完整藏文原文 · 德格版页 当前仅加载第 86 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་བྱུང་། །དེ་ཡི་སྟེང་དུ་པད་ཆེན་པོ། །འདབ་མ་བརྒྱ་པ་འོད་གསལ་བ། །དེ་སྟེང་རྟག་ཏུ་བསམ་པ་ནི། །བྱང་ཆུབ་སེམས་དཔའ་སྟོབས་པོ་ཆེ། །རྒྱ་མཚོའི་བློ་གྲོས་ཞེས་གྲགས་པ། །འབར་བའི་ཕྲེང་བ་འཁྲིགས་པའི་འོད། །དུང་དང་ཀུནྡ་ཟླ་བའི་འོད། །རྒྱན་རྣམས་ཀུན་
D490.086.0050b01.01གྱིས་རྣམ་པར་བརྒྱན། །དེ་ཡི་ལག་ན་ཕྱག་རྒྱ་ཆེ། །རྡོ་རྗེ་དུང་དུ་རབ་ཏུ་གྲགས། །རང་གི་ལྷག་པའི་ལྷ་སྦྱོར་བས། །རང་ཉིད་རྡོ་རྗེ་ཡིན་ནོ་ཞེས། །རྒྱ་མཚོའི་བློ་གྲོས་ཤེས་རབ་ཆེ། །སླར་ཡང་གསང་སྔགས་བཟླ་བར་བྱ། །སྔགས་ནི། ཨོཾ་སཱ་ག་ར་མ་ཏི་ས་ར་སྭཱ་ཧཱ།
D490.086.0050b02.01སྔགས་འདི་མཆོག་དང་གཙོ་བོ་སྟེ། །ཤེས་རབ་ཡེ་ཤེས་དྲི་མེད་མཛེས། །རྡོ་རྗེའི་སྦྱོར་བས་མྱངས་ན་ནི། །ཤེས་རབ་རྒྱ་མཚོའི་བློ་གྲོས་མཚུངས། །རང་ཉིད་སངས་རྒྱས་འཇམ་པའི་དབྱངས། །ཐུགས་རྗེ་འཇིག་རྟེན་དབང་ཕྱུག་རྒྱལ། །དངོས་གྲུབ་གཞན་ལྟ་སྨོས་ཅི་དགོས། །
D490.086.0050b03.01རྒྱ་མཚོའི་བློ་གྲོས་ཀྱི་སྒྲུབ་པའི་ཐབས་སོ།། །།དབང་ཆེན་དཀྱིལ་འཁོར་ལ་གནས་པའི། །ཨུཏྤལ་སྔོན་པོ་འདབ་འདྲའི་འོད། །རྡོ་རྗེ་སྙིང་པོ་བརྩོན་འགྲུས་ཆེ། །ཟླ་བའི་དཀྱིལ་འཁོར་དབུས་སུ་ནི། །ཇི་སྙེད་ས་སྟེང་མཐའ་དག་ཏུ། །ཁྱབ་ལ་སྡུག་ཅིང་མཐོ་བ་ཡི། །
D490.086.0050b04.01སྲ་ཞིང་སྙིང་པོ་རྣམ་དག་པའི། །མཆོག་གི་ཡི་གེ་འགྱུར་མེད་པ། །ས་བཅུའི་དབང་ཕྱུག་མགོན་པོ་ནི། །ཆོས་ཀྱི་སྤྲིན་ལ་སྤྱོད་མཛད་པ། །བསམ་ཡས་ས་ནི་ཡང་དག་བརྙེས། །ཨིན་དྲ་ནཱི་ལ་མཚུངས་པའི་འོད། །དེ་ཡི་སྔགས་གྱུར་མཛེས་པ་ནི། །ཡི་གེ་མཆོག་ནི་སྟེང་
D490.086.0050b05.01དུ་འབར། །ཐུགས་ཀར་རྡོ་རྗེ་ཆེར་གསལ་བ། །རང་ཉིད་རྣམ་པར་འཕྲོ་བ་བཞིན། །སྔགས་ནི། ཨོཾ་བཛྲ་གརྦྷ་ཧཱུྃ། འདི་ནི་སྔགས་མཆོག་གཙོ་བོ་སྟེ། །སངས་རྒྱས་བྱང་ཆུབ་རབ་སྒྲུབ་བྱེད། །ཡེ་ཤེས་ཡངས་པ་སྩོལ་མཛད་ཅིང་། །རྣམ་པ་ཀུན་ཏུ་ཕུན་ཚོགས་ཀུན། །
D490.086.0050b06.01སངས་རྒྱས་ཉིད་ཀུན་སྩོལ་མཛད་ན། །དངོས་གྲུབ་གཞན་ལྟ་སྨོས་ཅི་དགོས། །དགུག་དང་གཞུག་དང་བཅིང་བ་དང་། །དབང་དུ་བྱ་བ་སྒྲུབ་པར་བྱེད། །བདག་ཉིད་རྡོ་རྗེ་ཡིན་ནོ་ཞེས། །ང་རྒྱལ་རབ་ཏུ་བསྐྱེད་ནས་ནི། །རྡོ་རྗེ་སྙིང་པོ་བཞིན་དུ་གཞན། །བདག་གི་རྣལ་
D490.086.0050b07.01