完整藏文原文 · 德格版页 当前仅加载第 86 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་མེད་ཅིང་སྣང་བ་མེད། །དངོས་པོ་མེད་པའི་ཆོས་རྣམས་ལ། །དངོས་པོའི་དེ་ཉིད་ཉིད་དུ་བཤད། །དངོས་མེད་དངོས་པོའི་རང་བཞིན་ཡིན། །དངོས་མེད་ཉིད་ཀྱང་དངོས་པོ་ཡིན། །དངོས་དང་དངོས་མེད་རྣམ་པར་གྲོལ། །རྣལ་འབྱོར་ཡེ་ཤེས་
D490.086.0029a01.01མཆོག་ཏུ་བདེ། །རྟོག་གེ་མེད་ཅིང་སྣང་བ་མེད། །འཁྲུལ་པ་མེད་ཅིང་ཡི་གེ་མེད། །སྟོང་པ་ནམ་མཁའ་མཚུངས་པའི་སེམས། །གང་ཚེ་དེ་ལྟར་ཉིད་གྱུར་པ། །དེ་ཚེ་ཕྱག་རྒྱ་རྣམས་དང་སྔགས། །ལྷ་ཉིད་དུ་ཡང་རབ་ཏུ་བརྟག །སྔགས་ལས་ཕྱག་རྒྱ་མ་མཐོང་
D490.086.0029a02.01ཞིང་། །ཕྱག་རྒྱ་ལས་ཀྱང་སྔགས་མིན་ལ། །རང་ཉིད་ལྷ་ཡི་རྣལ་འབྱོར་ནི། །གཉིས་མེད་སྔགས་དང་ཕྱག་རྒྱར་བརྟགས། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སྙིང་པོ་རྒྱན་ཅེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས་ཕྱག་རྒྱའི་རིམ་པར་ཕྱེ་བའོ།། །།
D490.086.0029a03.01དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་འཁོར་ལོས་སྒྱུར་བ་ཆེན་པོ་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོ་ལ་གསོལ་བ་བཏབ་པ། དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་
D490.086.0029a04.01པར་མཛད་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་དག་གིས་གསོལ་བ་བཏབ་པའི་ཚིག་ཉེ་བར་གསན་ནས་འོག་མིན་གྱི་གནས་ནས་བྱོན་ཏེ། དགའ་ལྡན་གྱི་གནས་སུ་བཞུགས་ནས་དགའ་ལྡན་གྱི་རིས་ཀྱི་ལྷའི་བུ་རྣམས་ལ་ཆོས་བསྟན་ནས་ཟས་གཙང་གི་རིགས་
D490.086.0029a05.01ལ་མངོན་པར་གཟིགས་ཏེ། མངོན་པར་བྱུང་བར་མཛད་ནས་བྱང་ཆུབ་ཀྱི་སྙིང་པོ་དག་ལ་ཉེ་བར་མནན་ནས་ཉེ་བར་འཁོད་དེ། བདུད་བཞི་ལས་རྣམ་པར་རྒྱལ་བར་བསྟན་ནས་བྱང་ཆུབ་ཀྱི་སྙིང་པོ་ལ་བཞུགས་པར་གྱུར་ཏེ། བཞུགས་ནས་ཀྱང་ཀུན་ནས་འཕྲོ་བའི་ཏིང་ངེ་འཛིན་
D490.086.0029a06.01སྔོན་དུ་འགྲོ་བའི་ཏིང་ངེ་འཛིན་བྱེ་བ་བརྒྱ་སྟོང་ཕྲག་བརྒྱད་ཅུ་རྩ་བཞི་ལ་སྙོམས་པར་ཞུགས་ཏེ། སྙོམས་པར་ཞུགས་ནས་ཀྱང་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེ་གོལ་གྱི་སྒྲས་དེ་བཞིན་གཤེགས་པ་ཐམས་ཅད་སྤྱན་འདྲེན་ཅིང་གསང་སྔགས་འདི་གསུངས་སོ།།
D490.086.0029a07.01