完整藏文原文 · 德格版页 当前仅加载第 86 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་དེ་བཞིན་གཤེགས་པ་ཐམས་ཅད་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་དངོས་གྲུབ་ཐམས་ཅད་ཀྱི་དཀྱིལ་འཁོར་བསྐྱེད་པར་མཛད་དུ་
D490.086.0080a01.01གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་སླར་ཡང་འདུས་པ་མཛད་ནས། བཅོམ་ལྡན་འདས་རྡོ་རྗེ་རྣལ་འབྱོར་ཅན་གྱི་དབང་ཕྱུག་ཆེན་པོ་ལ་གསོལ་བ་བཏབ་པ། བཅོམ་ལྡན་འདས་ཁྱོད་ཉིད་ཀྱིས་རིགས་ཐམས་ཅད་འཁོར་ལོ་བསྐྱེད་པར་མཛད་དུ་
D490.086.0080a02.01གསོལ། དེ་ནས་བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོས་གསོལ་བ་བཏབ་པའི་གསུང་གིས་དེ་མ་ཐག་ཁོ་ནར་འཇམ་དཔལ་གཞོན་ནུར་གྱུར་པ་ལ་བོས་ཏེ་བཀའ་སྩལ་པ། འཇམ་དཔལ་དེ་བཞིན་གཤེགས་པ་རྣམས་ཐམས་ཅད་ཀྱི་བྱང་ཆུབ་ཀྱི་སྙིང་པོ་ཉོན་ཅིག །ཅེས་ཏེ།
D490.086.0080a03.01དེ་ནས་འདི་ལས་ཡང་དག་བཤད། །བྱང་ཆུབ་དཀྱིལ་འཁོར་བླ་ན་མེད། །རྡོ་རྗེ་ཡེ་ཤེས་གསང་བ་མཆོག །སངས་རྒྱས་སྐྱོབ་པ་ཐམས་ཅད་ཀྱིའོ། །དབེན་པའི་ས་གཞི་ཉམས་དགའ་བ། །མེ་ཏོག་ཕྲེང་བས་རྣམ་བརྒྱན་པ། །ཀུན་ཏུ་སྣ་ཚོགས་ཆ་བཟང་
D490.086.0080a04.01བ། །ཀུན་ཏུ་སྣ་ཚོགས་སྡོམ་པར་ནི། །ཀུན་ནས་སྣ་ཚོགས་བྱ་བ་རྣམས། །དམ་པའི་དོན་དུ་བསྒྲུབ་པར་བྱ། །རི་ཡི་མཆོག་གམ་གྲོང་ཁྱེར་ནི། །མེ་ཏོག་འབྲས་བུས་རྣམ་བརྒྱན་པ། །དེར་གནས་སྔགས་པས་དངོས་གྲུབ་མཆོག །གལ་ཏེ་འདོད་
D490.086.0080a05.01ན་ཡང་དག་བྲི། །གཙུག་ལག་ཁང་དང་དགོན་པའི་གནས། །རི་སྟེངས་རྣམས་སུ་ཀུན་ནས་ནི། །སངས་རྒྱས་ཀུན་གྱི་བྱ་བ་རྣམས། །དམ་པའི་དོན་དུ་བསྒྲུབ་པར་བྱ། །མ་མོའི་གནས་དང་ཞི་བའི་གནས། །དུར་ཁྲོད་ལྷ་ཡི་གནས་སུ་ནི། །རྡོ་རྗེ་འཛིན་
D490.086.0080a06.01དཔལ་བྱ་བ་རྣམས། །དོན་དམ་པར་ནི་བསྒྲུབ་པར་བྱ། །པདྨའི་སྐྱེད་མོས་ཚལ་ཀུན་དང་། །ཆུ་བོ་འདུས་པ་རྣམས་སུ་ཡང་། །ཕྱག་ན་པདྨ་དཔལ་བྱ་བ། །དམ་པའི་དོན་དུ་བསྒྲུབ་པར་བྱ། །རྒྱལ་པོའི་ཕོ་བྲང་ཉམས་དགའ་དང་། །རྒྱལ་པོའི་སྐྱེད་
D490.086.0080a07.01