完整藏文原文 · 德格版页 当前仅加载第 86 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་དེ་དཀར་པོ་ཁོ་ན་ཤིན་ཏུ་རྣམ་པར་དག་པར་འགྱུར་རོ། །རྫི་མ་བའི་ལྟ་བུ་སྟེ། སྤྱན་གྱི་རྫི་མ་རྣམས་ཁྱུ་མཆོག་གི་བཞིན་དུ་གང་འོག་མ་ཡིན་པ་དེ་རྣམས་འོག་ཁོ་ན་དང་། གང་སྟེང་མ་ཡིན་པ་དེ་རྣམས་སྟེང་ཁོ་ནར་གནས་པ་མ་འཛིངས་པ་ལེགས་པར་གཞོལ་བའོ། །
D490.086.0078a01.01སེམས་ཅན་འགའ་ཞིག་རྣམས་ཀྱིས་དེ་བཞིན་གཤེགས་པ་གསེར་གྱི་མདོག་ཅན་དུ་མཐོང་བ་འགའ་ཞིག་རྣམས་ཀྱིས་ཤེལ་གྱི་མདོག་ཅན་དུ་མཐོང་བ་འགའ་ཞིག་རྣམས་ཀྱིས་པདྨ་རཱ་གའི་ཁ་དོག་དང་། འགའ་ཞིག་རྣམས་ཀྱིས་ཨིནྡྲ་ནཱི་ལའི་ཁ་དོག་ཅན་དང་། འགའ་ཞིག་རྣམས་ཀྱིས་མུ་
D490.086.0078a02.01ཏིག་དམར་པོའི་ཁ་དོག་ཅན་དང་། འགའ་ཞིག་རྣམས་ཀྱིས་དུང་དང་ཀུནྡ་དང་ཟླ་བ་ལྟར་དཀར་བ་དང་། འགའ་ཞིག་གིས་ཁ་དོག་སྣ་ཚོགས་པ་དང་། འགའ་ཞིག་གིས་ནམ་མཁའི་ཁ་དོག་ཅན་དང་། འགའ་ཞིག་གིས་ཁྲུ་ཕྱེད་དང་བཅུ་གསུམ་པའི་ཚད་དང་། ཇི་སྲིད་དུ་དཔག་ཚད་
D490.086.0078a03.01འབུམ་གྱི་ཚད་དམ། དཔག་ཚད་བྱེ་བའི་ཚད་དང་། ཇི་སྲིད་དུ་འཇིག་རྟེན་གྱི་ཁམས་རབ་འབྱམ་རྒྱ་མཚོའི་སྤྲིན་མཐའ་ཡས་པ་རྣམས་སུ་སྣང་བར་མཛད་པའི་འོད་ཀྱི་དཀྱིལ་འཁོར་ཅན་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བས་ཡོངས་སུ་རྒྱས་པར་མཛད་པ་དང་། ཇི་
D490.086.0078a04.01སྲིད་དུ་མེ་ཏོག་གི་གཞིའི་སྙིང་པོའི་རྒྱན་བཀོད་པའི་རྒྱ་མཚོ་རྣམས་སྣང་བར་བྱེད་ཅིང་། ཆོས་ཀྱི་དབྱིངས་ཀྱི་མཐར་ཐུག་པའི་བར་དུ་སྟེ། སངས་རྒྱས་ཐམས་ཅད་ཀྱི་ཡུལ་གདུལ་བྱའི་དབང་ལས་ཐམས་ཅད་སྣང་བར་བྱེད་ཅིང་འཇིག་རྟེན་གྱི་ཁམས་ཐམས་ཅད་དབྱངས་ཀྱིས་རྣམ་པར་རིག་པར་མཛད་པ་
D490.086.0078a05.01དང་། སྟོང་གཉིས་དང་གསུམ་དང་། ཇི་སྲིད་ནམ་མཁའི་མཐར་ཐུག་པའི་བར་ཐམས་ཅད་འོད་དང་། དབྱངས་ཀྱིས་སྣང་བར་བྱས་ནས་རྣམ་པར་རིག་པར་མཛད་པ་དང་། ཆོས་དང་། ཟང་ཟིང་དང་། དོན་མཐུན་པ་དང་། དོན་བྱ་བའི་བསྡུ་བའི་དངོས་པོ་བཞི་རྣམས་ཀྱིས་སེམས་ཅན་
D490.086.0078a06.01རྣམས་ལ་ཕན་འདོགས་ཤིང་། ཕན་བཏགས་ནས་བྱང་ཆུབ་ཆེན་པོ་ལ་རབ་ཏུ་དགོད་པར་མཛད་དོ། །སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་མཉམ་པ་ཉིད་ཀྱིས་ཆོས་རྣམས་ཐམས་ཅད་མཉམ་ཞིང་མཉམ་པ་སྟེ། དེ་བཞིན་གཤེགས་པ་རྣམས་ཀྱི་མཚན་མངོན་པར་འགྲུབ་པར་བལྟ་བར་
D490.086.0078a07.01