完整藏文原文 · 德格版页 当前仅加载第 86 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། ཨོཾ་སརྦྦ་ཏ་ཐཱ་ག་ཏ་ས་མ་ཏཱ་ཛྙཱ་ན་བཛྲ་ཧཱུྃ། དེ་ནས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་དག་བཤད་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཐམས་ཅད་མཐོང་བར་གྱུར་ཏོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་
D490.086.0061a01.01ཅད་ཀྱི་སྙིང་པོའི་བདག་ཉིད་རྟོགས་ནས། རྡོ་རྗེ་མཉམ་པ་ཉིད་སྤྲོས་པའི་སྙིང་པོ་བཀའ་སྩལ་པ། ཨོཾ་བཛྲ་ས་མ་ཏཱ་ཛྙཱ་ན་བུདྡྷ་ཧཱུྃ། དེ་ནས་འདི་བཤད་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྣམས་ཕྱག་ན་རྡོ་རྗེར་མཐོང་བར་གྱུར་ཏོ། །དེ་ནས་ཕྱག་ན་རྡོ་རྗེའི་ཐུགས་ཀ་ནས་
D490.086.0061a02.01ཆོས་ཐམས་ཅད་མཉམ་པ་ཉིད་སྤྲོས་པའི་སྙིང་པོ་འདི་ཕྱུང་ངོ་། །ཨོཾ་སརྦྦ་དྷརྨྨ་ས་མ་ཏཱ་ཛྙཱ་ན་བཛྲ་ཧཱུྃ། དེ་ནས་འདི་རྣམ་པར་ཕྱུང་བ་ཙམ་གྱིས་ཀྱང་སླར་ཡང་ཕྱག་ན་རྡོ་རྗེའི་ཐུགས་ཀར་དེ་བཞིན་གཤེགས་པ་ཐམས་ཅད་ཀྱིས་དཀྱིལ་འཁོར་ཐམས་ཅད་བྱིན་གྱིས་བརླབས་པ་མཛད་ནས། དཀྱིལ་
D490.086.0061a03.01འཁོར་ཐམས་ཅད་དུ་འཁོད་པར་མཐོང་ངོ་། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་དེ་བཞིན་གཤེགས་པ་ཐམས་ཅད་མཉམ་པ་ཉིད་སྤྲོས་པའི་སྙིང་པོ་འདི་ཕྱུང་ངོ་། །ཨོཾ་སརྦྦ་སཏྭ་ས་མ་ཏཱ་པྲ་པཉྩ་བུདྡྷ་ཧཱུྃ། དེ་ནས་འདི་ཕྱུང་བ་ཙམ་གྱིས་དེ་བཞིན་གཤེགས་པ་
D490.086.0061a04.01ཐམས་ཅད་ཀྱི་ཐུགས་ཀ་ནས་ཕྱག་ན་རྡོ་རྗེ་རྣམ་པར་ཕྱུང་སྟེ་སླར་ཡང་དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་གནས་ནས་བཀའ་ནོད་ཅིང་འཁོད་དོ། །བཅོམ་ལྡན་དེ་བཞིན་གཤེགས་པ་ཀུན། །བདག་གིས་ཇི་ལྟར་བསྒྲུབ་པར་བགྱི། །དེ་བཞིན་གཤེགས་པ་ཐམས་ཅད་ཀྱིས་
D490.086.0061a05.01བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་རྣམས་ལ་བྱིན་གྱིས་བརླབ་པར་བྱོས་ཤིག །དེ་དེ་བཞིན་ནོ་ཞེས་གསོལ་ནས། བཅོམ་ལྡན་འདས་རྡོ་རྗེ་སེམས་དཔའ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་དཀྱིལ་འཁོར་ཐམས་ཅད་བྱིན་གྱིས་བརླབས་
D490.086.0061a06.01ཏེ་བརྟན་པར་གྱུར་ནས་རྡོ་རྗེ་སྒེག་མོ་ལ་སོགས་པའི་ལྷ་རྣམས་ཕྱུང་སྟེ། ལྷ་མོ་དེ་རྣམས་དཀྱིལ་འཁོར་ཐམས་ཅད་ཀྱི་གྲྭ་རྣམས་སུ་དེ་བཞིན་དུ་རྣམ་པར་གནས་སོ། །སྒོ་རྣམས་སུ་སྒོ་སྐྱོང་མ་རྣམས་དང་། མཚམས་རྣམས་སུ་གཟུགས་དང་། སྒྲ་དང་། དྲི་དང་། རོ་དང་།
D490.086.0061a07.01