完整藏文原文 · 德格版页 当前仅加载第 86 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་རྡོ་རྗེ་སྨྲ་བར་བཤད། །སེམས་ཅན་ཀུན་གྱི་དོན་ལ་སྦྱར། །སངས་རྒྱས་ཀུན་གྱི་མཆོད་པ་ཆེ། །གདོད་ནས་དག་པའི་རྣལ་འབྱོར་ཆེ། །དེ་ནི་རྡོ་རྗེ་ལས་སུ་བཤད། །བླ་ན་མེད་པའི་བྱམས་པ་ཆེ། །བསྲུང་བའི་བྱ་བ་གོང་ན་མེད། །དག་པའི་
D490.086.0024a01.01ཆོས་ནི་བརྩོན་ཆེན་པོ། །རྡོ་རྗེ་བསྲུང་བ་ཞེས་སུ་གྲགས། །ཤེས་རབ་ཐབས་ཀྱི་ཁྲོ་བོ་ཆེ། །སངས་རྒྱས་ཀུན་དང་རྗེས་མཐུན་པ། །ཉོན་མོངས་ཐམས་ཅད་ཟ་བ་ཆེ། །དེ་ནི་རྡོ་རྗེ་གནོད་སྦྱིན་བརྗོད། །ལུས་ངག་ཡིད་ནི་ཡང་དག་སྦྱོར། །སྒྲིབ་པ་མེད་ཅིང་ཡི་གེ་བྲལ། །
D490.086.0024a02.01དེ་བཞིན་གཤེགས་པ་ཀུན་གྱི་གསང་། །དེ་ནི་རྡོ་རྗེ་མཚམས་སྦྱོར་བཤད། །རྡོ་རྗེ་ཡེ་ཤེས་རྣལ་འབྱོར་ཆེ། །སངས་རྒྱས་ཀུན་གྱི་སྟོབས་པོ་ཆེ། །ཐོག་མ་ཐ་མ་མེད་ཞི་བ། །རིག་པ་མཆོག་ཅེས་བྱ་བར་བཤད། །དེ་ནས་ཡང་འཇམ་དཔལ་གཞོན་ནུར་གྱུར་པས་དེ་བཞིན་
D490.086.0024a03.01གཤེགས་པ་ཐམས་ཅད་ཀྱི་རྡོ་རྗེའི་གླུས་དེ་བཞིན་གཤེགས་པ་ཐམས་ཅད་ལེགས་པར་མཆོད་ནས་གླུར་བླངས་པ། ཨོྃ་སརྦྦ་བུད་དྷ་པར་མེ་ཤྭ་ར་བུ་ཤུདྷྱ་ལ་ལི་ཧོཿ། སུ་བྷ་གཿ། སུ་ར་ཏཿ། མ་ཧཱ་མ་ཧཱ་ཨཱ་དི་མ་ཧཱ་བོ་དྷི་བུདྡྷ་བུདྡྷ། ཡོ་གཱི་ཤྭ་ར་ཏ་ཐཱ་ཏཱ་བྷཱ་བི་ཏྭཱཏྨ་ཀ་ཏ་ཐཱ་ག་ཏ།
D490.086.0024a04.01བྱང་ཆུབ་སེམས་བསྐྱེད་ལས་འཁྲུངས་པ། །སངས་རྒྱས་ཀུན་ལ་ཕྱག་འཚལ་ལོ། །མཆོག་གི་དབང་ཕྱུག་དམ་པའི་ཆོས། །གདོད་ནས་ཞི་བ་ལ་ཕྱག་འཚལ། །བྱང་ཆུབ་སེམས་དཔའ་སྐྱོབ་པ་པོ། །རྡོ་རྗེ་ཅན་ཀུན་ལ་ཕྱག་འཚལ། །དེ་བཞིན་གཤེགས་
D490.086.0024a05.01པ་རྡོ་རྗེ་ཆེ། །སངས་རྒྱས་བྱང་ཆུབ་ལ་ཕྱག་འཚལ། །མི་དམིགས་གོ་འཕང་ལ་གནས་པ། །མཐའ་ལས་འདས་པ་ལ་ཕྱག་འཚལ། །འདྲེན་པ་རྣམས་ཀྱི་སྟོབས་པོ་ཆེ། །ཧཱུཾ་གི་ཡི་གེ་མ་ལུས་པ། །ཐམས་ཅད་མཁྱེན་པ་མཐའ་དག་དང་། །ཤིན་ཏུ་ཡོངས་སུ་མྱ་
D490.086.0024a06.01ངན་འདའ། །འཇིག་རྟེན་དབང་ཕྱུག་མགོན་བཟང་པོ། །རྡོ་རྗེ་ཡེ་ཤེས་དྲི་མ་མེད། །རྣམ་པར་དག་པ་རྡོ་རྗེ་མཆོག །དངོས་གྲུབ་ཐམས་ཅད་རབ་གསོལ་བྱེད། །རྣལ་འབྱོར་དབང་ཕྱུག་རྣམས་ཀྱི་མགོན། །དུས་གསུམ་བསམ་པ་དབང་སྒྱུར་བ། །སེམས་ཅན་རྣམས་ལ་
D490.086.0024a07.01