完整藏文原文 · 德格版页 当前仅加载第 86 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཁུ་ཚུར་དེ་བཞིན་གཤེགས་ཀུན་གྱི། །སྐུ་དང་གསུང་དང་ཐུགས་ཁུ་ཚུར། རྡོ་རྗེ་ཉིད་དུ་མཉམ་ཉིད་མཆོག །གཉིས་སུ་མེད་པ་མཆོག་གསང་བ། །ཁུ་ཚུར་གྱིས་ནི་སྡུད་པར་བཤད། །དེ་སྔགས་མཆོག་ཏུ་དགའ་བ་ནི། །བརྗོད་དུ་མེད་ཉིད་སྩོལ་མཛད་པ། །སྡེ་ཚན་ལྔ་པའི་གསུམ་
D490.086.0068b01.01པ་ནི། །འབར་བའི་འོད་ཀྱི་དཀྱིལ་འཁོར་ཅན། །སངས་རྒྱས་རྣམས་ཀྱི་རྡོ་རྗེའི་སྐུ། །འདི་ཡི་སྔགས་ལ་རྣམ་པར་གནས། །དེ་ལྟའི་དཀྱིལ་འཁོར་བྲིས་ནས་ནི། །རྡོ་རྗེ་ཁུ་ཚུར་མཆོད་པར་བྱ། །རྡོ་རྗེ་ཁུ་ཚུར་གྱི་དཀྱིལ་འཁོར་རོ།། །།དེ་ལ་སོགས་པ་མཐའ་ཡས་མཆོག །
D490.086.0068b02.01དཀྱིལ་འཁོར་མཆོག་ཏུ་འབར་བ་ནི། །ཆོས་ཀྱི་དབྱིངས་ཀྱི་མཐའ་ཀླས་པའི། །སངས་རྒྱས་བྱང་ཆུབ་སྩོལ་བར་མཛད། །དེ་ནས་ཡང་དག་བཤད་བྱ་བ། །འཇིག་རྟེན་པ་ཡི་དཀྱིལ་འཁོར་མཆོག །དེ་བཞིན་གྲུ་བཞིར་བྲིས་ནས་ནི། །སྒོ་ཁྱུད་ལ་སོགས་རྣམ་པར་སྤང་། །རྩེ་
D490.086.0068b03.01གསུམ་པཊྚི་ས་དང་ནི། །དུང་དང་པདྨ་སོགས་པས་བརྒྱན། །ཐོག་མར་དབང་ཕྱུག་ཆེན་པོ་དགོད། །རྩེ་གསུམ་པ་ཡི་ཕྱག་རྒྱར་ལྡན། །ཁྱུ་མཆོག་ལ་ཞོན་མིག་གསུམ་པ། །སྟག་གི་པགས་གྱོན་ཕྱག་བཞི་པ། །ཐལ་བས་བྱུགས་ཤིང་མགོ་བོ་ལ། །རལ་པའི་ཚོགས་ནི་རབ་
D490.086.0068b04.01འཕྱང་བ། །ཆུ་ཡི་དཀྱིལ་འཁོར་དབུས་སུ་ནི། །དེ་བཞིན་གཤེགས་པ་ཐམས་ཅད་ལ། །ཕྱག་འཚལ་བ་ནི་འདི་བྲིའོ། །དེ་ཡི་སྔགས་ནི། ཨོཾ་ཏྲི་ས་སྲུྃ་ཧཱུྃ་ཕཊ། གསང་སྔགས་འདི་ནི་ཆེར་གསང་བ། །བདག་ཉིད་ཆེན་པོ་དབང་ཕྱུག་ཆེའི། །དབང་ཕྱུག་ཆེན་པོའི་དཀྱིལ་འཁོར་
D490.086.0068b05.01རོ། །དཀྱིལ་འཁོར་ཆེན་པོ་དེ་ཉིད་ལ་དབང་ཕྱུག་ཆེན་པོའི་གནས་སུ་ནག་པོ་ཆེན་པོ་གཞག་པར་བྱའོ། །ལག་པ་སྟོང་གིས་གར་བྱེད་པ་དང་ལྡན་པའི་དགའ་བྱེད་དབང་ཕྱུག་དང་ལྷན་ཅིག་ཕྱག་བཞི་པ་སྤྱན་གསུམ་པའོ། །ལག་པ་སྟོང་གིས་གནས་པའོ། །རང་གི་སྔགས་ནི། ཨོཾ་མ་ཧཱ་
D490.086.0068b06.01ཀཱ་ལ་ཧཱུྃ་བྷྱོཿ། ཨོཾ་ནན་དི་ཀེ་ཤྭ་ར་ཧཱུྃ་བྷྱོ། འདི་བཟླས་ན་དངོས་གྲུབ་ཐམས་ཅད་བྱེད་དོ། །དགའ་བྱེད་དབང་ཕྱུག་དང་། ནག་པོ་ཆེན་པོའི་དཀྱིལ་འཁོར་རོ། །དེ་ཉིད་ཀྱི་ནི་ཆོ་ག་ཡིས། །དཀྱིལ་འཁོར་གྲུ་བཞི་ཐིག་གདབ་བྱ། །དེར་ནི་པདྨ་ཡང་དག་བྲི། །པདྨའི་དབུས་སུ་སྦྲང་རྩི་བྱེད། །
D490.086.0068b07.01