完整藏文原文 · 德格版页 当前仅加载第 86 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་དཔའ་བོ་ཐམས་ཅད་ཀྱིས། །དེ་ཡི་སྔགས་སུ་ཡོངས་གྲགས་པ། །བཞི་པའི་སྡེ་ཡི་དང་པོ་གང་། །མེ་ཡི་ས་བོན་གྱིས་གསལ་བྱས། །དབྱངས་ཀྱི་གཉིས་པས་ཀུན་ནས་མནན། །དབང་སྒྱུར་བ་ནི་སྟེང་དུ་གནས། །དེ་ཡི་ཕྱག་རྒྱ་ཡང་དག་བཤད། །རིན་ཆེན་སྙིམ་པ་རྒྱབ་
D490.086.0064b01.01བསྐུམས་ཏེ། །རིན་ཆེན་རྣམ་པ་ལེགས་བྱུང་བ། །དེ་ནི་རྡོ་རྗེ་རིན་ཆེན་ནོ། །རྡོ་རྗེ་རིན་པོ་ཆེའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱས། །ཐིག་བཞི་
D490.086.0064b02.01དང་ནི་ཡང་དག་ལྡན། །རྡོ་རྗེ་ཕྲེང་བས་རྣམ་པར་མཛེས། །དེ་ཡི་དབུས་སུ་ཞལ་བཞི་པའི། །འཁོར་ལོ་བཞིན་དུ་ཡོངས་བསྐོར་བའོ། །དེ་ཡི་དབུས་སུ་པད་ཆེན་པོའོ། །ཁ་དོག་སྣ་ཚོགས་ཡོངས་འབར་བ། །དེ་ཡི་དབུས་སུ་བརྩོན་ཆེན་པོ། །རྡོ་རྗེ་སྣ་ཚོགས་ཡོངས་སུ་བྲི། །རྡོ་རྗེ་ཁུ་ཚུར་
D490.086.0064b03.01འཛིན་མཛེས་པ། །རྒྱན་རྣམས་ཀུན་གྱིས་བརྒྱན་པ་པ། །ཁ་དོག་སྣ་ཚོགས་གཟི་བརྗིད་ཆེ། །སངས་རྒྱས་ཕྲེང་བས་རྣམ་པར་མཛེས། །དེ་ཡི་སྔགས་ནི་ཡང་དག་བཤད། །བཅུ་གཉིས་པ་ཡི་དབྱངས་ཀྱི་མཐའ། །མྱ་ངན་འདས་དོན་ལེགས་གསལ་བྱས། །སྒེག་སོགས་རིག་
D490.086.0064b04.01མ་ཐམས་ཅད་ཀྱིས། །དེ་བཞིན་རང་གི་ཕྱག་རྒྱ་ཡིས། །རྡོ་རྗེའི་ཐིག་ལེ་ཡོངས་སུ་ལྡན། །སྣ་ཚོགས་བཀྲ་བ་མཆོག་ཏུ་འབར། །དེ་ཡི་དབང་བསྐུར་ཕྱག་རྒྱ་ཡིས། །མཆོད་པ་ཀུན་གྱིས་ཐམས་ཅད་ནས། །ཀུན་ནས་ཡོངས་སུ་བསྐོར་བ་ཡི། །ལས་ཀྱི་དཀྱིལ་འཁོར་བྲི་བར་བྱ། །
D490.086.0064b05.01ལས་ཀྱི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །ཤེས་རབ་ཡེ་ཤེས་འཁོར་ལོ་ཆེ། །སྔགས་ཀྱི་ཡི་གེས་རྣམ་པར་བརྒྱན། །དེ་ཡི་དབུས་སུ་པད་ཆེན་པོ། །འདབ་མ་བརྒྱད་པ་ཤིན་ཏུ་མཛེས། །དེ་ཡི་ལྟེ་བའི་དཀྱིལ་དུ་
D490.086.0064b06.01ནི། །གཞོན་ནུ་སྣ་ཚོགས་གཟུགས་ལྡན་པ། །སྐུ་མདོག་དམར་ཞིང་འཛུམ་བཅས་པ། །སྣ་ཚོགས་གཟུགས་ཅན་རལ་གྲི་ཅན། །ཕྱག་བཞི་པ་ལ་ཞལ་བཞི་པ། །རལ་གྲིའི་ཕྲེང་བས་རྣམ་པར་བརྒྱན། །གསང་སྔགས་ཆེན་པོ་ཡི་གེ་ལྔ། །དེ་ཡི་དྲུང་དུ་ལེགས་པར་གནས། །
D490.086.0064b07.01