完整藏文原文 · 德格版页 当前仅加载第 86 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་གཞོལ། །ཕྲ་མོ་མཉམ་པའི་མཐར་ཐུག་ནི། །འབར་ཞིང་ཐིག་ལེ་དང་མཚུངས་ཤིང་། །སྙིང་གི་དཀྱིལ་འཁོར་གསལ་བྱེད་པ། །དེ་ཡི་འབར་བ་རབ་ཕྲ་བ། །ཇི་སྲིད་རྐན་གྱི་བར་དུ་སོན། །སླར་ཡང་ཡི་གེ་ཐམས་ཅད་ནི། །ཡང་དང་ཡང་དུ་གསལ་བྱེད་ཅིང་། །
D490.086.0042b01.01ལྕེ་ལ་རྡོ་རྗེ་འབར་བ་ནི། །རྡུལ་ཕྲན་ལྟ་བུར་བྱེད་བཞིན་པའི། །རྡོ་རྗེ་འབར་བ་སྟོང་ཕྲག་དག །ཡང་དང་ཡང་དུ་རྣམ་པར་འདོན། །འཇིག་རྟེན་ཀུན་དུ་དེ་སོང་སྟེ། །ཆོས་དབྱིངས་མཉམ་དང་མི་མཉམ་པ། །ཡི་གེའི་རང་བཞིན་རྣམ་བཀྲ་བ། །རང་གིས་འགྲོ་བ་སྣང་བྱས་
D490.086.0042b02.01ཏེ། །སླར་ཡང་འོངས་ནས་རང་གནས་སུ། །འཇུག་པ་རུ་ནི་ཡོངས་སུ་བརྟག །ཇི་སྲིད་ཕྱོགས་ཀུན་སོང་བ་ཡི། །ཡི་གེ་ཁ་རུ་རབ་ཏུ་འཇུག །ལུས་ལ་ལུས་ཅན་གྱི་གཟུགས་བརྙན། །སེམས་ཀྱི་ཕྱག་རྒྱ་ལེགས་པར་བསམ། །དེ་ནས་སྒྲ་དང་ཡི་གེ་ནི། །ལྟེ་
D490.086.0042b03.01བར་སོང་སྟེ་ཡོངས་སུ་གནས། །ལྟེ་བ་རུ་ནི་པདྨ་མཆོག །པདྨར་རྡོ་རྗེ་དྲི་མེད་མཛེས། །དེ་ཡི་སྟེང་དུ་དུང་ཆེན་པོ། །རབ་ཏུ་འཕྲོ་བ་ཉིད་དུ་གནས། །དེ་ལས་འབར་བའི་རྣམ་པའི་སྒྲ། །བྲང་གི་གནས་ནས་ཡོངས་སུ་བྱུང་། །སླར་ཡང་མགྲིན་པར་སོན་ནས་སུ། །རྡོ་རྗེ་ལྕེ་
D490.086.0042b04.01ལ་ཡང་དག་རེག །འགྲམ་པ་སྦྱར་བའི་དབུས་སུ་ནི། །སངས་རྒྱས་གཟུགས་བརྙན་དྲི་མ་མེད། །ཁ་བ་བ་ཞོ་ལྟར་དཀར་འོད། །བཅུད་ལེན་བདུད་རྩིའི་ཐིགས་པ་འདྲ། །རྡོ་རྗེ་ལྕེ་ནི་མཐའ་དག་རྣམས། །ཡང་དང་ཡང་དུ་གསལ་བར་བྱེད། །ཏིང་ངེ་འཛིན་གྱི་རྩེར་སོན་
D490.086.0042b05.01ཏེ། །སླར་ཡང་སྙིང་ག་ཉིད་དུ་སོང་། །ཐིག་ལེ་ལས་ནི་གུག་སྐྱེད་གྱུར། །གུག་སྐྱེད་རི་མོ་རིང་པོ་ཅན། །ཆ་ཤས་རྣམ་བཞི་འདུས་པ་ལས། །དེ་ནི་ཡི་གེར་རྣམ་པར་ཤེས། །ཡི་གེ་ལས་ནི་སྒྲ་སྐྱེ་ཞིང་། །སྒྲ་ལས་ནཱ་ད་དེ་ལས་དབྱངས། །དབྱངས་ལས་ངག་ཏུ་རྣམ་པར་
D490.086.0042b06.01འགྱུར། །ཡི་གེ་ལས་ནི་ཆ་ཤས་ཚོགས། །ཚིག་རྐང་དང་ནི་ངག་ཏུ་འགྱུར། །ཚིག་རྐང་ལས་ནི་ཚིགས་བཅད་དང་། །དེ་བཞིན་དུ་ནི་གཱ་ཐཱ་དང་། །ཕྲེང་འཛིན་རྒྱུན་ཆགས་དེ་བཞིན་ཏེ། །འདི་ལྟར་སྔགས་དང་རིག་སྔགས་དང་། །རང་གི་སྙིང་པོར་རབ་འཇུག་འགྱུར། །
D490.086.0042b07.01