完整藏文原文 · 德格版页 当前仅加载第 86 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ཞེས་བྱ་བ་དང་། འོད་བྱེད་པ་ཞེས་བྱ་བ་དང་། འོད་འཕྲོ་བ་ཞེས་བྱ་བ་དང་། ཐུབ་པར་དཀའ་བ་ཞེས་བྱ་བ་དང་། མངོན་དུ་གྱུར་པ་ཞེས་བྱ་བ་དང་། རིང་དུ་སོང་བ་ཞེས་བྱ་བ་དང་། མི་གཡོ་བ་ཞེས་བྱ་བ་དང་། ལེགས་པའི་བློ་གྲོས་ཞེས་བྱ་བ་དང་། ཆོས་ཀྱི་སྤྲིན་
D490.086.0076a01.01ཞེས་བྱ་བའོ། །ས་རྣམས་ཐམས་ཅད་དོན་གཅིག་པ་སྟེ། འདི་ལྟ་སྟེ། ཡེ་ཤེས་ཀྱི་དོན་ནོ། །ཡེ་ཤེས་ཀྱང་དོན་དམ་པར་ཅི་ཡང་མེད་པ། ཉོན་མོངས་པ་མེད་པ། འགྱུར་བ་མེད་པ། དོན་ཡོད་པ། གདོད་མ་ནས་དག་པ། དྲི་མ་མེད་པ། འོད་གསལ་བ། བརྗོད་དུ་མེད་
D490.086.0076a02.01པའོ་ཞེས་པའི་དོན་གང་ཡིན་པའོ། །ཨོཾ་བྷཱུ་མི་བི་ཤོ་དྷ་ནི་སརྦཱརྠ་པ་རི་པཱུ་ར་ཎི་བྃ་བྷྲུྃ། ས་ཡོངས་སུ་སྦྱོང་བ་ཞེས་བྱ་བའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་རྣམས་ཀྱི་རྣམ་པར་གཞག་པ་བཅུ་རྣམས་ཅི་ཞེ་ན། བྱང་ཆུབ་སེམས་དཔའ་སེམས་དང་པོ་བསྐྱེད་པ་དང་།
D490.086.0076a03.01བྱིས་པར་གྱུར་པ་དང་། ལས་དང་པོ་པ་དང་། རྣལ་འབྱོར་སྤྱོད་པ་དང་། སྐྱེ་བ་སྐྱེད་པ་དང་། སྦྱོར་བ་ཕུན་སུམ་ཚོགས་པ་དང་། བསམ་པ་ཕུན་སུམ་ཚོགས་པ་དང་། ཕྱིར་མི་ལྡོག་པ་དང་། དབང་བསྐུར་བ་ཐོབ་པ་དང་། སྐྱེ་བ་གཅིག་གིས་ཐོགས་པ་སྟེ། བྱང་ཆུབ་སེམས་
D490.086.0076a04.01དཔའ་རྣམས་ཀྱི་རྣམ་པར་གཞག་པ་ནི་དོན་དམ་པར་ན་རྣམ་པར་གཞག་པ་དང་བྲལ་བ་སྟེ། རྣམ་པར་གཞག་པ་གཅིག་ཉིད་ཀྱི་ཕྱིར་ན་འདི་ལྟ་སྟེ། རྣམ་པར་གཞག་པ་མེད་པའོ། །ཨོཾ་སརྦྦ་བྱ་བསྠཱ་ན་བི་ག་ཏེ་ཧཱུྃ། རྣམ་པར་གཞག་པ་མེད་པ་ཞེས་བྱ་བའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །
D490.086.0076a05.01བྱང་ཆུབ་སེམས་དཔའ་རྣམས་ཀྱི་དབང་བཅུ་རྣམས་ཅི་ཞེ་ན། ཚེ་ལ་དབང་བ་དང་། ལས་ལ་དབང་བ་དང་། ཡོ་བྱད་ལ་དབང་བ་དང་། མོས་པ་ལ་དབང་བ་དང་། སྨོན་ལམ་ལ་དབང་བ་དང་། རྫུ་འཕྲུལ་ལ་དབང་བ་དང་། སྐྱེ་བ་ལ་དབང་བ་དང་། སྟོབས་ལ་དབང་བ་དང་། ཆོས་
D490.086.0076a06.01ལ་དབང་བ་དང་། སེམས་ལ་དབང་བའོ། །དབང་རྣམས་ཐམས་ཅད་ཀྱང་དོན་དམ་པར་དབང་མེད་པ་རང་བཞིན་རྣམ་པར་དབེན་པ། ཀུན་རྫོབ་ཏུ་དབང་ཕྱུག་ཐམས་ཅད་ལ་དབང་རྗེས་སུ་ཐོབ་པ་སྟེ། ཆོས་ལེགས་པར་སོ་སོར་རྟོགས་པ་ཉིད་ཀྱི་ཕྱིར་རོ། །ཨོཾ་སརྦཱ་བ་ཤི་ཏེ་ཏྲཱྃ་བྷྲཱུྃ་ཧཱུྃ།
D490.086.0076a07.01