完整藏文原文 · 德格版页 当前仅加载第 86 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པའི་ཚུལ་དེ་བཞིན་གཤེགས་པ་ཐམས་ཅད་ཀྱི་ཞི་བའི་ཆོས་ཉིད་མངོན་པར་བྱང་ཆུབ་པ་མངོན་པར་བསྒྲུབ་པ་འདི་སྟོན་པར་མཛད་དོ། །རྡོ་རྗེ་བརྟན་པ་ཉིད་ཀྱི་རྡོ་རྗེ་མཉམ་པ་ཉིད་མངོན་པར་རྫོགས་པར་བྱང་ཆུབ་པའི་བྱང་ཆུབ་ཆེན་པོ་དང་། དོན་གཅིག་པ་
D490.086.0005a01.01ཉིད་ཀྱིས་དོན་མཉམ་པ་ཉིད་མངོན་པར་བྱང་ཆུབ་པའི་བྱང་ཆུབ་ཆེན་པོ་དང་། རང་བཞིན་རྣམ་པར་དག་པས་ཆོས་ཉིད་མཉམ་པ་ཉིད་མངོན་པར་བྱང་ཆུབ་པའི་བྱང་ཆུབ་ཆེན་པོ་དང་། རྣམ་པར་རྟོག་པ་དང་རྣམ་པར་མི་རྟོག་པ་ཉིད་ཀྱིས་ལས་ཐམས་ཅད་མཉམ་པ་ཉིད་མངོན་པར་བྱང་
D490.086.0005a02.01ཆུབ་པའི་བྱང་ཆུབ་ཆེན་པོ་སྟེ། འཇམ་དཔལ་གང་ལ་ལས་ཆོས་ཀྱི་གནས་བཞི་པོ་འདི་ཉན་པར་བྱེད་པ་དང་། འཛིན་པ་དང་། འདོན་པ་དང་། སྒོམ་པར་བྱེད་ན་ཇི་སྲིད་བྱང་ཆུབ་སྙིང་པོ་ལ་གནས་ཀྱི་བར་དུ་སྡིག་པ་ཐམས་ཅད་ལ་ཀུན་ཏུ་སྤྱོད་པ་ཐམས་ཅད་ཀྱང་སྡིག་པ་ཐམས་
D490.086.0005a03.01ཅད་ལས་འདས་པར་འགྱུར་ཞིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་བྱང་ཆུབ་པར་འགྱུར་རོ། །ཨཱྃ། དེ་ནས་ཡང་བཅོམ་ལྡན་འདས་གདུག་པ་ཐམས་ཅད་འདུལ་བ་དེ་བཞིན་གཤེགས་པ་ཤཱཀྱ་ཐུབ་པས་ཆོས་ཐམས་ཅད་མཉམ་པ་ཉིད་རྣམ་པར་རྒྱལ་བས་
D490.086.0005a04.01བསྡུས་པ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་སྒྲུབ་པ་བཀའ་སྩལ་པ། འདོད་ཆགས་ཀྱི་སྤྲོས་པ་མེད་པའི་ཕྱིར་འདོད་ཆགས་སྤྲོས་པ་མེད་པའོ། །ཞེ་སྡང་གི་སྤྲོས་པ་མེད་པའི་ཕྱིར་ཞེ་སྡང་སྤྲོས་པ་མེད་པའོ། །གཏི་མུག་གི་སྤྲོས་པ་མེད་པའི་ཕྱིར་གཏི་མུག་སྤྲོས་པ་
D490.086.0005a05.01མེད་པའོ། །ཆོས་ཐམས་ཅད་སྤྲོས་པ་མེད་པའི་ཕྱིར་ཆོས་ཐམས་ཅད་སྤྲོས་པ་མེད་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་སྤྲོས་པ་མེད་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་སྤྲོས་པ་མེད་པར་རིག་པར་བྱའོ། །འཇམ་དཔལ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ཉན་
D490.086.0005a06.01པ་དང་འཛིན་ཅིང་འདོན་ལ་ཀློག་པར་བྱེད་ན་དེ་འདུལ་བའི་དབང་ཉེ་བར་བཟུང་ནས་ཁམས་གསུམ་དུ་སྐྱེས་པའི་སེམས་ཅན་རྣམས་བསད་བར་གྱུར་ཀྱང་ངན་སོང་དུ་འགྲོ་བར་མི་འགྱུར་ཞིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་འགྱུར་རོ། །ཧཱུྃ། དེ་ནས་བཅོམ་ལྡན་
D490.086.0005a07.01