完整藏文原文 · 德格版页 当前仅加载第 86 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་རྡོ་རྗེའི་གནས་ཏེ། རྡོ་རྗེའི་གནས་འདི་འདོད་ཆགས་དང་བྲལ་བའི་ཆེད་དུ་འཇུག་གོ། །ཧ། བྱམས་པའི་མཐའ་མཉམ་པ་ཉིད་ཀྱི་ཕྱིར་ཞེ་སྡང་གི་མཐའ་རྡོ་རྗེའི་གནས་ཏེ། རྡོ་རྗེའི་གནས་འདི་ཉེས་པ་ཐམས་ཅད་གཅོད་པའི་ཆེད་དུ་འཇུག་གོ །མཻཿ། ཤེས་རབ་སྒྲོན་མ་
D490.086.0014b01.01མཉམ་པ་ཉིད་ཀྱི་ཕྱིར་གཏི་མུག་གི་མཐའི་རྡོ་རྗེའི་གནས་ཏེ། རྡོ་རྗེའི་གནས་འདིས་མུན་པ་བསལ་བར་བྱེད་པར་འགྱུར་རོ། །རྃ། སེམས་ཅན་ཐམས་ཅད་སེམས་ཅན་གཅིག་པ་སྟེ། རྡོ་རྗེའི་གནས་འདིས་སེམས་ཅན་མཉམ་པ་ཉིད་ལ་འཇུག་པའི་དོན་དང་སེམས་ཅན་གྱི་རང་བཞིན་
D490.086.0014b02.01རྟོགས་པའི་དོན་དུ་འགྱུར་རོ། །ཧྲཱི། སེམས་ཅན་ཐམས་ཅད་སེམས་གཅིག་པ་སྟེ། རྡོ་རྗེའི་གནས་འདིས་སེམས་ངེས་པ་ལ་འཇུག་པའི་དོན་དང་སེམས་རང་བཞིན་གྱིས་འོད་གསལ་བ་མངོན་པར་རྟོགས་པའི་དོན་དུ་འགྱུར་རོ། །ཨ། སངས་རྒྱས་ཐམས་ཅད་སངས་རྒྱས་
D490.086.0014b03.01གཅིག་པ་སྟེ། རྡོ་རྗེའི་གནས་འདིས་དེ་བཞིན་གཤེགས་པ་ཐམས་ཅད་ཀྱི་རྗེས་སུ་འཇུག་པའི་དོན་དང་མཉམ་པ་ཉིད་ཀྱི་ཡེ་ཤེས་རྗེས་སུ་རྟོགས་པའི་དོན་དུ་འགྱུར་རོ། །ཨོྃ། ཆོས་ཐམས་ཅད་སངས་རྒྱས་ཀྱི་ཆོས་ཏེ། རྡོ་རྗེའི་གནས་འདིས་ཐམས་ཅད་མཁྱེན་པའི་ཡེ་ཤེས་རྗེས་
D490.086.0014b04.01སུ་རྟོགས་པར་འཇུག་པའི་དོན་དང་། རྡོ་རྗེ་ལྟ་བུའི་ཏིང་ངེ་འཛིན་རྗེས་སུ་རྟོགས་པའི་དོན་དུ་འགྱུར་རོ། །ཨཱྃ། བདུད་ཀྱི་ལས་ཐམས་ཅད་སངས་རྒྱས་ཀྱི་ལས་ཏེ། རྡོ་རྗེའི་གནས་འདི་ལས་ཐམས་ཅད་རྗེས་སུ་རྟོགས་པ་ལ་འཇུག་པའི་དོན་དང་། ལས་ཐམས་ཅད་ལས་ཡོངས་
D490.086.0014b05.01སུ་འདས་པའི་དོན་དུ་འགྱུར་རོ། །ཧཱུྃ། ངག་ཐམས་ཅད་དེ་བཞིན་གཤེགས་པའི་གསུང་སྟེ། རྡོ་རྗེའི་གནས་འདི་སྒྲ་ཇི་བཞིན་པ་ཐམས་ཅད་རྗེས་སུ་རྟོགས་པ་ལ་འཇུག་པའི་དོན་དང་། བརྗོད་པ་ལས་འདས་པའི་ཆོས་རྗེས་སུ་རྟོགས་པའི་དོན་དུ་འགྱུར་རོ། །རྡྷྃ། ཆོས་
D490.086.0014b06.01ཐམས་ཅད་མ་སྐྱེས་པ་སྟེ། རྡོ་རྗེའི་གནས་འདི་འཆི་འཕོ་མེད་པ་ལ་འཇུག་པའི་དོན་དང་། སྐྱེ་བ་དང་། རྒ་བ་དང་འཆི་བའི་ལས་འདའ་བའི་དོན་དུ་འགྱུར་རོ། །མྃ། ཆོས་ཐམས་ཅད་མ་བྱུང་བ་སྟེ། རྡོ་རྗེའི་གནས་འདི་འགོག་པ་མེད་པ་ལ་འཇུག་པའི་དོན་དང་། ཆོས་
D490.086.0014b07.01