུངས་པ་ཡིན། །ས་གསུམ་པོ་ནི་འགུགས་བྱེད་ཅིང་། །ཚངས་པ་ལ་སོགས་ལྷ་རྣམས་ཀུན། །འགྲོ་བ་ཐམས་ཅད་འགུགས་བྱེད་ལ། །རང་
D490.086.0055b04.01གི་དབང་དུ་གནས་པའང་ཡིན། །མཱ་མ་ཀཱི་སྒྲུབ་པའི་ཐབས་སོ།། །།རླུང་གི་དཀྱིལ་འཁོར་དྲག་པོ་ལ། །རྡོ་རྗེ་ལུ་གུ་རྒྱུད་ཀྱིས་བསྐོར། །དེ་ཡི་དབུས་སུ་སྣང་བ་ཆེ། །ཟླ་བའི་གཟུགས་ཀྱིས་རྣམ་པར་བརྒྱན། །དེས་སྤྲོས་པ་ལས་བདག་ཉིད་ནི། །རྡོ་རྗེ་ལུ་གུ་རྒྱུད་ཀྱི་སྐུ། །ཕྱག་
D490.086.0055b05.01བཞི་མ་ལ་ལྷ་མོ་དེ། །རྡོ་རྗེ་ཡི་ནི་རྒྱན་གྱིས་བརྒྱན། །དམར་པོ་འབར་བ་དེ་ཡིས་ནི། །ས་གསུམ་པོ་ནི་འཆིང་བར་མཛད། །ཚངས་པ་ཁྱབ་འཇུག་དབང་ཕྱུག་ཆེ། །བཀུག་ནས་དབང་དུ་མཛད་པར་གནས། །དངོས་གྲུབ་ཐམས་ཅད་འཛིན་པ་དང་། །དེ་ཡི་ཐུགས་ཀར་རྡོ་རྗེ་ཆེ། །འབར་
D490.086.0055b06.01བའི་ཕྲེང་བ་འཁྲིགས་པའི་འོད། །དེ་ཡི་འབར་བ་ལྕགས་སྒྲོག་གི། །རྣམ་པ་རྡོ་རྗེའི་མཚན་མས་མཚན། །ངེས་པར་ཕྱུང་ནས་དེ་དག་ཀུན། །ཆོས་དབྱིངས་མཉམ་དང་མི་མཉམ་པའི། །འཇིག་རྟེན་ཁམས་ནི་མཐའ་དག་ཏུ། །ཀུན་ནས་རྣམ་པར་བཀང་ནས་ཀྱང་། །བསྒོམ་བྱ་རྡོ་རྗེ་ཐམས་
D490.086.0055b07.01