完整藏文原文 · 德格版页 当前仅加载第 86 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཡིད་བཞིན་གྱི་ནོར་བུ་དང་། དཔག་བསམ་གྱི་ཤིང་དང་། བུམ་པ་བཟང་པོ་དང་། ནོར་གྱི་ཆར་པ་དང་། ནམ་མཁའི་མཛོད་ཀྱི་ཏིང་ངེ་འཛིན་ཆེན་པོ་དང་། རིན་པོ་ཆེ་ཆེན་པོའི་ལག་པ་དང་། ནོར་རྒྱུན་གྱི་རྟོག་པ་ཆེན་པོ་དང་། སེམས་ཅན་གྱི་རེ་བ་ཐམས་ཅད་རྗེས་སུ་འགེངས་
D490.086.0037b01.01པ་དང་། འཁོར་ལོས་སྒྱུར་བའི་རྒྱལ་སྲིད་དང་། རིན་པོ་ཆེ་ཐམས་ཅད་ཀྱང་བསྒྲུབ་པར་བྱའོ། །དེ་ལ་འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བསྙེན་བཀུར་
D490.086.0037b02.01བ་རིན་པོ་ཆེའོ། །དེ་ནས་སྒྲུབ་པའི་ཐབས་གཞན་ཡང་ཙནྡན་དཀར་པོ་ལས་པདྨ་སོར་དྲུག་པའི་ཚད་བྱས་ལ་པདྨ་དེ་ལག་པར་བཟུང་ནས་ཟླ་བ་དྲུག་ཏུ་སྐྱིལ་ཀྲུང་བཅིངས་ཏེ་ཉེ་བར་སྤྱོད་པ་ཐམས་ཅད་ཀྱིས་མཆོད་ནས་ཐུན་མཚམས་གསུམ་མམ་བཞིར་གྲངས་མི་གཟུང་བར་བཟླས་པར་
D490.086.0037b03.01བྱའོ། །ཟླ་བ་དྲུག་ཡོངས་སུ་རྫོགས་པ་དང་པདྨ་འབུམ་ཕྲག་བདུན་སྲེག་བླུགས་བྱའོ། །ཟླ་བ་ཉ་ནས་བསྒྲུབ་པ་བརྩམ་པར་བྱ་སྟེ། ཉེ་བར་སྤྱོད་པ་ཐམས་ཅད་ཀྱིས་མཆོད་ལ་སྐྱིལ་ཀྲུང་བཅས་ནས་མཚན་ཐོག་ཐག་བཟླས་པར་བྱའོ། །ཐོ་རངས་ཀྱི་ཚེ་རིག་པ་འཛིན་པར་འགྱུར་
D490.086.0037b04.01རོ། །སྐྲ་ལི་ཞིང་འཁྱིལ་བ་དང་། ལོ་བརྒྱད་གཉིས་ཀྱི་རྣམ་པར་རྒྱན་གྱི་ཚོགས་ཐམས་ཅད་ཀྱིས་བརྒྱན་པ། ཉི་མ་སྟོང་ཕྲག་ཤར་བའི་འོད་དང་མཚུངས་པ། རིག་པ་འཛིན་པ་བྱེ་བ་ཕྲག་དུ་མའི་འཁོར་ཅན། ལྷའི་བུ་མོ་བྱེ་བ་ཁྲག་ཁྲིག་བརྒྱ་སྟོང་དུ་མས་ཡོངས་སུ་བསྐོར་བ།
D490.086.0037b05.01ཚངས་པ་ལ་སོགས་པའི་ལྷ་རྣམས་མངག་གཞུག་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་སྐད་ཅིག་ཙམ་གྱིས་རྣམ་པར་རྒྱུ་བ་དང་། མཆོད་པའི་སྤྲིན་དུ་མས་དེ་བཞིན་གཤེགས་པ་རྣམས་རྣམ་པར་མཆོད་པར་འགྱུར་རོ། །དེ་བཞིན་དུ་ཨུཏྤ་ལའི་སྒྲུབ་པ་དང་། ཙནྡན་
D490.086.0037b06.01དམར་པོའི་པདྨའི་སྒྲུབ་པ་ཡང་ངོ་། །སྒྲུབ་པ་གཞན་ཡང་འབྱུང་སྟེ། ཤེལ་དང་། པདྨ་རཱ་གའམ། མུ་ཏིག་གི་འབྲས་བུའམ། རིན་པོ་ཆེ་ཡོངས་སུ་རྟོག་པར་བྱེད་པ་པོས་ཡོངས་སུ་བརྟགས་པ་ལ་བདེ་བར་གཤེགས་པའི་མཐོའི་ཚད་ཙམ་པའི་མཆོད་རྟེན་འབུམ་ཙམ་བྱས་ཏེ།
D490.086.0037b07.01