完整藏文原文 · 德格版页 当前仅加载第 86 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་རྣམས་ཟླ་བའི་དཀྱིལ་འཁོར་ལའོ། །ཕྲེང་བ་རྣམ་པར་དགོད་བྱ་བ། །རང་གི་ཕྱག་རྒྱ་འོད་ཟེར་འབར། །རྡོ་རྗེ་སྒེག་མོ་ལ་སོགས་པའི། །ལྷ་མོ་འབད་པས་དགོད་པར་བྱ། །རྡོ་རྗེ་བདུག་པ་ལ་སོགས་བྲི། །དེ་བཞིན་གཟུགས་ཀྱི་རྡོ་རྗེ་སོགས། །
D490.086.0025a01.01རྡོ་རྗེ་ལྕགས་ཀྱུ་ལ་སོགས་པ། །སྒོ་སྲུང་འབད་པས་བྲི་བར་བྱ། །ཕྱི་ཡི་དཀྱིལ་འཁོར་ལ་གནས་པར། །ཀུན་དུ་བཟང་སོགས་རིམ་བཞིན་བྲི། །རང་གི་ཕྱག་རྒྱའི་འཁོར་རྣམས་དང་། །ཕོ་ཉ་ཡི་ནི་འཁོར་དག་དང་། །ཁྲོ་བོ་རྣམས་དང་མངག་པ་དང་། །དེ་བཞིན་ཕོ་ཉ་ཕོ་ཉ་མ། །
D490.086.0025a02.01རྒྱ་མཚོ་ཡི་ནི་དཀྱིལ་འཁོར་ནི། །འོད་ཀྱི་དཀྱིལ་འཁོར་གསལ་བའོ། །ཕྱི་རུ་ཕྱི་རོལ་རྡོ་རྗེའི་མིང་། །དཀྱིལ་འཁོར་ལ་ནི་འབད་པས་བྲི། །དབང་ལྡན་ཕྱོགས་ནས་བརྩམས་ནས་སུ། །འཇིག་རྟེན་སྐྱོང་བ་བརྒྱད་པོ་བྲི། །ཚངས་པ་ཁྱབ་འཇུག་དབང་ཆེན་མིང་། །དབང་པོ་ལ་
D490.086.0025a03.01སོགས་ལྷ་ཐམས་ཅད། །མ་མོ་ཀུན་དང་སྲིང་མོ་རྣམས། །རྒྱལ་པོ་ཆེན་པོ་བཞི་དང་ཀླུ། །དེ་བཞིན་ལྷ་རྣམས་ཐམས་ཅད་དང་། །བརྩོན་འགྲུས་ཆེན་པོ་ནམ་མཁའ་ལྡིང་། །འབད་པ་ཡིས་ནི་བྲི་བར་བྱ། །དེ་ལྟའི་དཀྱིལ་འཁོར་བྲིས་ནས་སུ། །ཁྱད་པར་དུ་ནི་མཆོད་པར་བྱ། །
D490.086.0025a04.01མེ་ཏོག་བདུག་སྤོས་རོལ་མོ་སོགས། །དེ་བཞིན་བཟའ་དང་སྟོན་མོ་སོགས། །ཕྲེང་བའི་རྒྱན་ནི་སྣ་ཚོགས་ཀྱིས། །དེ་བཞིན་གཤེགས་རྣམས་མཆོད་པར་བྱ། །དཀྱིལ་འཁོར་ཀུན་གྱི་ཆོ་ག་ཡིས། །མཆོད་པ་ཀུན་གྱིས་ཐམས་ཅད་ནས། །འཁོར་ལོ་ཀུན་གྱི་ཆོ་ག་ཡིས། །སངས་
D490.086.0025a05.01རྒྱས་ཐམས་ཅད་མཆོད་པར་བྱ། །དེ་ནས་སློབ་མ་ཐམས་ཅད་གཞུག །ཡོངས་སུ་དག་པ་ཁྱད་པར་དུ། །བྱང་ཆུབ་སེམས་ནི་བསྐྱེད་ནས་སུ། །བྱང་ཆུབ་བསླབ་པ་རྗེས་སྤྱོད་པ། །ཆོ་ག་ཤེས་པའི་སྔགས་པས་གཞུག །འདྲེན་པ་རྣམས་ལ་མཆོད་དུ་གཞུག །རྡོ་རྗེའི་དབང་
D490.086.0025a06.01བསྐུར་སྦྱོར་བ་ཡིས། །དབང་བསྐུར་བ་ནི་དེ་ནས་སྦྱིན། །སེང་གེའི་ཁྲི་ཡི་སྟེང་དུ་ནི། །དར་དང་མེ་ཏོག་ཆུན་པོས་སྤྲས། །དཀར་པོའི་གདུགས་དང་རིན་ཆེན་ཆེ། །བླ་རེ་རྒྱ་ཆེ་འབར་བ་དང་། །དེ་ཡི་གཡས་ཀྱི་དྲུང་དུ་ནི། །མཁས་པ་ཡིས་ནི་གཞག་པར་བྱ། །བ་དན་རྣམ་པ་
D490.086.0025a07.01