完整藏文原文 · 德格版页 当前仅加载第 86 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོས་རྡོ་རྗེའི་སྙིང་པོ་ཐམས་ཅད་ཀྱི་རྒྱན་ཐེག་པ་ཆེན་པོ་མངོན་པར་རྟོགས་པ་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་ཆེན་པོ་གསང་བའི་དམ་ཚིག་རྡོ་རྗེ་དབྱིངས་ཀྱི་དབང་ཕྱུག་དམ་པ་ཆེན་པོ་
D490.086.0009a01.01འཁོར་ལོས་སྒྱུར་བ་ཆེན་པོ་བཞིས་ཡོངས་སུ་བསྐོར་བ་རྡོ་རྗེ་སྙིང་པོ་རྒྱན་ཅེས་བྱ་བའི་སྙིང་པོ་འདི་ཕྱུང་ངོ་། །མཚན་ཉིད་གཅིག་པའི་ཕྱིར་ཆོས་ཐམས་ཅད་གདོད་ནས་མ་སྐྱེས་པའོ། །ནམ་མཁའ་དང་མཉམ་པའི་ཕྱིར་ཆོས་ཐམས་ཅད་སྟོང་པ་ཉིད་དོ། །སྤྲོས་པ་ཐམས་ཅད་སྤངས་
D490.086.0009a02.01པའི་ཕྱིར་ཆོས་ཐམས་ཅད་གདོད་མ་ནས་ཡོངས་སུ་དག་པའོ། །ཐམས་ཅད་ཀྱི་སེམས་གསལ་བའི་མཚན་ཉིད་ཀྱི་ཕྱིར་ཆོས་ཐམས་ཅད་ཆོས་ཀྱི་དབྱིངས་ཡོངས་སུ་རྒྱས་པའོ། །ཨཿབྷྲུཾ་ཏྲཱྃ་ཧྲཱིཿཧཱུཾ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཡི་གེའི་ཚིག་འདི་བརྗོད་པ་ཙམ་གྱིས་ཆོས་
D490.086.0009a03.01ཀྱི་དབྱིངས་ཀྱི་མཐས་ཀླས་པ་སངས་རྒྱས་ཀྱི་ཡུལ་ཐམས་ཅད་དེ་སྙེད་ཉིད་དུ་ཤིན་ཏུ་གསལ་བ་རྒྱ་ཆེན་པོས་སྣང་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་སླར་ཡང་བསྡུ་བས་བྱོན་ནས། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་
D490.086.0009a04.01ཆེན་པོའི་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སྙིང་པོ་རྒྱན་ཞེས་བྱ་བའི་དཀྱིལ་འཁོར་ཆེན་པོ་བཤད་པར་བྱ་ཡིས་ཉོན་ཅིག་དེ་ལེགས་པར་ཉོན་ལ་
D490.086.0009a05.01རབ་ཏུ་ཡིད་ལ་གྱིས་ཤིག་དང་བཤད་པར་བྱའོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ཁྱོད་ཀྱང་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཡེ་ཤེས་ལ་ཞུགས་ལ། དེ་བཞིན་གཤེགས་
D490.086.0009a06.01པ་ཐམས་ཅད་ཀྱི་རྡོ་རྗེའི་སྙིང་པོ་ཆེན་པོ་ལ་བྱིན་གྱིས་བརླབ་པར་བྱོས་ཤིག །དེ་ནས་ཡང་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་རྣམ་པར་སྣང་མཛད་ཀྱིས་གསོལ་བ་བཏབ་པའི་ཚིག་ཐོས་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀར་ཞུགས་ཏེ།
D490.086.0009a07.01