完整藏文原文 · 德格版页 当前仅加载第 86 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པར་འགྱུར། །ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་པའི་ཐབས་སོ།། །།ཤེས་རབ་ཕ་རོལ་ཕྱིན་གཉིས་པ། །རྫུ་འཕྲུལ་ཆེན་པོ་མཁའ་དང་མཉམ། །གསེར་གྱི་མདོག་ཅན་འབར་བ་ཅན། །ཟླ་བའི་གདན་ལ་ལེགས་པར་བཞུགས། །བརྩོན་འགྲུས་ཆེན་མོ་བསམ་
D490.086.0054b01.01གཏན་བྱ། །སྔགས་ཀྱི་ཡི་གེ་རྣམ་པར་བརྒྱན། །མཆོག་ཏུ་རྣལ་འབྱོར་མ་རྣམས་ཀྱིས། །སངས་རྒྱས་སྤྱན་ཞེས་བཏགས་པ་ཡི། །དེ་ཡི་གསང་སྔགས་རབ་བཤད་བྱ། །ཉོན་ཅིག་ས་རྣམས་འདོད་པ་རྣམས། །སྔགས་ནི། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནི་སརྦྦ་ཨརྠ་སཱ་དྷ་
D490.086.0054b02.01ནི་སྭཱ་ཧཱ། འདི་དེ་མཆོག་ཏུ་གསང་བ་ནི། །རྣལ་འབྱོར་མ་ལ་མཆོག་ཏུ་བཤད། །དབང་ཆེན་ཡི་གེའི་མཐར་ཐུག་པ། །བསྒོམས་པས་དགེ་བ་རབ་ཏུ་སྟེར། །ཆོས་ཀྱི་ཕྱག་རྒྱ་འདི་ཤིན་ཏུ། །སེམས་ཅན་ཐམས་ཅད་དབང་དུ་བྱེད། །དཔུང་དང་བཅས་པ་མྱུར་བཀུག་སྟེ། །
D490.086.0054b03.01བྲན་དུ་གྱུར་ནས་ཉེ་བར་གནས། །ཕྱག་རྒྱ་གཅིག་པའི་ལྷ་མོ་ཆེ། །རོལ་ཅིང་གཡོ་བའི་ཞལ་མངའ་བ། །སྒེག་པ་ལ་སོགས་ཉམས་དང་ལྡན། །རོལ་ཅིང་སྣང་བའི་གར་མཛད་པ། །སངས་རྒྱས་སྤྱན་ནི་འགྲུབ་པར་འགྱུར། །མིག་གི་ཕྱག་རྒྱ་རབ་ཏུ་སྦྱར། །མིག་གི་ཕྱག་རྒྱ་འདི་
D490.086.0054b04.01ཤིན་ཏུ། །འཇིག་རྟེན་གསུམ་ཡང་གར་བྱེད་དོ། །སངས་རྒྱས་སྤྱན་གྱི་ཕྱག་རྒྱའི་སྒྲུབ་པའི་ཐབས་སོ།། །།ཆུ་ཡི་དཀྱིལ་འཁོར་དགྱེས་པ་ན། །བཅུད་ཀྱིས་ལེན་དང་མཚུངས་པའི་མཆོག །མཐའ་ཡས་རྒྱས་ཤིང་ཡངས་པ་ཡི། །དྲི་མ་མེད་པའི་མཁའ་ལ་གནས། །
D490.086.0054b05.01དཀྱིལ་འཁོར་དེ་ཡི་དབུས་སུ་ནི། །ལྷ་མོ་མཆོག་ཏུ་མཛེས་པ་མོ། །འདམ་བུ་མདའ་རྒྱུའི་མདོག་ལྟར་དཀར། །གྲུབ་མ་རལ་པའི་ཅོད་པན་འཆང་། །འགྲོ་བ་མཐའ་དག་སྣང་མཛད་མ། །རྟག་ཏུ་ནམ་མཁའ་བཞིན་དུ་གནས། །སྔགས་ནི། ཨོཾ་ཀ་ཊེ་བི་ཀ་ཊེ་ཀ་ཊྃ་ཀ་ཊེ་སྭཱ་ཧཱ།
D490.086.0054b06.01གོས་དཀར་མོ་ཡི་ཕྱག་རྒྱ་ཆེ། །དུང་དང་ཀུནྡ་ཟླ་བ་འདྲ། །སྔགས་ཀྱི་ཡི་གེའི་ཕྲེང་བ་ཆེ། །པདྨའི་རྒྱལ་པོ་རབ་ཏུ་གནས། །འགྲོ་བ་མཐའ་དག་སྣང་མཛད་ན། །སྒྲུབ་པ་པོས་ནི་བསྒྲུབ་པར་བྱ། །དམ་པའི་ལྷ་མོ་འགྲུབ་པར་འགྱུར། །པདྨའི་དཀྱིལ་འཁོར་སྒྲུབ་པའི་ཐབས། །
D490.086.0054b07.01