完整藏文原文 · 德格版页 当前仅加载第 86 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་སེམས་ཀྱིས་སྤྲོ་བ་ནི། །བརྟན་པའི་སྙིང་པོར་ལེགས་པར་བཤད། །སྟོང་ཉིད་དེ་བཞིན་ཉིད་ལས་བྱུང་། །རྡོ་རྗེ་སེམས་དཔར་དེ་བཤད་དོ། །འགྲོ་བ་ཐམས་ཅད་བཀུག་ནས་སུ། །སངས་རྒྱས་བྱང་ཆུབ་སྦྱར་བར་བྱ། །དོན་ཡོད་ཡེ་ཤེས་དག་པ་དེ། །རྡོ་རྗེ་རྒྱལ་པོ་
D490.086.0023b01.01མཆོག་ཅེས་བཤད། །རྡོ་རྗེ་ཆགས་པས་ཆགས་གྱུར་ནས། །རང་བཞིན་གྱིས་ནི་བརྟན་པར་འགྱུར། །འགྲོ་བ་མ་ལུས་ལུས་མེད་པ། །དེ་ཡི་སེམས་ནི་ཆགས་པར་བཤད། །ཆོས་རྣམས་ཀུན་ནི་རང་བཞིན་གྱིས། །རྣམ་པར་དབེན་ཞིང་གཉིས་སུ་མེད། །གང་ཚེ་
D490.086.0023b02.01དག་པའི་བདག་ཉིད་མཐོང་། །དེ་ཚེ་རྡོ་རྗེ་ལེགས་པར་བཤད། །རྡོ་རྗེ་སེམས་དཔའ་བཞི་པོ་ཡིས། །མིང་དང་བརྡ་ནི་སྦྱར་བའོ། །སངས་རྒྱས་ཀུན་དང་མཉམ་སྦྱོར་བ། །སྡོམ་པ་མཆོག་ཏུ་དམ་པའོ། །ཁམས་གསུམ་པ་ཡི་རྒྱལ་སྲིད་ཆེ། །ཚོགས་གཉིས་རྫོགས་
D490.086.0023b03.01པར་བྱས་པ་སྟེ། །ས་དང་ཕ་རོལ་ཕྱིན་མཆོག་གཙོ། །རྡོ་རྗེ་དབང་བསྐུར་ལས་བྱུང་བ། །དེ་བཞིན་གཤེགས་ཀུན་ཡེ་ཤེས་ཏེ། །རྙོག་པ་མེད་ཅིང་ཡི་གེ་མེད། །འོད་ཀྱི་དཀྱིལ་འཁོར་གཟི་བརྗིད་མཆོག །བརྟན་པ་རྟག་པ་ཉིད་དུ་འགྱུར། །ནམ་མཁའི་མཛོད་
D490.086.0023b04.01ནི་མཛོད་ཆེན་པོ། །ཆོས་རྣམས་ཐམས་ཅད་དབང་སྒྱུར་བ། །ཡིད་བཞིན་ནོར་བུ་རྡོ་རྗེ་ཆེ། །རྡོ་རྗེ་ཏོག་ནི་བླ་ན་མེད། །ཡེ་ཤེས་སྣང་བ་རིན་ཆེན་ཆེ། །རྨད་དུ་བྱུང་བ་ངེས་པར་མཐོང་། །དེ་བཞིན་གཤེགས་ཀུན་གསང་བ་ནི། །རྡོ་རྗེ་བཞད་པ་ཞེས་སུ་གྲགས། །ཆོས་
D490.086.0023b05.01ཀྱི་བདག་མེད་ལས་བྱུང་བ། །གཉིས་སུ་མེད་པའི་ཡེ་ཤེས་མཆོག །ཆོས་ཉིད་དམ་པ་བསམ་དུ་མེད། །རྡོ་རྗེ་ཆོས་ཞེས་བྱ་བར་དྲན། །རྡོ་རྗེ་བློ་གྲོས་སྣང་བ་ཆེ། །ཤེས་རབ་ཡེ་ཤེས་དྲི་མེད་མཆོག །ཟག་མེད་ཤེས་རབ་ཆེན་པོ་པ། །དེ་ནི་རྡོ་རྗེ་རྣོན་པོར་བཤད། །སངས་
D490.086.0023b06.01རྒྱས་རྣམས་ཀྱི་ཆོས་འཁོར་ལོ། །གཉིས་སུ་མེད་ལས་བྱུང་བར་མཚོན། །ཡན་ལག་བཅུ་གཉིས་རྟེན་འབྲེལ་མིང་། །རྡོ་རྗེ་རྒྱུ་ཞེས་ངེས་པར་བཤད། །དགོངས་པའི་སྐད་ནི་སྤྲོས་པའི་མཆོག །ཡུལ་རྣམས་ཀྱིས་ནི་བཤད་པ་སྟེ། །སངས་རྒྱས་ཀུན་གྱིས་བཟླས་པ་ཆེ། །
D490.086.0023b07.01