完整藏文原文 · 德格版页 当前仅加载第 86 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱབ་ཏུ་རལ་གྲིའི་ཕྱག་རྒྱ་ནི། །རིན་ཆེན་འབར་བས་རྣམ་པར་བརྒྱན། །ཕྱི་ངོས་རྣམས་སུ་རྣམ་ཁྲོས་པའི། །ཁྲོ་བོ་ཐམས་ཅད་དགོད་པར་བྱ། །དེ་ཡི་སྔགས་ཀྱི་ཡི་གེ་གསང་། །གསང་ཆེན་མཆོག་ཏུ་འབར་བའོ། །གཞལ་དུ་མེད་ཅིང་གྲངས་མེད་མཆོག །ཆོས་དབྱིངས་
D490.086.0051b01.01མཉམ་དང་མི་མཉམ་པ། །ཡི་གེ་གཅིག་པ་གསང་ཆེན་པོ། །རྒྱུ་ཡི་དོན་དུ་རྟོགས་པར་བྱེད། །དབྱངས་ལྔ་དང་ནི་ཡང་དག་ལྡན། །ཐིག་ལེ་སྒྲ་ཡིས་རྣམ་པར་བརྒྱན། །དེ་ཉིད་གསང་བའི་མགོན་པོ་ནི། །དབྱངས་བདུན་པར་ནི་བཤད་པ་ཡིན། །ཧེ་རུ་ཀ་དཔལ་རྡོ་རྗེ་ཆེ། །
D490.086.0051b02.01འཇིག་པའི་ཐལ་བ་མཆོག་ཏུ་འབར། །སེམས་དཔའ་སྔོན་པོ་འབར་བའི་བདག །འབར་བའི་མེ་ཡི་དཀྱིལ་འཁོར་བཞིན། །འཇིག་པ་ཆེན་པོའི་དུས་ཅན་གྱི། །ཆར་སྤྲིན་དང་ནི་འདྲ་བའི་འོད། །པདྨ་རཱ་གའི་རྣམ་པ་འདྲ། །འབར་བ་ཀུན་གྱིས་རྣམ་པར་བརྒྱན། །དུར་
D490.086.0051b03.01ཁྲོད་མེ་བཞིན་ཤིན་ཏུ་ཡང་། །གསལ་བའི་སྐྲ་ལྡན་སྟོབས་པོ་ཆེ། །རྣོ་བའི་རྡོ་རྗེ་ཆེར་འབར་བ། །ཐོད་པའི་ཅོད་པན་སྟེང་དུ་འབར། །འཇིག་པ་ཆེན་པོའི་དུས་ཅན་གྱི། །རྒོད་མ་ཁ་ཡི་མེ་ལྟར་གནས། །སྨིན་འཁྱོག་རྣམ་པར་འཁྲུགས་པ་ཅན། །གཡོན་བརྐྱངས་པ་
D490.086.0051b04.01ཡི་ཞབས་ཀྱིས་བཞུགས། །ཁྲོ་བ་ལ་སོགས་ཉམས་དང་ལྡན། །རྣམ་པ་སྣ་ཚོགས་འཁྲུགས་པའི་གདོང་། །གར་དང་སྡུད་པར་ཡང་དག་ལྡན། །འཇིག་རྟེན་སྣང་བ་གར་མཛད་པ། །ཕྱག་ནི་བརྒྱ་ཕྲག་སྟོང་དང་ལྡན། །གཅིག་ཏུ་འགྱུར་ཞིང་རྣམ་པ་མང་། །རྣམ་མང་
D490.086.0051b05.01ཞལ་ལྡན་དེ་དག་གི། །སྔོ་སེར་ལ་སོགས་མཐའ་དང་ལྡན། །ཞབས་ཀྱང་རྣམ་པ་དུ་མ་ལྡན། །སྣ་ཚོགས་མདོག་ལྡན་རྣམ་པར་འཁྲུག །དེ་ཉིད་བཅོམ་ལྡན་རྣལ་འབྱོར་ཏེ། །ཁྲོ་བོའི་རྒྱལ་པོ་སྟོབས་པོ་ཆེ། །ཤིན་ཏུ་སྡུག་ཅིང་དྲག་རྣམས་ལ། །སྒྱུ་འཕྲུལ་དྲ་བ་ཞེས་བྱར་
D490.086.0051b06.01གནས། །ཕྱག་དྲུག་ཞབས་དྲུག་སྣང་བ་ཅན། །ཞལ་དྲུག་པ་སྟེ་གསུས་པོ་ཆེ། །ཆར་སྤྲིན་མཆོག་འདྲ་ཆེར་གནག་པ། །དུས་མཐའི་མེ་དང་འདྲ་བར་གནས། །མདོག་ཆེན་རྒྱལ་པོ་འཁྱིལ་པ་འདྲ། །ཟར་མ་ཡི་ནི་མེ་ཏོག་མཚུངས། །ཁྲོ་བོ་ཐོད་པའི་ཕྲེང་བ་འཆང་། །གཤིན་
D490.086.0051b07.01