完整藏文原文 · 德格版页 当前仅加载第 86 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་པད་ཆེན་པོ། །འདབ་མ་བརྒྱད་པ་ཡིད་འོང་བ། །དེ་ཡི་ལྟེ་བའི་དབུས་སུ་ནི། །འགྲོ་བ་འདུལ་བ་ཞེས་བྱ་བ། །ཟླ་བའི་འོད་ཅན་ཟླ་བའི་མདོག །རལ་པའི་ཅོད་པན་འཛིན་པ་ཅན། །ཕྱག་བཞི་པ་ལ་ཞལ་བཞི་པ། །རྒྱན་རྣམས་ཀུན་གྱིས་བརྒྱན་པ་པོ། །སངས་རྒྱས་
D490.086.0064a01.01ཕྲེང་བ་སོགས་པས་སྤྲས། །སྐུ་རྣམས་ཐམས་ཅད་ཀུན་ནས་སྤྲོ། །མཐའ་ཡས་རབ་འབྱམ་རྒྱ་ཆེ་བའི། །ཆོས་དབྱིངས་མཉམ་དང་མི་མཉམ་ལ། །དེ་ཡི་སྔགས་སུ་ཡོངས་གྲགས་པ། །ཤ་ཥའི་སྡེ་ཡི་མཐའ་དགེ་བ། །ཀྵ་ཡིག་དོན་ལྡན་སྔོན་བྱུང་བ། །རྒྱུ་ཡི་དོན་དུ་རབ་སྒྲུབ་བྱེད། །
D490.086.0064a02.01བཞི་པའི་དབྱངས་ཀྱིས་སྤྱི་བོར་མནན། །མེ་ཡི་ས་བོན་གསལ་བར་བྱེད། །ཐིག་ལེ་སྒྲ་ནི་མཆོག་ཏུ་སྦྱིན། །འཇིག་རྟེན་དབང་ཕྱུག་ཞེས་བྱའི་མཚན། །དེ་ཡི་ཕྱག་རྒྱ་ཡང་དག་བཤད། །པདྨོའི་ཐལ་མོ་རབ་ཏུ་བརྐྱང་། །བྲིས་པའི་ཕྱག་རྒྱར་ཡང་དག་བཤད། །དབྱུག་གུ་རིལ་
D490.086.0064a03.01བ་སྤྱི་བླུགས་བྲི། །མདུན་དུ་བགྲང་ཕྲེང་པདྨ་ཡི། །རྒྱལ་པོ་ཟླ་བའི་དཀྱིལ་འཁོར་གཞག །དེ་ལ་སོགས་པ་མཐའ་ཡས་མཆོག །ཕྱག་རྒྱ་མཆོག་ཏུ་འབར་དེ་དག །འགྲོ་བ་འདུལ་བའི་དཀྱིལ་འཁོར་དུ། །ཇི་ལྟར་རིགས་པར་དགོད་པར་བྱ། །འགྲོ་བ་འདུལ་བ་ཞེས་བྱ་བའི་དཀྱིལ་
D490.086.0064a04.01འཁོར་གྱི་རྒྱལ་པོའོ།། །།དེ་ནས་དཀྱིལ་འཁོར་ཆེན་པོ་མཆོག །གཞན་ནི་རབ་ཏུ་བཤད་པར་བྱ། །དཔའ་བོ་རིན་ཆེན་སྙིང་པོ་ཡི། །རྡོ་རྗེ་རིན་ཆེན་ཞེས་སུ་བཤད། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱ། །དེ་ཡི་དབུས་སུ་རིན་ཆེན་ཆེ། །ཡན་
D490.086.0064a05.01ལག་བརྒྱད་པ་མཆོག་ཏུ་འབར། །དེ་དབུས་རིན་ཆེན་པདྨ་ནི། །རིན་ཆེན་ཕྲེང་བས་རྣམ་པར་མཛེས། །དེ་དབུས་མ་ར་ཀ་ཏ་འདྲ། །རིན་ཆེན་རྡོ་རྗེ་ཆེར་འབར་བ། །སངས་རྒྱས་ལྔ་ཡི་ཅོད་པན་ཅན། །རིན་ཆེན་ཕྲེང་བས་རྣམ་པར་མཛེས། །མདུན་དུ་ཀུན་གྱི་དབང་བསྐུར་གཙོ། །
D490.086.0064a06.01རིན་ཆེན་དེ་ཡི་གཙོ་བོ་མཆོག །གཡས་སུ་པདྨ་རཱ་ག་སྟེ། །རྒྱབ་ཏུ་ཨིནྡྲ་ནཱི་ལའོ། །ཡིད་བཞིན་ནོར་བུ་རིན་ཆེན་གཡོན། །ཕྱག་རྒྱ་རྣམ་པ་སྣ་ཚོགས་མཆོག །སྣ་ཚོགས་རིན་ཆེན་རྣམ་པར་བརྒྱན། །དཀྱིལ་འཁོར་ཀུན་གྱི་གྲྭ་ཡི་ནི། །གནས་རྣམས་སུ་ནི་གཞག་པར་བྱ། །སངས་
D490.086.0064a07.01