完整藏文原文 · 德格版页 当前仅加载第 86 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
པར་དུ། །སྤྱི་གཙུག་སྙིང་ག་རྐང་པའི་བར། །ཡི་གེ་ཡིས་ནི་ཡོངས་གང་པར། །གཟུགས་བརྙན་གཅིག་གི་གོ་འཕང་གྱུར། །སེམས་རྩེ་གཅིག་འགྱུར་བསམ་གཏན་གྱིས། །ས་ལ་རབ་གནས་པདྨ་ནི། །དབང་ཆེན་གྱི་ནི་གནས་ཞེས་བཤད། །
D490.086.0019a01.01དབང་པོ་གཉིས་ནི་མཚུངས་སྦྱོར་བས། །དབང་ཕྱུག་ཀྱང་ནི་བསྒྲུབ་པར་བྱ། །དབང་ཆེན་དག་ནི་གྲུ་བཞི་པ། །དབང་ཆེན་གྱི་ནི་ལས་སུ་བཤད། །ཆུ་ནི་ཟླུམ་པར་ཤེས་པར་བྱ། །པདྨའི་མཚན་མས་རྣམ་པར་མཚན། །ཞི་བར་བྱེད་པའི་ལས་དང་ལྡན། །ཞི་བའི་
D490.086.0019a02.01དོན་དུ་དེ་བཤད་དོ། །མེ་ནི་གྲུ་གསུམ་ཤེས་པར་བྱ། །སུམ་མདོ་ཡི་ནི་གནས་སུ་གནས། །དབང་དུ་བྱ་བ་བསྒྲུབ་དོན་དུ། །པདྨ་རཱ་ག་འདྲ་བའི་འོད། །མངོན་སྤྱོད་ལ་ནི་བརྩོན་འགྲུས་ཆེ། །རླུང་གི་དཀྱིལ་འཁོར་བརྗོད་བྱ་སྟེ། །རལ་གྲི་ཡི་ནི་ཕྱག་རྒྱའི་དབྱིབས། །
D490.086.0019a03.01དབྱར་གྱི་སྤྲིན་དང་མཚུངས་པའི་འོད། །སེར་དང་དཀར་དང་དེ་བཞིན་དམར། །ནག་པོ་ཡང་ནི་ཁྱད་པར་དུ། །དང་པོའི་དཀྱིལ་འཁོར་ཚུལ་གྱིས་ནི། །ཐ་མའི་བར་དུ་རབ་ཏུ་བརྟག །དང་པོ་རྡོ་རྗེ་རབ་ཏུ་གཞག །དེ་ཡི་རྗེས་སུ་རིན་ཆེན་ཏེ། །པདྨ་དང་ནི་ལས་རྣལ་
D490.086.0019a04.01འབྱོར། །གྲུབ་པའི་གོ་འཕང་རིམ་པར་བཤད། །ཕྱག་རྒྱ་ཐམས་ཅད་ཀྱི་ཡེ་ཤེས་སོ།། །།དེ་ནས་བཅོམ་ལྡན་འདས་རྟག་པས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་ཡེ་ཤེས་བཀའ་སྩལ་པ། གཉིས་དང་གཉིས་སུ་མེད་པས་ཡོངས་སུ་དག་པས་ཆོས་ཐམས་
D490.086.0019a05.01ཅད་རྣམ་པར་གྲོལ་བའི་ཕྱག་རྒྱས་རྒྱས་བཏབ་པའོ། །རྟག་པ་ཡོངས་སུ་དག་པས་ཆོས་ཐམས་ཅད་ཞི་བ་དང་མཐའ་དང་མཐའ་མེད་པའི་ཕྱག་རྒྱས་རྒྱས་བཏབ་པའོ། །ཟད་པའི་སྒོ་དང་ཟད་པའི་མཐའ་དང་ཟད་པའི་མུར་ཐུག་པ་དང་ལྡན་པས་ཆོས་ཐམས་ཅད་ཟད་པ་དང་། འདོད་
D490.086.0019a06.01ཆགས་དང་བྲལ་བའི་ཕྱག་རྒྱས་རྒྱས་བཏབ་པའོ། །མཉམ་པ་ཉིད་ཀྱི་མཐའ་རྣམ་པར་དག་པས་ཆོས་ཐམས་ཅད་ལ་སྐུར་པ་མི་འདེབས་པའི་ཕྱག་རྒྱས་རྒྱས་བཏབ་པའོ། །མིག་ལྔ་ལ་ཡང་དག་པར་འདས་པས་ཆོས་ཐམས་ཅད་ནམ་མཁའི་ཕྱག་རྒྱས་རྒྱས་བཏབ་པའོ། །
D490.086.0019a07.01