完整藏文原文 · 德格版页 当前仅加载第 86 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་རྣལ་འབྱོར་པས་བསྒོམས་ན། །དེ་ནི་ཀུན་གྱིས་དབང་བསྐུར་རོ། །ཀུན་གྱི་གཙུག་ཏོར་གྱི་སྒྲུབ་པའི་ཐབས་སོ།། །།རྡོ་རྗེ་སྙིང་པོ་རྒྱན་ཅེས་བྱ་བའི་རྒྱུད་ཆེན་པོ་ལས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་སྒྲུབ་ཐབས་ཀྱི་ཆོ་ག་རྒྱས་པའི་རིམ་པར་ཕྱེ་བ་
D490.086.0046a01.01ཡོངས་སུ་རྫོགས་སོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་སླར་ཡང་འདུས་པར་གྱུར་ཏེ། བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་ཕྱུག་ལ་གསོལ་བ་བཏབ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཐམས་ཅད་ཀྱི་གསང་
D490.086.0046a02.01སྔགས་ཀྱི་སྒྲུབ་པའི་ཆོ་ག་རྒྱས་པ་བཀའ་སྩལ་དུ་གསོལ། དེ་ནས་བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོས་དེ་དག་གིས་གསོལ་བ་བཏབ་པའི་ཚིག་གསན་ནས་དེ་མ་ཐག་པ་ཁོ་ནར་དེ་བཞིན་གཤེགས་པ་ཐམས་ཅད་དུ་བདག་ཉིད་བྱིན་གྱིས་བརླབས་ནས་བྱང་ཆུབ་
D490.086.0046a03.01སེམས་དཔའ་ཐམས་ཅད་ཀྱི་གསང་སྔགས་ཀྱི་རིམ་པར་ཕྱེ་བ་བཀའ་སྩལ་པ། ཤེས་རབ་ཡེ་ཤེས་རྡོ་རྗེ་ཆེ། །སྙིང་གར་ཡོངས་སུ་བསྒོམས་ནས་སུ། །རལ་གྲི་སྔོན་པོ་ཕྱག་ན་བསྣམས། །དབང་ཆེན་དང་ནི་མེ་ལས་འཁྲུངས། །ཡེ་ཤེས་ཆེན་པོ་གཟི་བརྗིད་ཆེ། །འཁྲུལ་བ་
D490.086.0046a04.01མེད་ཅིང་ཡི་གེ་བྲལ། །སངས་རྒྱས་ཀུན་བདག་ཤེས་རབ་མཆོག །ཉོན་མོངས་ཐམས་ཅད་ཟད་པར་བྱེད། །རྡོ་རྗེ་ཀུན་བདག་བཀོད་པ་པོ། །ཀུན་དུ་འགྲོ་བའི་དམ་པའི་དོན། །དབྱེར་མེད་མཆོག་ཏུ་གསང་བ་པོ། །རིག་པ་མཆོག་གི་བདག་ཉིད་འདི། །ཞལ་དྲུག་པ་ལ་ཕྱག་དྲུག་
D490.086.0046a05.01མཆོག །མངོན་ཤེས་དྲུག་ལྡན་ཡི་གེ་དྲུག །རྗེས་དྲན་དྲུག་གི་སྦྱོར་བ་ཡིས། །ཕྱག་དྲུག་དམ་པ་སྟོབས་པོ་ཆེ། །གཟི་བརྗིད་ཡང་ན་སྟོབས་ཀྱིས་ཀྱང་། །ཀུན་ནས་ཡོངས་སུ་གསལ་བ་པོ། །གཟུགས་ཆེ་ལུས་ཀྱང་ཆེ་བ་སྟེ། །ནམ་མཁའི་ཁམས་ན་རྣམ་པར་གནས། །
D490.086.0046a06.01ཡང་ན་ཕྱག་གཉིས་ཤེས་པར་བྱ། །ཏིང་ངེ་འཛིན་གནས་སྡིག་པ་བཅོམ། །དཔའ་བོ་པདྨ་ལ་གནས་པ། །ཟླ་བའི་མདོག་ཅན་འོད་པོ་ཆེ། །རྣལ་འབྱོར་པ་ཡི་ཡེ་ཤེས་ཕྲ། །ཤེས་རབ་ཕ་རོལ་ཕྱིན་པ་འབར། །གདོད་ནས་མ་སྐྱེས་པ་ཞེས་བསམ། །སངས་རྒྱས་ཡེ་ཤེས་རབ་
D490.086.0046a07.01