完整藏文原文 · 德格版页 当前仅加载第 86 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
བཛྲ་ཧཱུཾ་ཕཊ། སྡིག་པ་དྲལ་བའི་ཕྱག་རྒྱ་དང་སྔགས་སོ། །དེ་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་གསང་བ་མཆོག་གི་དངོས་གྲུབ་རྡོ་རྗེ་འཛིན་པ་ཆེན་པོའམ་དེ་དེ་བཞིན་གཤེགས་པ་ཉིད་དུ་འགྱུར་རོ། །འཇམ་དཔལ་འདི་ནི་དགེ་བའི་རྩ་བ་མ་
D490.086.0008b01.01བསྐྲུན་པའི་སེམས་ཅན་རྣམས་ཀྱི་རྣ་ལམ་དུ་གྲག་པར་མི་འགྱུར་ཞིང་དགེ་བའི་རྩ་བ་མ་བསྐྲུན་པའི་སེམས་ཅན་གྱིས་བྲི་བ་དང་བཀླག་པ་དང་བརྗོད་པ་དང་རིམ་གྲོར་བྱ་བ་དང་བླ་མར་བྱ་བ་དང་། རྗེད་པར་བྱ་བ་དང་མཆོད་པར་བྱ་བར་ཡང་ནུས་པ་མ་ཡིན་ནོ། །གཞན་དུ་ན་གང་
D490.086.0008b02.01གིས་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི་སྒོའི་ཆོས་ཀྱི་རྣམ་གྲངས་འདི་ཐ་ན་ཡི་གེ་གཅིག་ཙམ་ཡང་ཐོས་ནས་སེམས་ཅན་དེ་སངས་རྒྱས་མང་པོ་ལ་དགེ་བའི་རྩ་བ་བསྐྲུན་པར་རིག་པར་བྱ་ན་སླར་ཡང་མཐའ་དག་མ་ལུས་པ་རྫོགས་པ་ལྟ་ཅི་སྨོས། འཇམ་དཔལ་སེམས་ཅན་
D490.086.0008b03.01གང་ལ་ལ་གང་གཱའི་ཀླུང་གི་བྱེ་མ་བརྒྱད་ཅུ་སྙེད་ཀྱི་སངས་རྒྱས་བྱེ་བ་ཁྲག་ཁྲིག་ལ་ཕྱག་བྱས་བླ་མར་བྱས་རྗེད་པར་བྱས་མཆོད་པར་བྱས་ན། དེས་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ཉན་པར་ནུས་སོ། །གང་དུ་ན་ཆོས་ཀྱི་རྣམ་གྲངས་འདི་རབ་ཏུ་སྤྱོད་པར་འགྱུར་བའི་སའི་
D490.086.0008b04.01ཕྱོགས་དེ་མཆོད་རྟེན་དུ་གྱུར་པར་འགྱུར་ཏེ་གང་ཟག་དེ་ཡང་ཕྱག་བྱ་བའི་འོས་སུ་འགྱུར་རོ། །གང་ཆོས་ཀྱི་རྣམ་གྲངས་འདི་ཡིད་ལ་གཟུང་བ་འམ། གླེགས་བམ་དུ་བྲིས་པར་གྱུར་ན་དེ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོར་སྐྱེ་བ་དྲན་པར་འགྱུར་རོ། །དེ་ལ་བདུད་སྡིག་ཏོ་
D490.086.0008b05.01ཅན་གྱིས་བར་དུ་མི་གཅོད་དོ། །རྒྱལ་པོ་ཆེན་པོ་བཞི་པོ་རྣམས་དང་། གཞན་ཡང་ལྷ་རྣམས་ཀྱིས་ཕྱི་བཞིན་རྗེས་སུ་འབྲངས་ཏེ། དེ་སྲུང་བ་དང་སྐྱོབ་པ་དང་། སྦེད་པ་བྱེད་པར་འགྱུར་ཞིང་ཚུལ་མ་ཡིན་པས་དུས་བྱེད་པར་མི་འགྱུར་ལ་སངས་རྒྱས་དང་བྱང་ཆུབ་སེམས་དཔའ་ཐམས་
D490.086.0008b06.01ཅད་ཀྱིས་དགོངས་པར་འགྱུར་རོ། །མདོར་ན་སངས་རྒྱས་ཀྱི་ཞིང་གང་དང་གང་ཡིད་ལ་འདོད་པ་དེ་དང་དེར་སྐྱེ་བར་འགྱུར་རོ། །འཇམ་དཔལ་འདི་ལྟ་བུའི་ཕན་ཡོན་མང་པོ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི་སྒོའི་ཆོས་ཀྱི་རྣམ་གྲངས་སོ། །
D490.086.0008b07.01