完整藏文原文 · 德格版页 当前仅加载第 86 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
མཛུབ་མོ་གཉིས་པོ་བསྐུམ་ནས་ནི། །རིན་པོ་ཆེ་ཡི་རྣམ་པར་བཅིང་། །ཀུན་དུ་བཟང་པོ་བློ་ལྡན་གྱིས། །དེ་ལས་རྩེ་མོ་རྩེ་མོ་བསྐུམ། །སེམས་ཀྱིས་བྱམས་པ་བསྒོམས་ནས་སོ། །མཛུབ་མོ་སྦྱར་ལ་བཅུག་ནས་ནི། །རལ་གྲིའི་རྣམ་པར་བརྟག་པ་སྟེ། །འདི་ནི་
D490.086.0027a01.01ནམ་མཁའི་སྙིང་པོ་ཡི། །ཕྱག་རྒྱར་སངས་རྒྱས་ཀུན་གྱིས་བསྔགས། །དེ་ནས་རལ་གྲིའི་མཚོན་ཆ་ཡི། །རྣམ་པ་རུ་ནི་ཉེར་གནས་པ། །ཕྱག་རྒྱ་འདི་ནི་རྣམ་འགོག་པར། །ཐམས་ཅད་ཀྱིས་ནི་ཡོངས་སུ་བརྗོད། །གར་ནི་སྡུད་པའི་སྦྱོར་བ་ཡིས། །རྡོ་རྗེ་ཐལ་མོ་རབ་ཏུ་
D490.086.0027a02.01བརྐྱང་། །པདྨའི་ལྟ་བུར་རྣམ་པར་བརྟག །པདྨའི་ལག་པ་བློ་ལྡན་གྱིས། །དེ་ཉིད་མེ་ཏོག་ཟུམ་ཚུལ་དང་། །ཨུཏྤལ་རྣམ་པར་ལྟར་མཛེས་པ། །འདི་ནི་པདྨ་སྒྲོལ་བའི་རྒྱ། །པདྨའི་མགོན་པོ་ཞེས་སུ་གྲགས། །མཆེ་བ་གཙིགས་པ་དང་ལྡན་པའི། །ཁ་དང་འདྲ་བར་
D490.086.0027a03.01ལེགས་པར་བརྟག །འདི་ནི་རྟ་མགྲིན་ཕྱག་རྒྱ་སྟེ། །ཁ་ཡི་ཕྱོགས་སུ་རབ་ཏུ་བརྟག །པདྨའི་ཐལ་མོ་དཔྲལ་བ་ཡི། །ཁྲོ་གཉེར་དུ་ནི་ཉེ་བར་སྦྱར། །རྡོ་རྗེ་ཐལ་མོ་འབེབས་པ་ཆེ། །དཔལ་གྱི་སྙིང་པོ་རིན་ཆེན་ལྡན། །ཡིད་བཞིན་ནོར་བུའི་རྣམ་པ་བཟུང་། །ཐལ་མོ་
D490.086.0027a04.01ལེགས་པར་རབ་ཏུ་བརྐྱང་། །མི་ཟད་བློ་གྲོས་ཕྱག་རྒྱ་ཆེ། །སངས་རྒྱས་ཀུན་གྱིས་རབ་ཏུ་བརྟགས། །གར་ནི་སྡུད་པའི་སྦྱོར་བ་ཡིས། །རིན་ཆེན་རྡོ་རྗེ་སྙིང་གར་གཞག །ནམ་མཁའ་མཛོད་ཀྱི་ཕྱག་རྒྱ་སྟེ། །ནམ་མཁའི་མཛོད་ཉིད་སྟེར་བར་བྱེད། །རྡོ་རྗེ་ཆེན་པོ་ལེགས་
D490.086.0027a05.01པར་བརྐྱང་། །མཐེ་ཆུང་མཐེ་བོང་ངེས་པར་བཅིང་། །ལག་པ་གཉིས་ནི་ངེས་པར་བརྟག །བློ་གྲོས་རྒྱ་མཚོའི་ཕྱག་རྒྱར་འགྱུར། །རྡོ་རྗེ་ཐལ་མོ་སྟེང་དུ་བསྒྲེང་། །མཛུབ་མོ་གཉིས་པོ་སྦྱར་བར་བྱ། །འདི་ནི་རྡོ་རྗེ་སྙིང་པོའི་རྒྱ། །རྡོ་རྗེ་སྙིང་པོས་བཀའ་སྩལ་ཏོ། །ཁུ་ཚུར་ནང་
D490.086.0027a06.01དུ་བྱས་ནས་སུ། །མཛུབ་མོ་གཉིས་པོ་རྩེ་མོ་བྱ། །འདི་ནི་འཇམ་དཔལ་ཕྱག་རྒྱ་སྟེ། །རྡོ་རྗེ་རལ་གྲི་ཞེས་སུ་བརྟག །དེ་ཉིད་ཤག་ཏིའི་རྣམ་པ་ནི། །འཇམ་པའི་དབྱངས་ནི་བློ་ལྡན་གྱིའོ། །གཤིན་རྗེ་མཐར་བྱེད་མདུང་རྩེར་འགྱུར། །མདུང་རྩེ་ཆེན་པོར་རབ་ཏུ་བརྟག།།
D490.086.0027a07.01